Kalesia 5:6 - Tataroha Diana

⁶ Aana maholo iinoni e lado oto peꞌie a Jisas Kraes, nge maꞌalana e torihesiꞌo wa haꞌike, taꞌe e sada mola na e kaꞌa roroꞌa ike. Taꞌa-taꞌa leu mola e roroꞌa, na leune mola hiiwalaimolinge ikie aana a Jisas Kraes ke si haataꞌi aana manata-diananga hunie mo iinoni.

Kalesia 5:6 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 7:5

aena aana e manata diana hunikie mo Jiu, hule aana ingeie maraana e tohue nume ni palo-palo hunie huilume iꞌemeelu.”

1 Korinit 13:13

Na e oolu mei ola e iiꞌo huu oto ie—hiiwalaimolinge, na maaꞌoohinge susutoꞌo, na manata-diananga. Taꞌe manata-diananga oto naꞌohana e oolu mei ola ngeena.

1 Korinit 7:19

Aena aana uri o ke hele aana kaꞌu torihesiꞌonga wa haꞌike, nga mei roroꞌanga haꞌike aana. Taꞌa-taꞌa leu mola e roroꞌa oto, uri o ke lulu i sulie mo haꞌatolanga a God.

2 Korinit 5:14

Taꞌena nga mei ola melu ko esuie, melu ko esuie mola aena aana manata-diananga a Kraes. Na aana melu hiiwalaimoli uri taꞌa-taꞌa iinoni e mae oto honotaka, nge melu hiiwalaimoli noꞌone uri ahutaka, kie mani mae tararuru oto peꞌie iinonine mwaanie mauringe lalahuꞌe e aaela ikie i naꞌo.

Kalesia 3:26

Oto omu meni neꞌi kalena a God oto aana omu lado peꞌie a Jisas Kraes aena aana omu hiiwalaimoli aana.

Kalesia 3:28

Oto nga mei ola hunie ke aaopa i matolamiu mo Jiu na mo Aapoloa Aaopa haꞌike loꞌu, wa i matolana mo koni-konihe na mo aalaha, wa i matolana mo mwane na mo keni. Omu meni neꞌie oto e taꞌa-taꞌa iinoni i lalo aana a Kraes Jisas.

Kalesia 6:15

Oto e kaꞌa tohungei roroꞌa ike uri aana iinoni e torihesiꞌo wa e kaꞌa torihesiꞌo. Taꞌa-taꞌa leu e roroꞌa oto uri a God ke haꞌahaalukie hunie kie ke neꞌi iinoni haalu.

Epesas 6:23

Maeni eesiku maaꞌi, no ko eitanaie a God Aamaka na Aalaha ikie a Jisas Kraes, hunie ke asuie hanuelamanga, na manata-diananga peꞌie hiiwalaimolinge ke paine loꞌu eemiu.

Kolosi 1:4

aana melu rongoa uri omu ko hiiwalaimoli aana a Jisas Kraes, na omu ko manata diana hunie ahutana mo iinoni maaꞌi a God.

Kolosi 3:11

Ahutaka mo iinoni kie mani sada mola i laona mauringe haalu ngeena. Maꞌalana uri kie hute aana mo Jiu wa haꞌike, maꞌalana uri kie hele aana torihesiꞌonga wa haꞌike, maꞌalana uri kie hute aana mwala ni puꞌo wa mwala e puꞌo tataꞌala oto liutaa mala mo Sitia, maꞌalana uri kie neꞌi koni-konihe wa kie iiꞌo luhetaꞌi loꞌu, taꞌe a Kraes oto e neꞌi naꞌohai ola roroꞌa i laona maurihaꞌaka, mo iini kie hiiwalaimoli aana.

1 Tesalonaeka 1:3

Oto tarau aana aarengaꞌinge iꞌemeelu hunie a God Aamaka, melu ko aamasitoꞌo aana mo tolahai iinoni diana nge omu ko lulu i suliꞌi i sulie hiiwalaimolinge iꞌomu aana a Jisas, na mo weonga iꞌomu i tehulaꞌana omu manata diana hunie a God. Na melu ko loꞌongaꞌinie noꞌone uuranga aꞌailaꞌa iꞌomu aani norutoꞌonga aana a Jisas Kraes Aalaha ikie.

Hibru 11:8

Aani hiiwalaimolinge mone, nge a Ebraham e tola i sulie a God maholo e soie. A Ebraham e toliꞌaasie hanue ingeie huni lae aana ngaeta hanue nge a God kei niie hunie. E lae mola, maꞌalana uri e kaꞌa saie uri leu nge ko lae takoie.

1 Pita 1:8

Nou saie taane uri omu kaꞌa leesie ike a Kraes, taꞌe omu tohungei manata diana mola hunie. Na maꞌalana omu kaꞌa sai leesie ue aana maholo ienini, taꞌe omu ko lae peꞌi hiiwalaimoli mola aana peꞌi ilenimwaꞌenga paine oto liutaa. Ilenimwaꞌenga iꞌomu e lae oto i peine liutaa na e manikuluꞌe, na hule aana nga mo wala kire kaꞌa adona ike haataꞌinilana ilenimwaꞌenga paine iꞌomu ngeena.