Kalesia 5:12 - Tataroha Diana

¹² !Taꞌe torihesiꞌonga e kaꞌa neꞌie ike nga mei ola! !Saeku uri mo iini ko lae peꞌi kotahiꞌomu aana haꞌa-uusulinge i sulie torihesiꞌonga ngeena, kire ke lae taraꞌasi na kire ke tori aasire mola maraada!

Kalesia 5:12 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 9:34

Oto kire aalamie na kire ko teꞌuri hunie, “!Iꞌoe o hute, na o oorahaꞌaa oto! ?Uri o ko sare haꞌa-uusuliꞌemeelu?” Oto kire si aasie i sinaha mwaanie nume ni palo-palo.

Palonga 15:24

Melu rongoa uri ngaeta mwala aana pulitaa iꞌemeelu kire lai hule wau i seemiu, na kire kotahiꞌomu oto aani wala na ko hurosie saemiu. Taꞌe walu ola ngeena melu kaꞌa unuꞌi ike hunire hunie kire ke lae wau i unuꞌi huniꞌomu.

Palonga 5:5

A Ananaeas e rongo mola urine, e ladamaꞌi hai aano na ko mae oto. Oto ahutana mwala kire rongoa leune kire ko si tohungei meꞌu oto liutaa.

Palonga 5:9

Oto a Pita ko teꞌuri loꞌu hunie, “?Oto e ue ni more neꞌisae tararuru huni haꞌangai-ngeie Liꞌoa Maaꞌi a God? !O ke rongo! Mo saanau nge kire lai heitolingeꞌinie poro iꞌoe, ikire oto taꞌau i aena maa, na kire kei aangaꞌiniꞌo oto noꞌone taꞌau urine.”

Kalesia 2:4

Melu ere i sulie leune mola aena aana ngaeta mo iini kire lae kaꞌu mei i laona pulitaa iꞌemeelu mala mo wao-wao. Kire eeroꞌemeelu uri ikire mo eesimeelu i lalo aana Kraes, taꞌe haꞌike. Kire lae mola mai huni haitale mumuni mola aana tolahaka, mo iini kie lado oto peꞌie a Jisas na kie iiꞌo luhetaꞌi oto mwaanie mo Haꞌatolanga i naꞌo. Kire dau mala mo wao-wao urine aena aana kire ko sare da mola uri kie ke iiꞌo ni hoꞌo loꞌu i sulie mo Haꞌatolanga a Mosis.

Kalesia 5:10

Taꞌe aana nou norutoꞌo aana a Aalaha, nou hiiwalaimoli uri omu saꞌa hiiwalaimoli ike loꞌu aana mo loꞌongaꞌinge aaopa ngeena. Na iini nge ko kotahiꞌomu aana mo loꞌongaꞌinge urine, a God kei haꞌaloie taane.

Taetas 3:10

Mala nga iini ko da oopanga hunie mwala, nge o ke haꞌa-oodohie mola. Taꞌe mala uri o ko haꞌa-oodohie oto haꞌarue na e kaꞌa sare rongo huniꞌo, nge o ke aatopuri mola aana.