Kalesia 4:4 - Tataroha Diana

⁴ Taꞌe e lae mai hule aana maholo oto hunie, nge a God e uusungeꞌinie mai a kalena i laona walumalau. E hute mai aani iinoni na e iiꞌo oto i mamalutana mo Haꞌatolanga a Mosis.

Kalesia 4:4 ပူးပေါင်းရင်းမြစ်များ

Matiu 1:23

Nga keni raoriꞌi kei hiꞌe-hiꞌe aani mwela, na kei haꞌahutaa kele mwela mwane, na kire kei saie aana Imaniuel, Aesaea 7:14 ere-oolisilana uuri, “God peꞌikie.”

Matiu 3:15

Oto a Jisas ko aalamie a Jon uuri, “Toliꞌaasie ke rau oto urine, hunie kure ke dau i sulie nga taa a God e saetoꞌo aana.” Oto aena aana a Jisas e ere urine, a Jon e si loto maaꞌi aana a Jisas.

Matiu 5:17

Oto a Jisas ko heꞌi teꞌuri loꞌu, “Mwaanie omu loꞌo-loꞌongaꞌinie uri nou lae mai huni taꞌaasie mo Haꞌatolanga a Mosis, na mo haꞌa-uusulinge mo propet. !Haꞌike! Nou kaꞌa lae ike mai huni taꞌaasiꞌi, taꞌe huni haꞌa-oaiꞌi.

Tataroha Diana I Sulie A Jisas Kraes Nge A Mak E Uusue 1:15

Na e ere uurini, “E hule oto aana pongi nge holosilana e lae, uri Aalahanga a God e karaꞌini oto. Omu ke aaliꞌu mwaanie mo oorahaꞌaanga iꞌomu, na omu ke hiiwalaimoli aana Tataroha Diana.”

Tataroha Diana I Sulie A Jisas Kraes Nge A Luk E Uusue 1:31

Na o kei hiꞌe-hiꞌe aani mwela, oto o kei haꞌahutaa kele mwane, na o ke haaraꞌinie satana aana a Jisas.

Tataroha Diana I Sulie A Jisas Kraes Nge A Luk E Uusue 1:35

Oto ensel ko aalamie uuri, “Liꞌoa Maaꞌi kei siho i lengimu, na nanamanga iini e Paine Liutaa kei melusiꞌo. Na aena ngeena kele wee-wee iꞌoe kei maaꞌi na sailana kei lae uri ingeie Kalena a God.

Tataroha Diana I Sulie A Jisas Kraes Nge A Luk E Uusue 2:7

Oto ko haꞌahutaa oto naꞌohai mwela ingeie, ko uloa aani sala na ko haꞌa-enohie aana leu ni haꞌangau puluke, aana nga leu haꞌike talada i nume ni awataa.

Tataroha Diana I Sulie A Jisas Kraes Nge A Luk E Uusue 20:44

A Deved maraana ni e unue uri a Kraes e neꞌi aalaha ingeie. ?Taꞌe e ue? ?Mwane nge e hute mola aana komu a Deved maraana, kei heꞌi neꞌi aalaha ingeie loꞌu uri taa eena?”

Tataroha Diana I Sulie A Jisas Kraes Nge A Jon E Uusue 1:14

A mei Wala ngeena e lae oto mai na e neꞌi iinoni. E oꞌoꞌo oto i matolameelu na melu leesie oto manikuluhaꞌana, mei menikuluꞌanga oto paine aena aana ingeie oto taꞌa-taꞌa mwela mouteꞌi a God. Ingeie oto ko niie ahutana hahuꞌana manata-diananga a God hunikie, na ko unu-unue ahutana walaimolinge a God hunikie.

Tataroha Diana I Sulie A Jisas Kraes Nge A Jon E Uusue 10:36

?Oto e ue omu ko si unue uri no ko ere mwakataꞌinie a God aana nou unue uuri, ‘Ineu a Kalena God.’? Ineu kaꞌu oto iini a God e lio hilisieu na e uusungeꞌinieu mei.

Tataroha Diana I Sulie A Jisas Kraes Nge A Jon E Uusue 3:16

A God e tohungei manata diana hunie walumalau, hule aana e uusungeꞌinie taꞌa-taꞌa mwela mouteꞌi ingeie ke mae oalana, hunie taꞌena nga iini ko hiiwalaimoli aana ke suꞌuri eiꞌaa, taꞌe ke helesie maurihe huu i tehulaꞌana.

Tataroha Diana I Sulie A Jisas Kraes Nge A Jon E Uusue 6:38

Aena aana nou siho mai uure i Lengi, kaꞌa ike hunie ne ke asuie mo ola i sulie saeku maraaku, taꞌe i sulie saena iini e uusungeꞌinieu mei.

Tataroha Diana I Sulie A Jisas Kraes Nge A Jon E Uusue 8:42

Oto a Jisas ko teꞌuri hunire, “Mala uri a God ke neꞌi aamamiu toꞌohuu, haꞌalaa omu manata diana hunieu, aena aana nou uure oto mai mwaanie a God na ineu oto i seemiu ie. Nou kaꞌa lae ike mola mai tohuku, taꞌe ingeie ni e uusungeꞌinieu mei.

Palonga 1:7

Oto a Jisas e aalamire ko teꞌuri, “A Mamaꞌa ni mola e toꞌo aana nanamanga huni oalaꞌinie mo maholo urine. Oto e kaꞌa malisine ike uri omu ke saie mo maholona.

Uusu-uusu A Pol Hurula'aa Hunie Mo Rom 1:3

i sulie a Kalena, Aalaha ikie a Jisas Kraes. E neꞌi iinoni aana e hute mala iinoni aana komu a Deved Inemauri, taꞌe a Liꞌoa Maaꞌi e taꞌelaꞌinie loꞌu mwaanie maenga aana nanamanga paine a God, na urine e haataꞌi diana aana uri ingeie Kalena God toꞌohuu.

Uusu-uusu A Pol Hurula'aa Hunie Mo Rom 15:8

Omu ke aamasitoꞌo aana uri a Kraes ko deu esunge oto huni peꞌie mo Jiu ni ngeena, huni haataꞌinie aada uri mo heiholotaꞌinge a God hunie mo weuwada mo ola toꞌohuu.

Uusu-uusu A Pol Hurula'aa Hunie Mo Rom 5:6

Aana tohungana maholo a God e lio hilisie, nge a Kraes e mae huni peꞌikie mo iinoni oorahaꞌaala huni lulu i sulie a God, aana kie kaꞌa sai peꞌikie ike maraaka urine.

Uusu-uusu A Pol Hurula'aa Hunie Mo Rom 8:3

Mo Haꞌatolanga a Mosis e kaꞌa toꞌo aana ike nga nanamanga huni taꞌaasie mo oorahaꞌaanga ikie urine, aena aana ikie mo iinoni kie kaꞌa sai tola i sulie ike mo Haꞌatolanga ngeena. Taꞌe a God e asuie leune hunikie maholo e uusungeꞌinie mai a Kalena hunie ke neꞌi iinoni oto mala ikie mo iinoni oorahaꞌaala, taꞌe mola aana ingeie e kaꞌa oorahaꞌaa ike. Oto aana a Kraes mone e kaꞌa oorahaꞌaa ike, nge leune e haataꞌinie uri e tohungei melisine oto a God ke lei maesikie mo iinoni oorahaꞌaala. Oto maꞌalana e urine, a God e kaꞌa lei maesikie ike, taꞌe e toliꞌaasie mola a Kraes hunie ke mae mala nga uunu-olanga huni taꞌaasie mo oorahaꞌaanga ikie.

Uusu-uusu A Pol Hurula'aa Hunie Mo Rom 9:5

Mo weuwada oto i naꞌo mala a Ebraham na a Aesak na a Jekob, ikire mo naꞌohai mwane nge a God e lio hilisire, na a Kraes e hute oto noꞌone mai mala iinoni aana komu ikire ngeena. Na ingeie oto a God, na ko aalaha haahie taꞌena nga ola, na e diana hunie kie ke paalahea taraureꞌi oto di. !Iau! !Ke urine oto!

Epesas 1:10

Na haꞌa-oalaꞌinge a God ngeena ke si oa aana tohungei maholo hunie, huni tarakonie mai i saana Kraes taꞌe-taꞌena nga ola i laona haꞌaholanga, maꞌalana mo ola taꞌau i Lengi na mo ola mai aano i leu. Na a Kraes oto kei peine haahiꞌi.

Kolosi 2:14

A God e usuri aasie oto mo uusu-uusu aana mo roroꞌanga ikie nge leilaka ko lae-lae haahiꞌi i sulie kie mani heitohea mo Haꞌatolanga a Mosis. E tohungei haꞌamangoa oto uusu-uusu ngeena aana maelana a Jisas i lengine poꞌu-poꞌu.

1 Timoti 2:6

na e toliꞌaasie maraana hunie ke mae mala nga uuraaꞌinge honotana ahutana iinoni mwaanie kire iiꞌo loꞌu i memelutana oorahaꞌaa. Leune e rau aana tohungana maholo hunie, na ko haataꞌi diana aana uri a God ko sare haꞌa-uurie ahutana iinoni.

1 Timoti 3:16

Kie ko unu haꞌa-oaie uri mo haꞌa-uusulinge nge a God e haataꞌiniꞌi oto aaka kire toꞌohuu taꞌingelu, na kie ko kana i sulie walaimolinge ngeena uuri. Nou hiiwalaimoli aana iini nge e neꞌi iinoni, e haataꞌi hunikie, a Liꞌoa Maaꞌi e haataꞌinie uri e oodotaꞌi. Mo ensel kire leesie, houleꞌinilana e lae hunie mo Aapoloa Aaopa. Ahutana walumalau e hiiwalaimoli aana, tahelaꞌinilana e lae oto taꞌau i Lengi.

Hibru 2:14

Oto ikie mo mwela ingeie ngeena, na aena aana ikie mo iinoni oto mola peꞌie mei sapei ola, nge ingeie noꞌone e neꞌi iinoni oto mala ikie. E mae huni mousie nanamanga a Satan, iini e toꞌo aana nanamanga aana maenga.

Hibru 9:10

Aena aana walu ola ngeena mo ola mola poꞌoi sinaha aana iinoni, mala mo haꞌatolanga i sulie ngaunge na inunge na mo taungei ola mala loto-rereꞌanga. A God e niie mai mo haꞌatolanga ngeena hunie kire ke iiꞌo hule mola aana maholo nge a God kei oolisie taꞌena nga ola hunie ke iiꞌo loꞌu aana tolaha haalu.

1 Jon 4:14

Na melu leesie oto a Jisas aana maameelu, na melu ko haꞌarongoa oto walumalau uri a God e uusungeꞌinie mai a Kalena hunie ke neꞌie a Haꞌa-uuri hunie ahutana mwala aana walumalau.

1 Jon 4:2

Aana omu sai lio saie mo iini toꞌohuu, aana Liꞌoa Maaꞌi a God ko unu tahangaꞌinie uri a Jisas Kraes e lae mai aano na e neꞌi iinoni.