Kalesia 4:30 - Tataroha Diana

³⁰ Taꞌe aamasitoꞌo kaꞌu aana nga taa nge mo Uusu-uusu Maaꞌi e unue loꞌu mei puri aana e unue uuri, Uusungeꞌi aasie mola huꞌe auꞌesu ngeena peꞌie a kalena. Aana kalena huꞌe auꞌesu e saꞌa toꞌo tararuru ike peꞌie kalena tohungei huꞌe aana nga mei ola aana toꞌo-toꞌolana aamana. Jenesis 21:10

Kalesia 4:30 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 8:35

Omu meni saie taane uri iinoni ko esu ni hoꞌo mola, e saꞌa iiꞌo oto huu peꞌie poro paine nge e toꞌo aana. Taꞌe tohungei Kalena poro paine aana nume, ingeie oto kei iiꞌo oto huu peꞌie aamana, na peꞌie taꞌa-taꞌa nanamanga noꞌone mala ingeie.

Uusu-uusu A Pol Hurula'aa Hunie Mo Rom 11:2

A God e saꞌa tohungei sereꞌinie ike mwala ingeie nge e lio hilisire oto uure wau i naꞌo. Omu saie kaꞌu oto laladonga i sulie a Elaeja i laona mo Uusu-uusu Maaꞌi, aana maholo e aarea God na e tohungei ere aaelasie mwala ni Israel uuri,

Uusu-uusu A Pol Hurula'aa Hunie Mo Rom 4:3

aana mo Uusu-uusu Maaꞌi e unue uuri, A Ebraham e hiiwalaimoli aana God, na aena urinena nge e neꞌi iinoni oodotaꞌi i maana a God. Jenesis 15:6 Oto kolu leesie uri oodotaꞌinge mei niinge a God, na nga mei ola mola hunie mwala ke tarie aana asunge ikire haꞌike.

Kalesia 3:22

Taꞌe e kaꞌa urine ike, aena aana mo Uusu-uusu Maaꞌi e unue uri oorahaꞌaa e roroꞌie ahutana mwala aana walumalau. Oto aena urinena nga tala loꞌu hunie kie ke helesie mo heiholotaꞌinge a God haꞌike loꞌu, taꞌe hiiwalaimolinge aana a Jisas Kraes oto haꞌalaa.

Kalesia 3:8

Oto wau i naꞌo, mo Uusu-uusu Maaꞌi e holaꞌi ere taane oto i sulie uri a God kei haꞌa-oodohie mo Aapoloa Aaopa aani hiiwalaimolinge. Aena mei olana nge a Ebraham e holaꞌi rongoa oto aana Tataroha Diana uuri, A God kei da hunie komu iꞌoe ke haꞌadianaꞌaa ahutana mwala ni welumalau i tehulaꞌamu. Jenesis 12:3

Kalesia 4:22

Uusulana e lae i laona mo Uusu-uusu Maaꞌi uri a Ebraham e toꞌo aana e ro mwela mwane. Nga iini e hute mola aana huꞌe auꞌesu ingeie, na ngaeta iini e hute aana tohungei huꞌe oto ingeie kire toolea nana. Tohungei huꞌe ingeie e kaꞌa auꞌesu ike mala koni-konihe, taꞌe e iiꞌo luhetaꞌi mola mwaanie asunge urine.

Kalesia 4:31

Oto, maeni eesiku maaꞌi, kie saie oto uri ikie mo kalena huꞌe auꞌesu ngeena haꞌike loꞌu na mo Haꞌatolanga e saꞌa roroꞌa loꞌu hunikie. Taꞌe ikie mo kalena oto tohungana huꞌe nge e iiꞌo luhetaꞌi mwaanie mo Haꞌatolanga, na haꞌa-oodohilaka e lae oto peꞌie a God aena aana hiiwalaimolinge ikie.

Jemes 4:5

Mo Uusu-uusu Maaꞌi kire unue uuri, a God e saetoꞌo aana liꞌoa nge e neꞌie aaka ke iiꞌo oto mola nana haliꞌite. ?Na ohe omu unue uri kire talei ere-ere mwaakule mola aana kire ere urine? !Haꞌike!