Kalesia 4:22 - Tataroha Diana

²² Uusulana e lae i laona mo Uusu-uusu Maaꞌi uri a Ebraham e toꞌo aana e ro mwela mwane. Nga iini e hute mola aana huꞌe auꞌesu ingeie, na ngaeta iini e hute aana tohungei huꞌe oto ingeie kire toolea nana. Tohungei huꞌe ingeie e kaꞌa auꞌesu ike mala koni-konihe, taꞌe e iiꞌo luhetaꞌi mola mwaanie asunge urine.

Kalesia 4:22 ပူးပေါင်းရင်းမြစ်များ

Kalesia 4:23

Kele mwane nge e hute aana huꞌe auꞌesu ngeena, e lodo na e hute oto mola mala ahutana mo mwela. Taꞌe iini nge e hute aana tohungei huꞌe oto a Ebraham, haꞌalaa e hute oto i sulie haiholotaꞌinge a God e asuie hunie.

Kalesia 4:30

Taꞌe aamasitoꞌo kaꞌu aana nga taa nge mo Uusu-uusu Maaꞌi e unue loꞌu mei puri aana e unue uuri, Uusungeꞌi aasie mola huꞌe auꞌesu ngeena peꞌie a kalena. Aana kalena huꞌe auꞌesu e saꞌa toꞌo tararuru ike peꞌie kalena tohungei huꞌe aana nga mei ola aana toꞌo-toꞌolana aamana. Jenesis 21:10

Kalesia 4:31

Oto, maeni eesiku maaꞌi, kie saie oto uri ikie mo kalena huꞌe auꞌesu ngeena haꞌike loꞌu na mo Haꞌatolanga e saꞌa roroꞌa loꞌu hunikie. Taꞌe ikie mo kalena oto tohungana huꞌe nge e iiꞌo luhetaꞌi mwaanie mo Haꞌatolanga, na haꞌa-oodohilaka e lae oto peꞌie a God aena aana hiiwalaimolinge ikie.