Kalesia 4:12 - Tataroha Diana

¹² Oto no ko eitanaiꞌomu, maeni eesiku maaꞌi, uri omu ke uusulieu aana iiꞌonga luhetaꞌi mwaanie mo Haꞌatolanga a Mosis. Omu ke aamasitoꞌo kaꞌu aana waite, maholo nou eeliꞌu huni lae i sulie a Jisas, nou toliꞌaasie mola mo Haꞌatolanga a Mosis, na urine e urihana nou uusuliꞌomu noꞌone mo Aapoloa Aaopa aana iiꞌonga luhetaꞌi mwaanie mo Haꞌatolanga a Mosis ngeena. Uure aana maholo nou holaꞌi oodoiꞌomu, ikolu taꞌa-taꞌa mei sae mola na omu kaꞌa dau aaelasie ike nga mei ola aaku.

Kalesia 4:12 ပူးပေါင်းရင်းမြစ်များ

Palonga 21:21

Kire rongo tarohana uri o ko haꞌa-uusulie mo Aapoloa Aaopa uri e kaꞌa roroꞌa ike hunire hunie kire ke lulu i sulie mo Haꞌatolanga a Mosis. Oto aena ngeena, kire ko neꞌisae takalo uri o ko haꞌa-uusulie mo Jiu noꞌone hunie kire ke suꞌuri aapwasu aana mo Haꞌatolanga a Mosis, na uri o ko haꞌa-uusulie mo Jiu uri kire ke suꞌuri torihesiꞌo aana mo mwela mwane ikire, wa kire ke lulu i sulie loꞌu tolahaka mo Jiu.

2 Korinit 2:5

Nou sereꞌi ere hiitoꞌo huniꞌomu haahie nga taa nge ngaeta mwane aamiu e dau aaelasie ngeena. Taꞌe mei roroꞌanga oto paine ni ngeena, na e kaꞌa asuie ike mola saehuunge hunieu, taꞌe oto liutaa, e da hunie ahutemiu mango.

2 Korinit 6:11

Maeni eesiku maaꞌi, ahutana walu ola melu unu mangoꞌi oto huniꞌomu mo Korinit, na melu kaꞌa mumunie ike loꞌu nga mei ola mwaaniꞌomu. Na melu haataꞌinie oto uri melu tohungei manata diana huniꞌomu toꞌohuu aana ahutana saemeelu.

2 Korinit 6:13

No ko ere-ere huniꞌomu oto mala iꞌomu maeni kaleku. Omu ke haataꞌinie oto tolahai ola diana nge melu haataꞌinie oto aamiu. Omu ke haataꞌinie oto uri omu manata diana huniꞌemeelu toꞌohuu.

Kalesia 4:11

Oto no ko tohungei maarara mola mwaanie uri nou haꞌaweoau mola peꞌiꞌomu.

Kalesia 4:13

Omu saie oto uri aena mei maelaa e hite aaku, nge nou holaꞌi hule i seemiu na nou tarohaꞌinie oto Tataroha Diana huniꞌomu.

Kalesia 6:14

Taꞌe ineu maraaku, nou kaꞌa sai toohaꞌinieu ike haahie mo ola urine. Taꞌa-taꞌa leu nou sai toohaꞌinieu haahie oto poꞌu-poꞌu a Jisas Kraes, Aalaha ikie. Aena aana nga taa nge a Jisas e asuie aana maelana i lengine poꞌu-poꞌu, nge walumalau ienini e pwani mae oto aana neꞌisaenga ineu, na e urihana ineu noꞌone nou pweni mae oto aana neꞌisaenga mo iinoni ni welumalau.

Kalesia 6:18

Maeni eesiku maaꞌi, no ko eitanaie Aalaha ikie a Jisas Kraes uri hahuꞌana manata-diananga ingeie ke iiꞌo peꞌiꞌomu. Na ke urine oto.