Kalesia 3:5 - Tataroha Diana

⁵ ?Uri a God e niie Liꞌoa huniꞌomu na ko esuie mo huꞌi-huꞌite i matolamiu aena aana omu tola i sulie mo Haꞌatolanga a Mosis, wa aena aana omu rongoa Tataroha Diana na omu hiiwalaimoli aana?

Kalesia 3:5 ပူးပေါင်းရင်းမြစ်များ

Uusu-uusu A Pol Hurula'aa Hunie Mo Rom 10:17

Oto nga taa no ko unue e uuri. Hiiwalaimolinge e uure oto mai mwaanie rongolana mei wala aana tataroha diana, na Tataroha Diana i sulie a Kraes ni otona.

Uusu-uusu A Pol Hurula'aa Hunie Mo Rom 15:19

Oto mwala kire hiiwalaimoli aana i sulie nou esuie mo huꞌi-huꞌite peꞌie nanamanga aana Liꞌoa Maaꞌi mala mo tolimaa aana nanamanga a God. Oto ahutana mo henue uure i Jerusalem lai hule oto aana taitelihe aana poꞌo ni henue i Ilirikam, nou lae peꞌi tarohaꞌinie oto Tataroha Diana i sulie a Jisas Kraes oto aani.

1 Korinit 12:10

Na Liꞌoa Maaꞌi ko niie nanamanga huni esuie mo huꞌi-huꞌite hunie ngaeta mwala, na hunie ngaeta mo iini ko niie hunire nanamanga huni unu tahangaꞌinie walana God. Na hule aana ngaeta mo iini Liꞌoa ko niie nanamanga hunire huni lio saie mo taungei nanamanga hai aaopaꞌi, na huni saie uri kire uure taane mwaanie a God wa haꞌike. Na hunie ngaeta mwala, Liꞌoa Maaꞌi ko niie nanamanga hunire huni ere aana mo taungei erenga hai aaopaꞌi. Na loꞌu hunie ngaeta mwala ko niie nanamanga hunire huni ere luhesie mo taungei erenga urine.

2 Korinit 10:4

Mo reisinge nge melu ko ooho aani, kaꞌa mo ola ike aana walumalau, taꞌe mo reisinge kire honu aana nanamanga a God, na hule aana kire sai aꞌailaꞌasie mo maelonga a God maꞌalana kire nanama loꞌu uri taa.

2 Korinit 12:12

Maholo nou oꞌoꞌo peꞌiꞌomu ngeena nou toli rako mola peꞌiꞌomu, na nou lae peꞌi esuie mo huꞌi-huꞌite na mo ola ni pangataꞌinge na mo tolimaa aana nanamanga a God. Walu ola huni haataꞌinie uri ineu nga hurulaꞌaa toꞌohuu a God ni ngeena.

2 Korinit 13:3

Oto leune ke haataꞌinie toꞌohuu huniꞌomu uri no ko ere oalana a Kraes ni ngeena, aana omu kei leesie taꞌa-taꞌa nanamanga aaku nge omu ko leesie noꞌone aana a Kraes nge ko esu aꞌailaꞌa mola peꞌie nanamanga paine ingeie i matolamiu ngeena.

2 Korinit 3:8

Taꞌe nou saie uri asunge aana Liꞌoa Maaꞌi e manikuluꞌe oto loꞌu liutaa.

2 Korinit 9:10

A God oto iini e sai da mo litei ola kie ko hesiꞌi ke aahu diana hunie maholo ni soꞌokoninge kie ke toꞌo ngaulaa huni ngeuꞌi, na kie ke toꞌo aana mo litei ola loꞌu huni hesiꞌi. Oto urine, maholo omu ko nii peꞌi saediananga, nge a God ke si haꞌahungeꞌaa nga taa omu toꞌo aana, hunie uri omu sai nii oto loꞌu liutaa hunie kira maitale.

Kalesia 3:2

Taꞌa-taꞌa mei ola mola nou saetoꞌo aana omu ke unue oodoieu. ?Ohe omu hele aana Liꞌoa Maaꞌi a God aani lulu i sulilana mo Haꞌatolanga a Mosis, wa aani rongolana Tataroha Diana peꞌi hiiwalaimolinge aana?

Pilipae 1:19

aena aana nou saie uri, mwaanie aarengaꞌinge iꞌomu talaku na mwaanie peꞌinge aana Liꞌoa Maaꞌi a Jisas Kraes, a God kei luhesieu taane mwaanie nume ni hoꞌo ie.