Kalesia 3:2 - Tataroha Diana

² Taꞌa-taꞌa mei ola mola nou saetoꞌo aana omu ke unue oodoieu. ?Ohe omu hele aana Liꞌoa Maaꞌi a God aani lulu i sulilana mo Haꞌatolanga a Mosis, wa aani rongolana Tataroha Diana peꞌi hiiwalaimolinge aana?

Kalesia 3:2 ပူးပေါင်းရင်းမြစ်များ

Palonga 15:8

A God mone e saie mola loꞌongaꞌinge taꞌena nga iinoni, na e haataꞌinie oto uri e saetoꞌo aana mo Aapoloa Aaopa noꞌone aena aana e niie noꞌone Liꞌoa Maaꞌi hunire mala e niie hunikolu mo Jiu.

Palonga 2:38

Oto a Pita e aalamire ko teꞌuri, “Ahutemiu mango, omu ke oonisae mwaanie mo oorahaꞌaanga iꞌomu na omu ke loto maaꞌi aana satana a Jisas Kraes hunie a God ke si saeꞌaasie mo oorahaꞌaanga iꞌomu na ke niie mai Liꞌoa Maaꞌi huniꞌomu.

Palonga 8:15

Kira hiiwalaimoli i Samaria, kire loto maaꞌi taane aana satana Aalaha ikie a Jisas, taꞌe Liꞌoa Maaꞌi e kaꞌa siho ue i lengide. Oto maholo e ro hurulaꞌaa e lai hule hao i saada, kirerue si aarengaꞌi ni sukaa Liꞌoa Maaꞌi hunie ke iiꞌo peꞌie mo iini e hiiwalaimoli.

Uusu-uusu A Pol Hurula'aa Hunie Mo Rom 1:17

Aana Tataroha Diana ngeena ko haataꞌinie hunie mwala uri a God e sai neꞌi oodohie mwala peꞌie maraana uri taa. Na tala ngeena mei ola aana hiiwalaimolinge mola, uure oto i aehotalana hunie haꞌamangolana. Na nga tala aaopa loꞌu, haꞌike oto ooꞌoo, mala mo Uusu-uusu Maaꞌi e unue uuri, Iinoni e oodotaꞌi i maana God i tehulaꞌana hiiwalaimolinge, nge haꞌalaa kei meuri huu. Habakuk 2:4

1 Korinit 9:21

Na loꞌu maholo nou esu peꞌie mo iini nge ikire nga mo Jiu haꞌike, nou iiꞌo oto noꞌone mala ikire nge kire kaꞌa iiꞌo i mamalutana mo Haꞌatolanga a Mosis hunie ne ke peꞌire hunie kire ke hiiwalaimoli. Na leune e kaꞌa loꞌongaꞌinge ike aana uri nou waelie haꞌatolanga a God, aana no ko lulu i sulie taane mo haꞌatolanga a Kraes.

2 Korinit 11:4

No ko maarara urine aena aana omu ko toliꞌaasie mola mwala ko lae mai huni ere i sulie ngaeta Jisas nge e aaopa mola mwaanie iini nge iꞌemeelu melu tarohaꞌinie kaꞌu huniꞌomu oto waite. Na omu ko ilenimwaꞌe mola peꞌie ngaeta taungei liꞌoa na ngaeta taungei tataroha diana nge kire tohungei aaopa oto hiitoꞌo mwaanie Liꞌoa Maaꞌi na Tataroha Diana a Jisas nge melu toolea mai huniꞌomu.

Kalesia 3:14

A Kraes e asuie leune urine, hunie uri mo Aapoloa Aaopa noꞌone ke hele aana nga taa nge a God e haiholotaꞌi huni niie nana a Ebraham. Na ko lae urine hunie mo iini kie hiiwalaimoli aana Jisas, uri kie ke hele aana Liꞌoa Maaꞌi nge a God e haiholotaꞌinie oto hunikie.

Kalesia 3:3

?E ue ni omu si lae otoi pweu hiitoꞌo urine? Omu aehotaa kaꞌu oto mau-meuringe diana iꞌomu aana Liꞌoa a God. ?Oto uri saemiu omu ke haꞌamangoa loꞌu mola haꞌa-uurilemiu aana nanamanga iꞌomu ni iinoni maraamiu? !E aasa!

Kalesia 3:5

?Uri a God e niie Liꞌoa huniꞌomu na ko esuie mo huꞌi-huꞌite i matolamiu aena aana omu tola i sulie mo Haꞌatolanga a Mosis, wa aena aana omu rongoa Tataroha Diana na omu hiiwalaimoli aana?

Hibru 2:4

A God na e haataꞌinie noꞌone uri mei wala ngeena e toꞌohuu, aani esuilana mo huꞌi-huꞌite na mo ola ni pangataꞌinge oto hunge mala mo tolimaa i sulie walaimolinge aana. Na e haꞌawalaimoliꞌaa noꞌone aani niilana mo niinge a Liꞌoa Maaꞌi hunie mwala i sulie loꞌongaꞌinge ingeie maraana.

Hibru 4:2

Aana kie rongoa kaꞌu oto mei tataroha diana mala ikire mwala oto i naꞌo kire rongoa noꞌone. Taꞌe aana maꞌalana kire rongoa kaꞌu tataroha ngeena, e kaꞌa peꞌire ike, aena aana kire kaꞌa rongo peꞌi hiiwalaimolinge aana.

Hibru 6:4

Iau, kie ke lae-lae peꞌie mo haꞌa-uusulinge diana, aena aana ko haꞌike, na kei aaela oto liutaa hunikie. Aana mo iini nge kire lio saie kaꞌu raa-raa a Kraes, taꞌe kire aatopuri mola aana, mo iini urine e tohungei aasa oto hiitoꞌo hunie uri kire kei eeliꞌu loꞌu mei takoie a God. Holaꞌinaꞌo kire manataꞌinie kaꞌu niinge a God i lalo aana maurihaꞌada, aana a Liꞌoa Maaꞌi e peꞌire kaꞌu. Na kire lio saie kaꞌu taane oto uri walana a God e diana oto liutaa, na kire mami aahongana noꞌone nanamanga nge e paine haahie walumalau haalu. Mo iini nge kire manataꞌinie walu ola diana ngeena, oto kire ko si duꞌe aalihoꞌi loꞌu mwaanie a Kraes, e saꞌa tohungei mwadaꞌusire ike oto ooꞌoo hunie kire ke aaliꞌu loꞌu takoie oonisaenga. Nga taa kire asuie ngeena e urihana mola uri kire ko heꞌi repu taalengasie loꞌu mola a Kraes i lengine poꞌu-poꞌu, na kire ko haꞌamasaa i maana mwala.

1 Pita 1:12

Oto a God e haataꞌinie hunie mo propet uri mei wala toꞌohuu nge kire ko lae peꞌi tarohaꞌinie ngeena, e kaꞌa mei ola ike mola huni peꞌire maraada, taꞌe mei ola oto huni peꞌilemiu aana ni ngeena. Na Liꞌoa Maaꞌi nge a God e uusungeꞌinie mai, e niie oto nanamanga hunie ngaeta mwala siꞌiri, uri hunie kire ke tarohaꞌinie Tataroha Diana ngeena huniꞌomu. Na aana walu ola ngeena e tohungei diana na e manikuluꞌe oto liutaa, nge hule aana mo ensel taꞌau i Lengi na ikire noꞌone kire ko sare sai diana aana Tataroha Diana ngeena.