Kalesia 3:18 - Tataroha Diana

¹⁸ Na e toꞌohuu oto, aana mala uri kie kei lae oto mola i sulie Haꞌatolanga huni hele aana nga taa nge a God e niie mai hunie a Ebraham, nge e lio mala uri e saꞌa lae oto i sulie haiholotaꞌinge eena. Taꞌe e saꞌa mwadaꞌu ike urine, aena aana a God e tohungei nii mwaakule mola aana haꞌadianaꞌanga ingeie hunie a Ebraham aena aana e asuie haiholotaꞌinge oto peꞌie.

Kalesia 3:18 ပူးပေါင်းရင်းမြစ်များ

Uusu-uusu A Pol Hurula'aa Hunie Mo Rom 8:17

Na aena aana ikie oto maeni kalena, kie kei helesie oto ahutana toꞌo-toꞌolana a God nge e loohaꞌiniꞌi nana a Kalena, a Kraes, na e loohaꞌiniꞌi noꞌone naka mo eesine a Kraes, aana ikie noꞌone mo kalena God. Kie kei helesie oto noꞌone manikuluꞌanga taꞌau i Lengi nge a Kraes e hele aana oto, aena aana ikie, kie ko sapesalu noꞌone mala a Kraes e sapesalu keꞌu.

Kalesia 2:21

Mala uri lulu i sulilana mo Haꞌatolanga e sai haꞌa-oodohie iinoni peꞌie a God, nge a Kraes e mae mwaakule oto mola eena. !Taꞌe haꞌike! Maenga a Kraes e neꞌi niinge paine oto liutaa, na ineu, nou saꞌa lio toli ike aana manata-diananga a God hunikie ngeena.”

Kalesia 3:10

Taꞌe mo iini nge kire ko norue oto mola lulu i sulilana mo Haꞌatolanga a Mosis huni haꞌa-oodohilada, nge a God kei leire. Aana mo Uusu-uusu Maaꞌi e unue uuri, taꞌena nga iini nge e kaꞌa tola i sulie ahutana mo ola nge uusuleni e lae i laona Puke ni Haꞌatolanga ienini, nge leilana kei lae. Diutronomi 27:26 Na e aasa hunie nga iini kei tola i sulie ahutana mo Haꞌatolanga taꞌingelu.

Kalesia 3:12

Na Haꞌatolanga a Mosis mei ola aana hiiwalaimolinge haꞌike, taꞌe ola mola aana asunge, aana e unue uuri, Iinoni nge ko sare toꞌo aana maurihe huu haahie tola i sulilana mo Haꞌatolanga ienini, nge ke dau oto i sulie ahuteni haꞌalaa. Levitikas 18:5

Kalesia 3:16

Na aapa hatarie hiiwalaimolinge e urine noꞌone, aana a God e unue mo heiholotaꞌinge ngeena hunie a Ebraham peꞌie a weuwana.Jenesis 13:15 Oto, omu ke loꞌo-loꞌongaꞌi kohi i sulie leune aena aana Uusu-uusu Maaꞌi e kaꞌa unue ike “peꞌie mo weuwana” hunie ke rongo mala mo iini hunge aana mo iini kire uure mwaanie komu a Ebraham, taꞌe e unue mola “peꞌie a weuwana.” Oto e rongo mala ko ere liutaa mola i sulie e taꞌa-taꞌa iinoni, na iinine oto a Kraes.

Kalesia 3:26

Oto omu meni neꞌi kalena a God oto aana omu lado peꞌie a Jisas Kraes aena aana omu hiiwalaimoli aana.

Kalesia 3:29

Oto mala uri iꞌomu mo iinoni a Kraes, nge omu neꞌie oto mo kalena Ebraham eena, na omu kei haro hele aana maurihe nge a God e haiholotaꞌi huni niie nana Ebraham.