Kalesia 3:1 - Tataroha Diana

¹ !Iꞌomu mo mweꞌu-mweꞌule ni Kalesia! Haꞌarongolamiu e lae haadaꞌi kaꞌu taane oto i sulie maelana a Jisas i lengine poꞌu-poꞌu. ?Oto e ue omu ko si aatopuri aana? ?Ohe nga iini e siꞌohiꞌomu hunie pwaumiu ke aaela urine?

Kalesia 3:1 ပူးပေါင်းရင်းမြစ်များ

Matiu 24:24

Aena aana mo kraes eero-eero na mo propet eero-eero hunge kire kei lae mai. Na mala ko mwadaꞌu, kire kei haꞌatakaloa mo iini nge a God e lio hilisire oto. Kire kei haataꞌinie mo tolimaa na mo huꞌi-huꞌite aana mwala, taꞌe mwaanie omu hiiwalaimoli aada.

Matiu 7:26

“Na taꞌena nga iini ko rongoa walaku na e kaꞌa sulu ike i sulie, ingeie e urihana iinoni e pweu nge e tohue nume ingeie mola i lengine oone mwaakule. E kaꞌa eli kokoro ike wa ke neꞌie mo heu ehuie mo hunu.

Tataroha Diana I Sulie A Jisas Kraes Nge A Luk E Uusue 24:25

Oto a Jisas ko teꞌuri hunirerue, “!Mwae! More tohungei pweu na more kaꞌa sai lio saie ike nga taa e toꞌohuu lau-leu. E malisine uri more ke hiiwalaimoli oto aana mo ola mo propet kire unuꞌi.

Palonga 16:6

Kira Pol ko lai liuhie mo toꞌo-toꞌolana e ro poꞌo ni henue hai aaopaꞌi i Frijia na i Kalesia. Kire oalaꞌi huni eeliꞌu takoie poꞌo ni henue i Esia huni tarohaꞌinie Tataroha Diana i leune noꞌone, taꞌe Liꞌoa Maaꞌi e uure honosire.

Palonga 6:7

Oto walana God mone ko lae ahusie oto mo henue hunge, na mo pwaarongoisuli i Jerusalem kire ko hunge loꞌu liutaa, na hungelana mo pris ko lulu i sulie oto a Jisas noꞌone.

Uusu-uusu A Pol Hurula'aa Hunie Mo Rom 10:16

Taꞌe maꞌalana e urine, tootaꞌi iini mola ko saetoꞌo aana Tataroha Diana, na e urihana mola nga taa a Propet Aesaea e unue aana e teꞌuri, Aalaha, e lio mala nga iini e kaꞌa hiiwalaimoli ike aana nga taa melu ko unu-unue oodoire. Aesaea 53:1

Uusu-uusu A Pol Hurula'aa Hunie Mo Rom 2:8

Taꞌe mwala nge saeda e aaela aana kire ko neꞌisae paine mola haahire maraada, na kire kaꞌa saetoꞌo aana ike walaimolinge, taꞌe kire ko lulu i sulie mola mo tolahai ola aaela, ikire ngeena nge a God kei tohungei saewasulire na kei haꞌaletehire oto hiitoꞌo.

Uusu-uusu A Pol Hurula'aa Hunie Mo Rom 6:17

Holaꞌinaꞌo, iꞌomu mo koni-konihe a oorahaꞌaa ni ngeena. Taꞌe ienini omu ko tohungei lulu i suli diana aana oto walaimolinge nge haꞌa-uusulilemiu e lae aana, na aena leune kie ko tohungei paalahea God.

1 Korinit 11:26

Oto taꞌe-taꞌena nga maholo omu ko ngaa mei ngeulaa ienini na omu ko inu aana kao-kao ienini, omu ko unu haadaꞌi aana Tataroha Diana uri a Aalaha e mae honotaka ni ngeena, lai hule aana kei ooli loꞌu mei.

1 Korinit 2:2

Aena aana maholo nou oꞌoꞌo peꞌiꞌomu, nou neꞌisae mouteꞌi uri nou saꞌa ere-ere ike loꞌu aana nga mei ola aaopa, taꞌe nou neꞌi-neꞌisae oto mola aana a Jisas Kraes na maenga ingeie i lengine poꞌu-poꞌu.

2 Korinit 10:5

Oto melu sai ohoie mola taꞌena nga neꞌisaenga honosie a God aana mo reisinge ngeena, na melu sai oho aasie mola taꞌena nga ere-toohaꞌinge nge mwala ko unu-unue aana kire sereꞌi eeliꞌu huni tola i sulie a God. Na aana mo reisinge ngeena melu tola hehesie oto mo neꞌisaenga takalo ikire na melu ko haꞌa-uusulire huni tola i sulie a Kraes.

2 Korinit 11:3

Taꞌe no ko maarara, mwaanie nga mo iini e waelie manata-diananga iꞌomu hunie a Kraes na mei sae manola huni lulu i sulie. Na no ko maarara mwaanie e si urihana mola maholo mwaa e eeroa a Iv aana mo eeronga ingeie oto i naꞌo.

Kalesia 1:6

No ko tohungei pangataꞌi aana omu tolana toliꞌaasie oto a God, iini e soiꞌomu aana manata-diananga a Kraes huni neꞌi iinoni ingeie. Taꞌe ie omu toliꞌaasie oto, na omu ko eeliꞌu loꞌu mola huni rongo i sulie ngaeta taungei tataroha diana aaopa.

Kalesia 3:3

?E ue ni omu si lae otoi pweu hiitoꞌo urine? Omu aehotaa kaꞌu oto mau-meuringe diana iꞌomu aana Liꞌoa a God. ?Oto uri saemiu omu ke haꞌamangoa loꞌu mola haꞌa-uurilemiu aana nanamanga iꞌomu ni iinoni maraamiu? !E aasa!

Kalesia 4:9

Taꞌe maholo ienini, omu sai diana aana oto a God, na nga taa nge e diana loꞌu liutaa, nge a God e sai diana aamiu oto. ?Oto e ue? ?Uri omu ko sare ooli loꞌu i mamalutana mo haꞌatolanga aana mo liꞌoa ni welumalau, nge hule aana kire mamaelaꞌa mola na kire neꞌie mola mei ola mwaakule? ?Wa saemiu omu ke neꞌi koni-konihe loꞌu mola nada mala holaꞌinaꞌo?

Kalesia 5:11

Maeni eesiku maaꞌi, omu ke loꞌongaꞌi keꞌu i sulie laeliwalanga ineu. ?Mala uri no ko lae-lae mola ue peꞌi laeliwalanga aana torihesiꞌonga, e ue kaꞌu mo Jiu ko si teu-teungeꞌinieu mola? Mala uri leune ke toꞌohuu, haꞌalaa kire saꞌa saewasulieu ike loꞌu haahie laeliwalanga i sulie maelana a Kraes i lengine poꞌu-poꞌu.

Epesas 3:8

Maꞌalana uri nou mwai-mwei loꞌu mwaanie ahutana mwala a God, a God e tohungei diana oto hunieu, hule aana e niie mei esunge ngeena hunieu. E uusungeꞌinieu weu i saana mwala nge ikire nga mo Jiu haꞌike, huni tarohaꞌinie Tataroha Diana i sulie mo tohungei ola diana nge a Kraes e niiꞌi hunikie—mo ola nge kire diana oto liutaa mwaanie taꞌena nga ola kie sai loꞌongaꞌiniꞌi.

Epesas 4:14

Oto kie saꞌa iiꞌo ike loꞌu mala mo mwela nge kire sai oolisie hiiwalaimolinge ikire tarau aana kire ko pwaarongo i sulie taꞌena nga haꞌa-uusuli nge ko eeroa mwala peꞌie mo pwelonga ikire takoie mo tala aaela. Mo mwela urine, kire urihana mo naho nge ooru ko ooruheꞌiniꞌi heiliu.

Epesas 5:15

Oto omu ke lio talamiu aana iiꞌonga iꞌomu. Omu ke suꞌuri oꞌoꞌo oto mola mala mwala e puꞌosasu, taꞌe omu ke iiꞌo oto mala mwala e saenanau.

2 Tesalonaeka 1:8

Na ke lae mai peꞌie dunge oto paine huni haꞌaloie mwala nge kire ko sereꞌinie a God na kire kaꞌa sare tola i sulie ike Tataroha Diana i sulie Aalaha ikie a Jisas.

1 Timoti 6:4

Iinoni nge ko haꞌa-uusuli aaopa urine e honu mola aana toohaꞌinge na e kaꞌa saie ike nga mei ola. Neꞌisaenga ingeie e rodohono mola, na ingeie e iiꞌo oto mola peꞌie haꞌa-erenga haahie taꞌena nga ola. Oto leune ko si da mola mwala ko esuie walu ola aaela mala saehanalilana toꞌo-toꞌolana ngaeta iini, na haiseuninge, na ere-aaelasilana ngaeta iini, na heotaꞌinge.

Hibru 11:8

Aani hiiwalaimolinge mone, nge a Ebraham e tola i sulie a God maholo e soie. A Ebraham e toliꞌaasie hanue ingeie huni lae aana ngaeta hanue nge a God kei niie hunie. E lae mola, maꞌalana uri e kaꞌa saie uri leu nge ko lae takoie.

Hibru 5:9

Oto urine a God e haataꞌinie uri nga mei ola e kaꞌa aaela ike aana a Jisas, na a Jisas e si neꞌie tala hunie maurihe aana mwala ko tola i sulie.

1 Pita 1:22

Oto i tehulaꞌana omu tola i sulie mo wala toꞌohuu aana Tataroha Diana ngeena, omu da oto maurihaꞌamiu e rereꞌa mwaanie oorahaꞌaa eena, na omu sai manata diana oto hunie mo eesimiu maaꞌi. Aena urine, omu ke mana-manata diana oto huniꞌomu heiliu aana ahutana saemiu.

1 Pita 4:17

Maholo e hule oto hunie leinge a God kei aehota, na kei aehota oto peꞌie mwala aana uluhe ni iinoni ingeie. Na aana leinge ngeena ko aehota peꞌikie mwala ingeie, nge kie saie oto uri leinge a God kei aaela oto liutaa hunie mo iini nge kire kaꞌa hiiwalaimoli ike aana Tataroha Diana.

2 Pita 2:18

Kire sai haꞌa-olaa mwala mola hunie aaelanga peꞌie mo wala mwaakule ni toohaꞌinge, aana kire ko unu-unue uri e diana mola huni deu i sulie mo heri-huninge aana sape. Na urine kire ko weꞌi eelihoꞌi mola aana mwala nge kire ko si aehota huni lae i sulie tala oodo mwaanie mo tolahai ola aaela ngeena.

Haataꞌinge 18:3

A God e haꞌaloie oto aena aana e da uri ahutana mwala aana walumalau kire inu mehiri aana wai ni pweunge ingeie, oto kire ko heimaanie mola ahutana mo aaelanga na mo oorahaꞌaanga ingeie. E palo-paloa oto toꞌo-toꞌonga liutaa, na mo inemauri kire mani lae takalo i sulie. Mo mwane tei-teri ola aana haꞌaholinge kire mani teri ola paine aena aana saehanalinge aaela ingeie.”

Haataꞌinge 2:20

“Taꞌe taꞌa-taꞌa mei ola mola nou kaꞌa saetoꞌo aana aamiu. Aana omu ko lio toliꞌaasie huꞌe aaela ngeena ko iiꞌo ue peꞌiꞌomu, maꞌalana e urihana mola a Jesepel oto waite na ko lae peꞌi eeroa mwala uri ingeie nga propet a God. Taꞌe ingeie ko haꞌa-uusuli aaelasie mola mo koni-konihe ineu, na ko naꞌoda mola takoie aeni-olanga na ngaulana mo ngeulaa kire uunuꞌi i saana mo god eero-eero.