Kalesia 2:4 - Tataroha Diana

⁴ Melu ere i sulie leune mola aena aana ngaeta mo iini kire lae kaꞌu mei i laona pulitaa iꞌemeelu mala mo wao-wao. Kire eeroꞌemeelu uri ikire mo eesimeelu i lalo aana Kraes, taꞌe haꞌike. Kire lae mola mai huni haitale mumuni mola aana tolahaka, mo iini kie lado oto peꞌie a Jisas na kie iiꞌo luhetaꞌi oto mwaanie mo Haꞌatolanga i naꞌo. Kire dau mala mo wao-wao urine aena aana kire ko sare da mola uri kie ke iiꞌo ni hoꞌo loꞌu i sulie mo Haꞌatolanga a Mosis.

Kalesia 2:4 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 5:38

!Haꞌike! Taꞌe neꞌi-neꞌie oto waen haalu i laona mo ateꞌa aani teꞌe-teꞌei nanikot haalu haliꞌite.

Palonga 15:1

Oto ngaeta mo mwane ni Jiudia kire lae mai hule i Antiok kire ko aehota haꞌa-uusulie oto mo mwaasine aana hiiwalaimolinge na kire ko teꞌuri, “Mala uri omu kaꞌa torihesiꞌo ike mala Haꞌatolanga a Mosis e unue kolu ke asuie, nge a God e saꞌa roroꞌa haꞌa-uuriꞌomu ike.”

Palonga 15:24

Melu rongoa uri ngaeta mwala aana pulitaa iꞌemeelu kire lai hule wau i seemiu, na kire kotahiꞌomu oto aani wala na ko hurosie saemiu. Taꞌe walu ola ngeena melu kaꞌa unuꞌi ike hunire hunie kire ke lae wau i unuꞌi huniꞌomu.

Palonga 20:30

Na hule aana ngaeta mo iini eemiu noꞌone omu kei huꞌisie walaimolinge hunie mwala ke aaliꞌu i suliꞌomu.

Uusu-uusu A Pol Hurula'aa Hunie Mo Rom 8:15

Aana Liꞌoa Maaꞌi nge a God e niie oto huniꞌomu ngeena, e kaꞌa asuie ike hunie omu ke maꞌu-meꞌu oto tarau mala koni-konihe nge e dau aaela. !Haꞌike! Taꞌe a Liꞌoa Maaꞌi ko si da mola omu ke neꞌi kalena God, na aana omu saie uri a God ko manata diana huniꞌomu urine, nge omu sai soie aana, “!Mamaꞌa! !Mamaꞌa!”

2 Korinit 11:13

Aana mwala urine, ikire nga mo hurulaꞌaa toꞌohuu haꞌike na asunge ikire mei ola toꞌohuu haꞌike noꞌone. Ikire mwala eero-eero na kire ko lupweꞌi deu mola mala uri ikire mo hurulaꞌaa maaꞌi a Kraes.

2 Korinit 11:17

A Aalaha e kaꞌa sai ere toohaꞌi ike urine, taꞌe no ko ere toohaꞌi mola urine mala mo pweu.

2 Korinit 11:20

Nou leesie loꞌu uri omu ko saetoꞌo aana mola mo poro paine huni deu rarahiꞌomu, na kire ko haꞌamweꞌu-mweꞌuꞌomu, na kire ko pweloꞌomu, na kire ko lio toli mola aamiu, na kire ko hide-hidelie papalimiu. !Haꞌike eena mwae!

2 Korinit 11:26

Mo maholo oto hunge nou weo aani laenga, na nou oodoie mo ola oto hunge ni maesiꞌi. Nga mo maholo ne ke lae oodoie mo wei ko kone, na ne ke oodoie mo horopeli. Nga mo maholo ne ke lae oodoie mwala ineu loꞌu mola mo Jiu kire ko karaꞌi horoꞌieu, na loꞌu mo iini nge ikire nga mo Jiu haꞌike. Na hule aana ngaeta mo maholo mo iini ko unue uri ikire mo eesike aana hiiwalaimolinge aana Kraes, na ikire noꞌone kire ko karaꞌi horoꞌieu noꞌone. Taꞌe ikire mo eesike toꞌohuu haꞌike ni ngeena. Nga mo maholo ne ke lae oodoie mo ola ni maesiꞌi aana mo huilume paine, na i laona hanuesala, na noꞌone i eesi.

2 Korinit 3:17

Na a Aalaha na Liꞌoa Maaꞌi, ikire taꞌa-taꞌa iini mola. Na taꞌena nga iini Liꞌoa Maaꞌi a Aalaha ko iiꞌo i lalo aana, nge Liꞌoa ko luhesie iinine mwaanie nanamanga aana aaelanga.

Kalesia 1:7

Taꞌe tataroha diana aaopa ngeena, nge pweai ola mola ni ngeena. Nou saie mola uri nga mwala ni mola kire ko sare huꞌisie Tataroha Diana a Kraes, na kire ko haꞌataipuꞌo-poꞌuꞌomu mola aana haꞌa-uusulinge takalo ikire.

Kalesia 4:25

Kalena a Hega wau i naꞌo ngeena a Ismael, ingeie nge e aehotaa hanue kire haaraꞌinie aana Arabia. Oto leune kie sai leesie oto uri a Hega domana mola mo Haꞌatolanga, aana kire uure oto mwaanie toloi henue i Saenae wau aana hanue i Arabia. Na a Hega domana noꞌone nga nunui ola mola aana hanue paine i Jerusalem siꞌiri ni ngeena, aena aana mwala ni Jerusalem na oto ahutana mo Jiu kire mani neꞌi koni-konihe oto mola i sulie mo Haꞌatolanga a Mosis hule siꞌiri.

Kalesia 4:3

Ikie e urine noꞌone. Maholo kie kaꞌa saie ue a God, kie iiꞌo noꞌone mola mala mo koni-konihe i mamalutana mo haꞌatolanga aana walumalau ie.

Kalesia 5:1

A Kraes e luhesikie oto uri hunie kie ke suꞌuri iiꞌo loꞌu i mamalutana mo Haꞌatolanga a Mosis. Oto omu ke uure maꞌutaꞌa na mwaanie omu toliꞌaasie nga iini e da omu heꞌi neꞌi koni-konihe loꞌu nana mo Haꞌatolanga.

Kalesia 5:10

Taꞌe aana nou norutoꞌo aana a Aalaha, nou hiiwalaimoli uri omu saꞌa hiiwalaimoli ike loꞌu aana mo loꞌongaꞌinge aaopa ngeena. Na iini nge ko kotahiꞌomu aana mo loꞌongaꞌinge urine, a God kei haꞌaloie taane.

2 Timoti 3:6

Ngaeta mo iini aana mwala ngeena kire sai walo liu i matolana mo nume peꞌie haꞌa-uusulinge takalo, na kire ko haꞌa-olaa mo huꞌe nge kire ko neꞌi-neꞌisae rue-ruaꞌa. Mo huꞌe ngeena kire oorahaꞌaala na kire ko lae mola i sulie taꞌena nga saehanalinge ikire.

Jemes 1:25

Taꞌe a God e sai haꞌadianaꞌaa mo iini nge ko lio hahuroto i laona haꞌatolanga ingeie. Haꞌatolanga ngeena e tohungei diana, na e sai luhesie mo iinoni hunie kire ke iiꞌo luhetaꞌi mwaanie oorahaꞌaa. Oto iinoni nge ko rongo hunie mo haꞌananaunge a God, na ko loꞌongaꞌi i suliꞌi taraureꞌi, na e saꞌa pulongosie nga taa e rongoa, taꞌe ko hele i sulie nga taa a God e unue, nge a God e sai haꞌadianaꞌaa aana nga taa nge ko esuie.

1 Pita 2:16

A God e luhesiꞌomu oto mwaanie haꞌaletehinge haahie mo oorahaꞌaa iꞌomu, taꞌe mwaanie omu loꞌongaꞌinie uri omu ko iiꞌo luhetaꞌi urine, nge omu sai deu taꞌewau mola mala saemiu huni lae i sulie tataꞌalanga. !Haꞌike! Taꞌe aana omu iiꞌo luhetaꞌi mwaanie nanamanga aana oorahaꞌaa, nge omu ke iiꞌo oto mala mo tohungei koni-konihe a God.

2 Pita 2:19

Mo haꞌa-uusuli eero-eero ngeena, kire ko heiholotaꞌinie hunie mwala uri kire kei iiꞌo luhetaꞌi mola mwaanie iiꞌonga i mamalutana nga iini. Taꞌe eeronga paine mola ni ngeena, aena aana ikire maraada na kire iiꞌo mola i mamalutana oorahaꞌaa. Na e toꞌohuu oto aana mala uri nga mei ola ko aꞌailaꞌasie nga iini, nge iinoni ngeena e neꞌi koni-konihe oto nana mei olana.

1 Jon 4:1

Maeni malahuku, omu ke suꞌuri hiiwalaimoli aana ahutana mo propet nge kire ko unue uri kire ko ere oolitana a God, aana mo propet eero-eero hunge kire ko lae hailiu i laona walumalau, na mo liꞌoa eero-eero mola nge aada. Oto omu ke holaꞌi oohongie kaꞌu mo propet ngeena, hunie omu ke lio saie uri kire uure taane aana God toꞌohuu wa haꞌike.

Jiud 1:4

No ko ere urine, aena aana ngaeta mwala aaela kire ko sili mumuni mola mai i matolamiu. Mwala ngeena kire sereꞌi deu i sulie walana a God, oto kire oolisie mei wala i sulie manata-diananga ingeie hunikie. Kire ko unue uri aena aana a God e tohungei manata diana hunikie, nge e saꞌa haꞌaloikie ike na kie sai deu taꞌewau mola mala saeka. Oto urine kire ko heitohea taꞌa-taꞌa Poro Paine na Aalaha ikie, a Jisas Kraes. Mo propet kire uusu-uusu i sulie mwala ngeena oto mai waite, na kire unue uri leilada kei lae.