Kalesia 2:2 - Tataroha Diana

² Nou lae taꞌau aena aana a God e haataꞌinie oto hunieu uri ne ke lae urine. Na aana lokonga peꞌie mo naꞌohai mwane aana soihaadaꞌinge maraada, nou unu tahangaꞌinie oto Tataroha Diana nge no ko lae peꞌi tarohaꞌinie hunie mo Aapoloa Aaopa. Nou deu urine mwaanie kire neꞌisae ni uure honosieu, aana nou sereꞌinie uri kire ke waelie asunge nou esuie oto nana Kraes, wa kire ke da asunge nge no ko lae-lae ue peꞌie ienini e waetaꞌi mola.

Kalesia 2:2 ပူးပေါင်းရင်းမြစ်များ

Matiu 10:16

Oto a Jisas ko heꞌi teꞌuri loꞌu hunie mo hurulaꞌaa, “Omu ke rongo kaꞌu. No ko uusungeꞌiniꞌomu i matolana mwala e oorahaꞌaa, na saeda huni horoꞌiꞌomu mala mo wawaulo ni meꞌesu ko seunie mo sipu. Aena ngeena omu ke saenanau aana mo tala ni horonga ikire, taꞌe iꞌomu, omu ke maneko mola mala hiroikuu.

Palonga 15:12

Mo erenga ngeena e da kire mani rohu, na kire ko rongo mola i sulie a Pol na Banabas kirerue ko ladoa mo huꞌi-huꞌite na mo tolimaa nge a God e da kire asuiꞌi i matolana mo Aapoloa Aaopa.

Palonga 15:2

Taꞌe a Pol na Banabas kire kaꞌa neꞌisae tararuru ike peꞌire, oto kire ko tohungei ere haitelili oto peꞌie mo mwaena, na kire ko ere tewa honosire. Oto lae-lae kira hiiwalaimoli i Antiok kire unue a Pol na Banabas na ngaeta mo mwane kire ke lae taꞌau i Jerusalem ni ere peꞌie mo hurulaꞌaa na mo rato aana soihaadaꞌinge i sulie mei ola ienini.

Palonga 15:4

Maholo a Pol na Banabas kire lai hule taꞌau i Jerusalem mo hurulaꞌaa na mo rato aana soihaadaꞌinge, na ahutana soihaadaꞌinge kire tohungei tola konirerue. Oto a Pol na Banabas kire ko unu tahangaꞌinie hunie mwala walu ola nge a God e asuiꞌi hunirerue aana asunge ikirerue.

Palonga 18:9

Oto aana ngaeta hai rodo a Aalaha ko ere hunie a Pol aani maꞌahu-polenga ko teꞌuri, “O ke suꞌuri meꞌu, na o ke suꞌuri rohu, taꞌe o ke unu-unu tahangaꞌinieu tarau

Palonga 23:11

Oto aana hai rodona a Aalaha e lae mai uure i sulie a Pol oto ko teꞌuri, “!Mwaanie o meꞌu-meꞌu! O kei lai unu haꞌa-oaieu noꞌone wau i Rom mala o esuie i Jerusalem.”

Palonga 5:34

Taꞌe ngaeta mwane aana pulitaa ni lei-lei satana a Kamaliel e uure i lengi huni ere. A mwane ngeena ingeie aana pulitaa mo Parise na ingeie ngaeta haꞌa-uusuli noꞌone aana mo Haꞌatolanga, na hule aana mwala kire tohungei haꞌamaꞌu aana. E uure i lengi, oto e unue hunie mo mwane kakakali uri kire ke toolea mo hurulaꞌaa i sinaha mola hunie nga kele maholo.

Uusu-uusu A Pol Hurula'aa Hunie Mo Rom 9:16

Oto maholo a God ko lio hilisie nga iini mala iinoni ingeie, nge lio-hilisinge ngeena e saꞌa lae ike i sulie nga taa iinoni ngeena e saetoꞌo aana wa mei esunge uri taa e asuie, taꞌe a God ko lae mola i sulie aamasinge ingeie maraana.

1 Korinit 1:23

Taꞌe ienini mone melu ko laeliwala aana uri kire horo maesie a Kraes i lengine poꞌu-poꞌu. Mei ola oto hule aana mo Jiu na kire kaꞌa sasare rongoa ike, na mei ola ngeena kei neꞌi pweu-pweuaꞌanga mola hunie mo Aapoloa Aaopa.

1 Korinit 2:2

Aena aana maholo nou oꞌoꞌo peꞌiꞌomu, nou neꞌisae mouteꞌi uri nou saꞌa ere-ere ike loꞌu aana nga mei ola aaopa, taꞌe nou neꞌi-neꞌisae oto mola aana a Jisas Kraes na maenga ingeie i lengine poꞌu-poꞌu.

1 Korinit 9:24

Oto omu ke saie, maꞌalana mwala hunge kire ko heli aana hurunge, taꞌe taꞌa-taꞌa mwane mola kei toolea waaite. Oto ahutemiu, omu ke huru diana hunie omu ke toolea waaitemiu.

1 Korinit 9:26

Oto aena urinena, nou kaꞌa talei huru heiliu ike mola, taꞌe no ko huru oodo-oodo mola hunie leu nge iinoni kei holaꞌi lai hule aana kei toolea waaite. Oto mala mwane hai-heiseuni ko sare aꞌailaꞌasie maelonga ingeie, nge ineu noꞌone nou saꞌa talei kumu taꞌewau ike.

2 Korinit 12:1

Nou saie mola uri e kaꞌa diana ike huni ere toohaꞌinieu, aana mei ola mwaakule mola ni ngeena, taꞌe aana omu ko deu rarahieu, nge ne ke ere toohaꞌinieu loꞌu haahie mo ola e waꞌaraa hunieu aana a Aalaha e haataꞌiniꞌi oto aaku.

Kalesia 1:12

Nou kaꞌa rongoa ike mwaanie nga iinoni wa uri nga iinoni ke haꞌa-uusulieu aana. A Jisas Kraes oto maraana ni e haataꞌinie aaku.

Kalesia 1:16

Oto e haataꞌinie a Kalena kaꞌu hunieu, hunie mauringe ineu ke tarohaꞌinie Tataroha Diana ingeie hunie mo Aapoloa Aaopa. Na maholo a God e soieu urine, ingeie maraana e niie walana hunieu hunie ne ke tarohaꞌinie, na nou kaꞌa toolea ike loꞌu nga mo haꞌananaunge mwaanie nga iinoni.

Kalesia 1:6

No ko tohungei pangataꞌi aana omu tolana toliꞌaasie oto a God, iini e soiꞌomu aana manata-diananga a Kraes huni neꞌi iinoni ingeie. Taꞌe ie omu toliꞌaasie oto, na omu ko eeliꞌu loꞌu mola huni rongo i sulie ngaeta taungei tataroha diana aaopa.

Kalesia 2:6

Oto mo naꞌohai mwane aana soihaadaꞌinge ngeena kire kaꞌa unue ike uri nga mei ola aana laeliwalanga ineu ke aaopa. (Na e kaꞌa roroꞌaieu ike mala uri kire ke neꞌi mwane paine loꞌu uri taa, taꞌe walaimolinge nge e roroꞌa hunieu aana a God ko lee-leesikie mo iinoni uri kie mani sada mola i maana.)

Kalesia 2:9

Na maholo kire lio saie uri mei esunge ngeena a God e niie oto hunieu, nge a Jemes na a Pita na a Jon kire ko si hele i kiꞌimereꞌi a Banabas. Urine mo iini nge kire unue uri ikiraelu oto mo hunu aana soihaadaꞌinge, kiraelu ko si haataꞌinie uri kiraelu ko heiholotaꞌi huni esu loko-loko peꞌiꞌemereꞌi. Oto melu meni neꞌisae mouteꞌi uri asunge iꞌemereꞌi a Banabas kei lae oto nana mo Aapoloa Aaopa, na asunge ikiraelu oto nana mo Jiu.

Kalesia 5:7

Holaꞌinaꞌo omu lae-lae kohi taane oto peꞌie hiiwalaimolinge aana a Kraes. ?A tei ni e heꞌi da loꞌu omu rohu mwaanie lulu i sulilana mo wala toꞌohuu ngeena?

Pilipae 2:16

aani laeliwalanga nada aana mei wala nge e sai niie maurihe huu hunire. Na mala uri omu ko teꞌurine, nge ne kei tohungei ilenimwaꞌe aana hai dinge a Kraes kei ooli mei, aena aana ne kei saie uri nou kaꞌa huru mwaakule ike taane aana asunge ineu i matolamiu.

Pilipae 2:29

Aena urine, omu ke takuhie peꞌi ilenimwaꞌenga mala aasikaelu i lalo aana Kraes. Na omu ke haꞌamaꞌu noꞌone aana mo iini mala ingeie.

1 Tesalonaeka 3:5

Aena mei olana nge nou tohungei tolahiꞌe aana, na nou uusungeꞌinie oto wau a Timoti hunie ke lae oto wau i leesie hiiwalaimolinge iꞌomu e uri taa. Aana nou maarara mwaanie uri omu domu aana maholo a Pwelu Eero-eero e malaahongamiu, na urine asunge iꞌemeelu namiu e totowai mola.

2 Timoti 4:7

Na mauringe ineu e urihana noꞌone halinge. Na nou huru diana aana halinge ngeena, aana maꞌalana nga taa e raꞌusieu, taꞌe nou esu diana mola nana a Aalaha. Oto maholo ie nou hule oto aana haꞌamangolana halinge ngeena, aana nou haꞌamangoa oto asunge e niie mai hunieu. Nou hele maꞌutaꞌa aana hiiwalaimolinge toꞌohuu, na nou lae-lae peꞌi haꞌa-uusulilana mwala aana.

Hibru 12:1

Oto pulitaa oto paine ienini kire haataꞌi diana aana tala aana hiiwalaimolinge ngeena, na kire loko kali-kelikie oto huni toꞌo-toꞌomaaie hurunge ni hiiwalaimolinge ikie. Aena urine, kie ke toliꞌaasie taꞌena nga ola ko liu-liu honosikie mwaanie hiiwalaimolinge aana God, na kie ke toliꞌaasie noꞌone mo walo ni oorahaꞌaa nge ko hiriꞌikie oto tarau. Oto kie ke huru aꞌailaꞌa taraꞌasi aana hurunge nge a God e totohoa oto naka huni huru aana.