Kalesia 1:7 - Tataroha Diana

⁷ Taꞌe tataroha diana aaopa ngeena, nge pweai ola mola ni ngeena. Nou saie mola uri nga mwala ni mola kire ko sare huꞌisie Tataroha Diana a Kraes, na kire ko haꞌataipuꞌo-poꞌuꞌomu mola aana haꞌa-uusulinge takalo ikire.

Kalesia 1:7 ပူးပေါင်းရင်းမြစ်များ

Matiu 24:24

Aena aana mo kraes eero-eero na mo propet eero-eero hunge kire kei lae mai. Na mala ko mwadaꞌu, kire kei haꞌatakaloa mo iini nge a God e lio hilisire oto. Kire kei haataꞌinie mo tolimaa na mo huꞌi-huꞌite aana mwala, taꞌe mwaanie omu hiiwalaimoli aada.

Palonga 13:10

na ko teꞌuri “!Mwae, iꞌoe kalena a Pwelu Eero-eero oto toꞌohuu! Ahutana walu ola oodo o meni lelediꞌi mango mola, na o tohungei honu mola aana eeronga na pwelu-walanga. ?Aana e ue o ko deu aahonga huni huꞌisie walana God nge e walaimoli hunie ke rongo mala eeronga?

Palonga 15:24

Melu rongoa uri ngaeta mwala aana pulitaa iꞌemeelu kire lai hule wau i seemiu, na kire kotahiꞌomu oto aani wala na ko hurosie saemiu. Taꞌe walu ola ngeena melu kaꞌa unuꞌi ike hunire hunie kire ke lae wau i unuꞌi huniꞌomu.

Palonga 20:30

Na hule aana ngaeta mo iini eemiu noꞌone omu kei huꞌisie walaimolinge hunie mwala ke aaliꞌu i suliꞌomu.

2 Korinit 11:13

Aana mwala urine, ikire nga mo hurulaꞌaa toꞌohuu haꞌike na asunge ikire mei ola toꞌohuu haꞌike noꞌone. Ikire mwala eero-eero na kire ko lupweꞌi deu mola mala uri ikire mo hurulaꞌaa maaꞌi a Kraes.

2 Korinit 2:17

Mo iini oto hunge ko lupweꞌi tarohaꞌinie walana God, taꞌe kire kaꞌa asu toꞌohuu ike, aena aana saeda mola hunie kire ke tari toꞌoha aana. Taꞌe iꞌemeelu, melu aaopa oto mwaanire aana melu ko tarohaꞌinie walana God aani sae manola peꞌie nanamanga a Kraes. Na melu saie uri a God nge e uusungeꞌiniꞌemeelu mala mo koni-konihe ingeie, na ko toꞌo-toꞌomaaie taane nga taa melu ko euꞌesuie.

2 Korinit 4:2

Melu ko tarohaꞌinie a Kraes mola aana mo tolahai ola diana, na melu toliꞌaasie oto taꞌena nga tolahai ola aaela huni tarohaꞌinie. Melu kaꞌa tarohaꞌinie ike a Kraes aana mo tolahai ola e kaꞌa malisi, wa aana mo tolahai ola mumuni, wa aana mo tolahai ola nge ko esuie masanga. Melu kaꞌa haꞌa-olaa ike nga mo iini aani eeronga, na melu kaꞌa sai huꞌisie ike walana God. !Haꞌike oto ooꞌoo! Taꞌe melu ko lae peꞌi unu tahangaꞌinie mola walaimolinge haliꞌite i maana God, hunie ahutana mwala kire ke lio saie uri melu ko ere toꞌohuu.

Kalesia 1:6

No ko tohungei pangataꞌi aana omu tolana toliꞌaasie oto a God, iini e soiꞌomu aana manata-diananga a Kraes huni neꞌi iinoni ingeie. Taꞌe ie omu toliꞌaasie oto, na omu ko eeliꞌu loꞌu mola huni rongo i sulie ngaeta taungei tataroha diana aaopa.

Kalesia 2:4

Melu ere i sulie leune mola aena aana ngaeta mo iini kire lae kaꞌu mei i laona pulitaa iꞌemeelu mala mo wao-wao. Kire eeroꞌemeelu uri ikire mo eesimeelu i lalo aana Kraes, taꞌe haꞌike. Kire lae mola mai huni haitale mumuni mola aana tolahaka, mo iini kie lado oto peꞌie a Jisas na kie iiꞌo luhetaꞌi oto mwaanie mo Haꞌatolanga i naꞌo. Kire dau mala mo wao-wao urine aena aana kire ko sare da mola uri kie ke iiꞌo ni hoꞌo loꞌu i sulie mo Haꞌatolanga a Mosis.

Kalesia 4:17

Ngaeta mwala aaopa kire ko tohungei heri hunie taane hikunge peꞌiꞌomu, taꞌe hikunge ikire ngeena e kaꞌa mei ola diana ike huniꞌomu. Kire ko sare oopaꞌomu mola mwaanieu ni ngeena, hunie uri omu ke sereꞌinieu na omu ke hari hunie mola haꞌa-uusulinge ikire.

Kalesia 5:10

Taꞌe aana nou norutoꞌo aana a Aalaha, nou hiiwalaimoli uri omu saꞌa hiiwalaimoli ike loꞌu aana mo loꞌongaꞌinge aaopa ngeena. Na iini nge ko kotahiꞌomu aana mo loꞌongaꞌinge urine, a God kei haꞌaloie taane.

Kalesia 5:12

!Taꞌe torihesiꞌonga e kaꞌa neꞌie ike nga mei ola! !Saeku uri mo iini ko lae peꞌi kotahiꞌomu aana haꞌa-uusulinge i sulie torihesiꞌonga ngeena, kire ke lae taraꞌasi na kire ke tori aasire mola maraada!

Kalesia 6:17

Oto uure siꞌiri pwau weu, mwaanie nga iini e heꞌi kotahieu loꞌu haahie leune, aena aana mo reo i sapeku e haataꞌinie oto uri ineu koni-konihe a Jisas toꞌohuu.

2 Timoti 2:18

Kirerue toliꞌaasie oto mo erenga toꞌohuu, na kirerue ko si lae peꞌi unu heiliu mola aana uri taꞌelaꞌinge kira hiiwalaimoli mwaanie maenga e rau oto. Na peꞌie mo wala takalo urine, kirerue ko waelie mola hiiwalaimolinge ngaeta mwala.

1 Jon 2:26

No ko uusue mo wala ienini huniꞌomu huni haꞌapasuliꞌomu mwaanie mo iini nge kire ko sare haꞌatakaloꞌomu.

1 Jon 4:1

Maeni malahuku, omu ke suꞌuri hiiwalaimoli aana ahutana mo propet nge kire ko unue uri kire ko ere oolitana a God, aana mo propet eero-eero hunge kire ko lae hailiu i laona walumalau, na mo liꞌoa eero-eero mola nge aada. Oto omu ke holaꞌi oohongie kaꞌu mo propet ngeena, hunie omu ke lio saie uri kire uure taane aana God toꞌohuu wa haꞌike.

2 Jon 1:10

Mala uri nga haꞌa-uusuli ko hule i seemiu na haꞌa-uusulinge ingeie ko lae aaopa mwaanie haꞌa-uusulinge a Kraes ienini, nge omu ke suꞌuri tola konie i nume iꞌomu, na hule aana omu ke suꞌuri unue loꞌu nga mei wala ni saediananga hunie.

2 Jon 1:7

No ko haꞌa-aamasitoꞌoꞌomu mola aana leune, aena aana mo haꞌa-uusuli eero-eero hunge kire lae hailiu oto i laona walumalau. Ikire ngeena kire ko haꞌa-uusuli aana uri a Jisas Kraes e kaꞌa neꞌi iinoni ike. Mo iini urine ikire mwala eero-eero, na ikire mo maelonga a Kraes.

Jiud 1:4

No ko ere urine, aena aana ngaeta mwala aaela kire ko sili mumuni mola mai i matolamiu. Mwala ngeena kire sereꞌi deu i sulie walana a God, oto kire oolisie mei wala i sulie manata-diananga ingeie hunikie. Kire ko unue uri aena aana a God e tohungei manata diana hunikie, nge e saꞌa haꞌaloikie ike na kie sai deu taꞌewau mola mala saeka. Oto urine kire ko heitohea taꞌa-taꞌa Poro Paine na Aalaha ikie, a Jisas Kraes. Mo propet kire uusu-uusu i sulie mwala ngeena oto mai waite, na kire unue uri leilada kei lae.

Haataꞌinge 12:9

taꞌe kire aasire mango oto mai aano i laona walumalau. Painehaꞌana mwaa ala-ala ngeena ola e uure oto mai i naꞌo. Na ingeie kaꞌu kie ko haa-haaraꞌinie a Pwelu Eero-eero wa a Satan. Na ingeie oto iini nge ko eeroa ahutana mwala aana walumalau huni lae i sulie mo tala aaela.

Haataꞌinge 13:14

A God e toliꞌaasie hunie ke asuie mo huꞌi-huꞌite aana maholo e iiꞌo peꞌie ola loo-looꞌa holaꞌinaꞌo ngeena, na aena aana mo huꞌi-huꞌite ngeena, nge e haꞌapweue ahutana mwala ni welumalau. Ruana nga ola loo-looꞌa ngeena e unue uri mwala ke asuie nga nunui ola huni haꞌapainaꞌaa iini holaꞌinaꞌo, iini nge e malakaꞌa kaꞌu taꞌe e kaꞌa maesie ike.

Haataꞌinge 19:20

Taꞌe kire tapolie ola loo-looꞌa ngeena peꞌie propet eero-eero ingeie. Propet eero-eero ngeena e dau huꞌi-huꞌite kaꞌu i naꞌo huni pweloa mwala huni haꞌapainaꞌaa nunune ola loo-looꞌa ngeena na huni neꞌi haꞌa-ara aana i darada. Taꞌe kire aa mauri aadarue mola i laona dunge ni haꞌamotaahinge aana mo heu eeso-eeso.

Haataꞌinge 2:2

“Nou saie taane nga taa omu esuie, na uri omu esu hiitoꞌo nakue, na uri omu hele susuleꞌi aani hiiwalaimolinge aaku. Nou saie noꞌone uri omu leledie mo iini nge ko lae i sulie mo tolahai ola aaela, na uri omu oohongie oto mo iini nge kire ko unue uri ikire mo hurulaꞌaa ineu taꞌe haꞌike mola, na uri omu deu oodoie uri kire ko eero mola.

Haataꞌinge 2:20

“Taꞌe taꞌa-taꞌa mei ola mola nou kaꞌa saetoꞌo aana aamiu. Aana omu ko lio toliꞌaasie huꞌe aaela ngeena ko iiꞌo ue peꞌiꞌomu, maꞌalana e urihana mola a Jesepel oto waite na ko lae peꞌi eeroa mwala uri ingeie nga propet a God. Taꞌe ingeie ko haꞌa-uusuli aaelasie mola mo koni-konihe ineu, na ko naꞌoda mola takoie aeni-olanga na ngaulana mo ngeulaa kire uunuꞌi i saana mo god eero-eero.

Haataꞌinge 2:6

“Taꞌe ngaeta mei ola diana omu ko esuie taane noꞌone, aana omu ko leledie tolahai ola aaela aana mo iini ko lae i sulie haꞌa-uusulinge tataꞌala a Nikolas, mala oto ineu noꞌone nou leledie leune.

Haataꞌinge 20:3

Na ensel e uuꞌileꞌinie mwaa hao i laona kalinge ni haꞌamotaahinge, oto e si honoa maa honosie mwaanie e eeroa loꞌu mwala i laona walumalau lai hule aana sinolai helisi kei mango. Oto i purine sinolai helisi kei haro mango, nge kire ke si luhesie loꞌu hunie ke dau loꞌu i sulie saena hunie kele maholo oꞌoruꞌe.