Nga mo iini loꞌu manatada e urihana mei mwakano e honu aana walo kau-keu ngeena, kire rongoa noꞌone walana God, taꞌe kire neꞌisae painesie mola mau-meuringe aana walumalau. Kire tolahiꞌe, na kire saetoꞌo aana mola toꞌo-toꞌonga, na kire ko saehanalie taꞌena nga ola. Oto mo wala diana ngeena kire kaꞌa pwito kohi, na kire kaꞌa hungu ike loꞌu.
Kalesia 1:4 - Tataroha Diana4 Mala a God Aamaka e saetoꞌo aana, a Kraes e toliꞌaasie maraana uri hunie ke mae huni taꞌaasie mo oorahaꞌaa ikie, na hunie ke haꞌa-uurikie hunie kie ke iiꞌo luhetaꞌi mwaanie tolaha tataꞌala ni welumalau. အခန်းကိုကြည့်ပါ။ |
Kalesia 1:4
56 ပူးပေါင်းရင်းမြစ်များ
Oto ie no ko uusu-uusu hunie ahutemiu weu i Rom, mwala nge a God e manata diana huniꞌomu na e soiꞌomu hunie omu ke neꞌie oto mo tohungei iinoni maaꞌi ingeie. No ko eitanaie a God Aamaka na a Jisas Kraes Aalaha ikie, uri kire ke haataꞌinie hahuꞌana manata-diananga huniꞌomu, na uri ke niie hanuelamanga huniꞌomu.
Na mwaanie omu toliꞌaasiꞌomu maraamiu mola huni lae i sulie tolahana walumalau ie, taꞌe omu ke toliꞌaasie a God ke oolisie saemiu, na ke niie nga mo neꞌisaenga haalu nemiu. Aana tolahai ola urine haꞌalaa omu ko lio saie nga taa a God e saetoꞌo aana. Oto omu kei saie nga moi taa kire diana na kire oodotaꞌi nge a God ko ilenimwaꞌe haahiꞌi.
Mo Haꞌatolanga a Mosis e kaꞌa toꞌo aana ike nga nanamanga huni taꞌaasie mo oorahaꞌaanga ikie urine, aena aana ikie mo iinoni kie kaꞌa sai tola i sulie ike mo Haꞌatolanga ngeena. Taꞌe a God e asuie leune hunikie maholo e uusungeꞌinie mai a Kalena hunie ke neꞌi iinoni oto mala ikie mo iinoni oorahaꞌaala, taꞌe mola aana ingeie e kaꞌa oorahaꞌaa ike. Oto aana a Kraes mone e kaꞌa oorahaꞌaa ike, nge leune e haataꞌinie uri e tohungei melisine oto a God ke lei maesikie mo iinoni oorahaꞌaala. Oto maꞌalana e urine, a God e kaꞌa lei maesikie ike, taꞌe e toliꞌaasie mola a Kraes hunie ke mae mala nga uunu-olanga huni taꞌaasie mo oorahaꞌaanga ikie.
Kire kaꞌa hiiwalaimoli ike aana a Jisas, aena aana aalaha haahie walumalau ienini ko da mola manatada ko rodohono. Oto kire kaꞌa sai leesie ike raa-raangana Tataroha Diana nge ko raa haahire. Kire kaꞌa lio saie ike mei wala melu ko tarohaꞌinie i sulie manikuluhaꞌana a Kraes, iini e tohungei sada oto peꞌie a God.
Taꞌe ineu maraaku, nou kaꞌa sai toohaꞌinieu ike haahie mo ola urine. Taꞌa-taꞌa leu nou sai toohaꞌinieu haahie oto poꞌu-poꞌu a Jisas Kraes, Aalaha ikie. Aena aana nga taa nge a Jisas e asuie aana maelana i lengine poꞌu-poꞌu, nge walumalau ienini e pwani mae oto aana neꞌisaenga ineu, na e urihana ineu noꞌone nou pweni mae oto aana neꞌisaenga mo iinoni ni welumalau.
Manata-diananga oto ke paine i laona mau-meuringe iꞌomu, mala a Kraes e manata diana hunikie na e toliꞌaasie maraana hunie ke mae honotaka. Maenga ingeie hunikie e urihana nga uunu-olanga huni taꞌaasie oorahaꞌaa ikie, na a God e ilenimwaꞌe oto liutaa haahie, mala iinoni ko ilenimwaꞌe haahie dango wau-wesu nge e tohungei wesu mangoni.
Oto tarau aana aarengaꞌinge iꞌemeelu hunie a God Aamaka, melu ko aamasitoꞌo aana mo tolahai iinoni diana nge omu ko lulu i suliꞌi i sulie hiiwalaimolinge iꞌomu aana a Jisas, na mo weonga iꞌomu i tehulaꞌana omu manata diana hunie a God. Na melu ko loꞌongaꞌinie noꞌone uuranga aꞌailaꞌa iꞌomu aani norutoꞌonga aana a Jisas Kraes Aalaha ikie.
Oto melu ko eitanai uri Aalaha ikie a Jisas Kraes na a God Aamaka, ke haꞌasusue saemiu na ke haꞌa-aꞌailaꞌaꞌomu hunie taꞌena nga mei ola diana omu ko esuie wa omu ko unue. Na kei toꞌohuu oto aana melu saie oto uri e tohungei manata diana hunikie na haꞌasusulaka e saꞌa mou-mou ike oto ooꞌoo, na haiholotaꞌinge ingeie hunikie e tohungei diana na kie sai nou-norue oto mola haliꞌite.
!Taꞌe apune a Kraes e nanama loꞌu liutaa! Aana nanamanga a Liꞌoa Maaꞌi nge e iiꞌo huu oto tarau, a Kraes e niie maurihaꞌana maraana hunie a God mala nga uunu-olanga e oodotaꞌi. Na apune ko hoda rereꞌa aana manataka, hunie kie ke toliꞌaasie mo tolahai ola aaela nge kie sai maesiꞌi, na hunie kie ke asu nana God Mau-meuriꞌe.
Oto maholo a Kraes e lae huni mae i lengine poꞌu-poꞌu e toolea noꞌone oto mo oorahaꞌaanga ikie i sapena. Haꞌaloilana e lae haahie mo oorahaꞌaanga ikie urine hunie kie ke mae mwaanie oorahaꞌaa, taꞌe kie ke mauri loꞌu huni iiꞌo oodotaꞌi taraꞌasi. Na i tehulaꞌana mo malaka i sapena ngeena, nge haꞌa-uurilaka e si lae.
Aamasitoꞌo kaꞌu aana uri a Kraes e sapesalu na hule aana e mae. Ingeie, e kaꞌa mae ike i tehulaꞌana nga mei ola aaela e asuie, aana ingeie iini oodotaꞌi a God, taꞌe e mae mola honotaka mo iinoni kie kaꞌa oodotaꞌi. E mae hautaꞌai hunie ke toolekie aalihoꞌi loꞌu mei i saana God, taꞌe Liꞌoa Maaꞌi a God e taꞌe aalihoꞌi loꞌu aana hunie maurihe huu, na e saꞌa roroꞌa ni mae loꞌu.
na kire uure noꞌone mwaanie a Jisas Kraes. A Jisas oto ko haꞌawalaimoliꞌaa walana God, na ingeie oto naꞌohai mwane e taꞌelaꞌi mwaanie maenga, na ingeie oto inemauri haahie ahutana mo aalaha mai welumalau. Ingeie oto iini nge e manata diana hunikie, na ingeie oto e luhesikie mwaanie mo oorahaꞌaa ikie aana apune.
na kire suluꞌie kana haalu nana a Kalei Sipu uuri, “Iꞌoe nge o adona o ke toolea uusu-uusu hio-hio na o ke taꞌaasie mo hui edi aana, aena aana horoꞌilemu e lae kaꞌu oto, na aana apumu o toolea mai mo iinoni takoie a God mwaanie taꞌena nga komu na taꞌena nga erenga na taꞌena nga aapoloa na taꞌena nga mala-malau.
Oto loꞌu i purine leune, nou lio na no ko leesie loꞌu nikei pulitaa oto paine, nge nga iini e saꞌa roroꞌa iidu-suuhana. Mwala ngeena kire uure mai mwaanie taꞌena nga mwala, na mwaanie taꞌena nga aapoloa, na mwaanie taꞌena nga komu, na mwaanie taꞌena nga erenga i laona walumalau. Kire mani toꞌoni eeni toꞌoni rereꞌa, na kire mani hele apa-apai eꞌe. Kire mani uure i naꞌona naunekume ni aalaha ngeena na a Kalei Sipu,
ကြော်ငြာတွေ