Jiud 1:16 - Tataroha Diana

¹⁶ Mwala ngeena kire sai upwe mola tarau, na kire ko haro iꞌie mola ahutana ola, na kire ko lae oto mola i sulie mo loꞌongaꞌinge aaela ikire maraada. Kire ko ere toohaꞌinire mola, na maholo kire ko lahea nga iini, kire ko eeroa mola hunie hari-huninge ikire maraada ke oa.

Jiud 1:16 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 15:2

Oto mo Parise na mo haꞌa-uusuli aana mo Haꞌatolanga a Mosis kire ko aehota upwesie a Jisas, kire ko teꞌuri, “!Lio kaꞌu! A mwane ie ko tekuhie mola kira oorahaꞌaala na hule aana ko ngeu oto peꞌire.”

Tataroha Diana I Sulie A Jisas Kraes Nge A Luk E Uusue 19:7

Na maholo mwala e leesie urine, kire ko si meni upwesie a Jisas na kire ko teꞌuri, “A mwane ngeena ko lae mola huni ngeu peꞌie iinoni oorahaꞌaala.”

Tataroha Diana I Sulie A Jisas Kraes Nge A Luk E Uusue 5:30

Aena leune, ngaeta mo iini aana mo Parise na mo haꞌa-uusuli aana mo Haꞌatolanga a Mosis kire ko upwesie mo pwaarongoisuli a Jisas uuri, “?E ue nge omu ko ngeu na omu ko inu peꞌie mo iinoni oorahaꞌaala mala mo mwane susulu toꞌoha ngeena?”

Tataroha Diana I Sulie A Jisas Kraes Nge A Jon E Uusue 6:41

Oto mo naꞌohai mwane mo Jiu ko aehota papanguru-nguru oto hoorana Jisas aana e unue uuri, “Ineu oto ngaulaa e siho mai uure i Lengi.”

Tataroha Diana I Sulie A Jisas Kraes Nge A Jon E Uusue 6:61

Nga iini kaꞌa haꞌarongoa ike a Jisas, taꞌe ingeie e manataꞌinie mola maraana uri mo pwaarongoisuli ko ere-ere mumuni i sulie mei haꞌa-uusulinge ngeena. Oto ko teꞌuri hunire, “?Uri mei olana ni oto ko da omu kaꞌa sare lulu i sulieu?

1 Korinit 10:10

Na omu ke suꞌuri upwe-upwesie a God mala ngaeta mo iini aada e upwe-upwesie kaꞌu, na aena leune nge a God e si uusungeꞌinie ensel ni horonga i matolada.

Kalesia 5:16

Oto no ko unue huniꞌomu uri omu ke lulu i sulie mola Liꞌoa Maaꞌi aana ahutana mau-meuringe iꞌomu, urine nge omu saꞌa lae loꞌu i sulie mo tolahai iinoni aaela.

Kalesia 5:24

Taꞌe mo iinoni nge kire toꞌo aana a Jisas Kraes i lalo aada, kire neꞌi aasie oto mo tolaha ni iinoni aaela, aana e urihana kire rapu taalengasie noꞌone ahutana mo tolahai iinoni aaela ikire i lengine poꞌu-poꞌu, na kire horo maesiꞌi oto.

Pilipae 2:14

Taꞌe-taꞌena nga ola omu ko euꞌesuie, omu ke auꞌesu oodo-oodo oto mola aana, mwaanie upwanga na haitelilinge haahiꞌi.

1 Tesalonaeka 4:5

Omu ke suꞌuri talei deu i sulie mo heri-huninge aaela iꞌomu aani mesinge mala mo iini kire puꞌo na kire kaꞌa saie ike a God.

1 Timoti 6:5

Haꞌa-erenga ko lae mola tarau i matolana mwala nge saeda e aaela urine, na kire haꞌatekehie oto walaimolinge. Kire ko loꞌongaꞌi takalo uri asunge nana soihaadaꞌinge nga ola mola hunie kire ke toꞌo-toꞌo.

2 Timoti 4:3

O ke asu urine, aena aana maholo kei lae ue mai nge mwala e saꞌa sare rongo ike hunie mo haꞌa-uusulinge toꞌohuu, na kire kei lae mola i sulie saeda maraada. Kire kei loꞌohi haꞌa-uusuli taꞌewau mola hunie uri kire ke sai rongoa haꞌa-uusulinge nge kire ko sasare rongoa.

1 Pita 1:14

Holaꞌinaꞌo, maholo na omu kaꞌa sai diana aana ue nga mei ola, omu talei lae taꞌewau oto mola i sulie saemiu. Taꞌe omu ke suꞌuri lae loꞌu i sulie mo saehanalinge aaela iꞌomu ngeena. !Suꞌuri loꞌu! Taꞌe aana maholo ienini omu ke tola i sulie oto a God mala mo mwela diana ingeie.

1 Pita 2:11

Maeni iinoni maaꞌi, iꞌomu nga mo iinoni ni welumalau haꞌike na omu iiꞌo mola mai mala mo awataa, na tohungei henue iꞌomu oto taꞌau i Lengi. Aena urine no ko unue oto huniꞌomu uri omu ke suꞌuri lae loꞌu i sulie mo saehanalinge aaela iꞌomu. Aana mo neꞌisaenga aaela ngeena kire sai ooho honosie maurihaꞌamiu.

1 Pita 4:2

Oto maholo omu iiꞌo ue mai i laona walumalau ie, omu ke suꞌuri lulu i sulie walu ola aaela mola mala saemiu. !Suꞌuri! Omu ke lulu i sulie mola nga taa a God e saetoꞌo aana.

2 Pita 2:10

Na a God kei lei aaelasie oto liutaa mo iini kire iiꞌo ni deu aaela oto mola i sulie saeda maraada na kire ko mwakataꞌinie mola nanamanga a God. Mo haꞌa-uusuli eero-eero ngeena ko tohungei toohaꞌinire mola maraada, hule aana kire kaꞌa sai haꞌamaꞌu ike aana mo ensel taꞌau i Lengi, taꞌe kire ko talei ere aaelasire oto mola.

2 Pita 2:18

Kire sai haꞌa-olaa mwala mola hunie aaelanga peꞌie mo wala mwaakule ni toohaꞌinge, aana kire ko unu-unue uri e diana mola huni deu i sulie mo heri-huninge aana sape. Na urine kire ko weꞌi eelihoꞌi mola aana mwala nge kire ko si aehota huni lae i sulie tala oodo mwaanie mo tolahai ola aaela ngeena.

2 Pita 3:3

Oto e tohungei roroꞌa hunie omu ke saenanau diana aana uri maholo hunie walumalau ie kei mango e kaꞌa tewa ike loꞌu, na ngaeta mwala kei mwesi mwaaniꞌomu. Kire sai lae mola peꞌi haꞌa-eero aana walu ola diana,

Jiud 1:15

huni leie ahutana mwala. Na ko lae mai huni lei mae aana ahutada kira oorahaꞌaala haahie mo oorahaꞌaa kire asuiꞌi aana kire kaꞌa lae ike i sulie tolahana God. Na kei haꞌaloie kira oorahaꞌaala haahie mo tohungei wala aaela nge kire unuꞌi honosie a God.”

Jiud 1:18

Aana kire unue huniꞌomu uuri, “Aana mo dinge ooreta, mwala kei haꞌamwasi mola aana walu ola maaꞌi, na hiiwalaimolinge ikire kei lae takalo mola i sulie mo neꞌisaenga aaela ikire maraada.”