Jiud 1:11 - Tataroha Diana

¹¹ !Aama-aamasilana mwala ngeena! Kei tohungei aaela oto hiitoꞌo hunire, aana kire ko lae i sulie tolahana a Kein iini nge e horoꞌie aasine. Na i tehulaꞌana mola toꞌoha, kire ko toliꞌaasire huni esuie walu ola e kaꞌa diana, mala a Belam e asuiꞌi keꞌu. Kire haukama honosie a God mala a Kora e asuie kaꞌu waite honosie a Mosis. Oto dau tekelaꞌinilada kei lae oto mala ingeie.

Jiud 1:11 ပူးပေါင်းရင်းမြစ်များ

Matiu 11:21

“!Kei aaela oto liutaa huniꞌomu mo Korasin! !Na noꞌone huniꞌomu mo Betsaeda! Mala uri mo huꞌi-huꞌite nge asuileni e lae huniꞌomu ngeena, asuileni ke lae urine hunie mo puꞌo i Taea na i Saedon, haꞌalaa mwala aana e ro huilume ngeena kire pwani oonisae oto waite. Kire karaꞌi haꞌamwai-mweiꞌara aani hoꞌosilana mo toꞌoni lalahuꞌe, na ipe aani pwasaꞌora huni haataꞌinie uri kire aaliꞌu oto mwaanie mo oorahaꞌaa ikire.

Hibru 11:4

Aani hiiwalaimolinge mone, nge a Ebol e toolea mai nga uunu-olanga diana loꞌu liutaa aana uuraaꞌinge aasine, a Kein. Na aana a Ebol e hiiwalaimoli, nge a God e unue uri ingeie nga iinoni oodotaꞌi, na a God e si ilenimwaꞌe haahie uunu-olanga ingeie. Oto maꞌalana uri a Ebol e mae taane oto waite, taꞌe siꞌiri laladonga i sulie ko haꞌananaukie ue i sulie hiiwalaimolinge ingeie.

2 Pita 2:15

Mo haꞌa-uusuli eero-eero ngeena kire ko lae mwaanie tala oodo na kire lae takalo oto mola, aana kire ko lae mola i sulie tolahana propet a Belam oto waite, mwane kalena a Beo. A Belam e oalaꞌi keꞌu ni esuie mei ola e kaꞌa oodo ike, aena aana saena e tohungei peinesie mola mei toꞌoha.

1 Jon 3:12

Kie ke suꞌuri urihana a Kein wau i naꞌo, aana ingeie iini a Pwelu Eero-eero mola, na e horo maesie oto aasine, a Ebol. ?Aena e ue kaꞌu nge a Kein e horoꞌie aasine urine? E horoꞌie aena aana a Ebol e oodotaꞌi, na iiꞌonga diana ingeie e haataꞌinie uri iiꞌolana a Kein e kaꞌa oodo.

Haataꞌinge 2:14

“Taꞌe tootaꞌi kele mei ola mola nou kaꞌa saetoꞌo aani eemiu. Aana ngaeta mwala ikire peꞌiꞌomu kire ko hele i sulie haꞌa-uusulinge aaela a Balaam, iini nge e haꞌa-uusulie a Balak oto waite aana tala huni naꞌona mwala ni Israel hunie oorahaꞌaa. Aana e da kire ngaa mo ngeulaa kire uunuꞌi i saana mo nunui ola mo liꞌoa aaela, na hunie kire ke hele roroꞌanga peꞌi keni na peꞌi mwane.