Tataroha Diana I Sulie A Jisas Kraes Nge A Jon E Uusue 8:31 - Tataroha Diana

³¹ Oto a Jisas ko si teꞌuri hunie mo Jiu nge kire unue kire hiiwalaimoli aana ngeena, “Mala uri omu kei lulu i sulie mo haꞌa-uusulinge ineu, nge omu ke si neꞌi pwaarongoisuli ineu oto toꞌohuu.

Tataroha Diana I Sulie A Jisas Kraes Nge A Jon E Uusue 8:31 ပူးပေါင်းရင်းမြစ်များ

Matiu 24:13

Taꞌe iini nge kei uure aꞌailaꞌa taraꞌasi aani hiiwalaimolinge lai hule aana haꞌamangolana, nge a God ke si haꞌa-uurie.

Tataroha Diana I Sulie A Jisas Kraes Nge A Jon E Uusue 1:47

Maholo a Jisas e leesie a Nataniel ko lae mai takoie, ko si ere oalana uuri, “A mwane ie tohungei mwane ni Israel toꞌohuu nge e saꞌa hahuꞌei eeroa ike nga iini.”

Tataroha Diana I Sulie A Jisas Kraes Nge A Jon E Uusue 2:2

na kire haꞌarongoa mai noꞌone a Jisas na mo pwaarongoisuli ingeie hunie ngauhe ngeena.

Tataroha Diana I Sulie A Jisas Kraes Nge A Jon E Uusue 6:55

Aana hasiꞌoku oto hahuꞌana mei ola ni ngaa, na apuku oto hahuꞌei mei ola ni inu.

Tataroha Diana I Sulie A Jisas Kraes Nge A Jon E Uusue 8:36

Oto mala uri a Kale ko luhesiꞌomu, nge haꞌalaa omu ko iiꞌo luhetaꞌi toꞌohuu.

Palonga 13:43

Na mo iini hunge aana mo Jiu na mo Aapoloa Aaopa nge kire ko palo-paloa God aana nume ni palo-palo ngeena, kire ko lulu i sulie oto a Pol na Banabas. Oto kirerue ko ere-ere peꞌire ni ere haꞌasusure uri kire ke hele aꞌailaꞌa aana manata-diananga hunie a God.

Palonga 14:22

Na kirerue ko ere-ere peꞌie mo pwaarongoisuli haalu a Jisas aana mo henuena huni ere haꞌasusure hunie hiiwalaimolinge ikire ke susu. Na kirerue ko ere uuri hunire. “Omu ke hiiwalaimoli tarau mola aana a Jisas, aena aana mo maholo hunge kolu kei lae oodoie aasanga purihaꞌana kolu ke si hule aana Aalahanga a God.”

Palonga 26:22

Taꞌe a God ko peꞌieu mola tarau hule mai siꞌiri. Oto aena urinena nou sai uure mola ni laeliwala nana mo iini mwai-mwei lae hule aana mo iini peine. Nou kaꞌa unue ike nga mei ola aaopa mwaanie nga taa mo propet na a Mosis kire unue kaꞌu kei reu.

Uusu-uusu A Pol Hurula'aa Hunie Mo Rom 11:22

Omu ke sai diana aana uri a God e tohungei diana oto liutaa hunikie, taꞌe e sai leikie noꞌone. Ko leie mwala nge kire toliꞌaasie tolahana, taꞌe e diana huniꞌomu. Na kei diana taraꞌasi huniꞌomu mala uri omu kei nou-norutoꞌo aana aamasinge ingeie. Taꞌe mala uri omu kaꞌa dau urine, nge kei heli aasiꞌomu noꞌone.

Uusu-uusu A Pol Hurula'aa Hunie Mo Rom 2:7

Mwala nge ko lae peꞌi deu esunge diana, aana kire tohungei saetoꞌo aana uri kire ke iiꞌo huu peꞌie a God, na uri a God ke lae-lahera, na ke haꞌapainaꞌara, mwala ngeena nge a God kei niie maurihe huu nada.

Kolosi 1:23

Taꞌe kei toꞌohuu urine aamiu mola mala uri omu ko tohungei uure aꞌailaꞌa taraꞌasi aani hiiwalaimolinge peꞌi norutoꞌonga, na omu ke maaꞌoohi susutoꞌo mola hunie haiholotaꞌinge a God huniꞌomu nge omu rongoa oto aana Tataroha Diana. Na nou hiiwalaimoli kei toꞌohuu oto urine aamiu. Na tarohaꞌinilana taꞌa-taꞌa Tataroha Diana ngeena ko lae aana taꞌena nga leu i laona walumalau, na ineu a Pol, nou neꞌie koni-konihe aana Tataroha Diana ngeena huni lae peꞌie laeliwalanga aana.

1 Timoti 2:15

Taꞌe kinetaꞌinilana mo huꞌe mwaanie malaahonga aana mo tolahai ola aaela ni welumalau ngeena e sai lae mala uri kire ko toꞌo mwela na kire ko hele susuleꞌi aana hiiwalaimolinge aana a Jisas, na kire ko manata diana hunie mo iinoni, na kire ko iiꞌo maaꞌi. Na kire ke asuie walu ola urine peꞌie haꞌamwai-mweiꞌanga.

1 Timoti 4:16

O ke kinetaꞌinie mauringe iꞌoe hunie ke diana, na haꞌa-uusulinge iꞌoe hunie mwala ke diana noꞌone. Aana mala uri o kei hele susuleꞌi aani iiꞌonga oodotaꞌi, na o ke lae taraꞌasi peꞌie haꞌananaulana mwala urine, nge o sai haꞌa-uuriꞌo maraamu na mo iini nge kire ko pwaarongo i suliꞌo.

2 Timoti 3:14

Taꞌe iꞌoe, kaleku, o ke hele susuleꞌi mola aana nga taa nge haꞌa-uusulilemu e lae oto aana na o hiiwalaimoli oto noꞌone aana, aena aana o sai diana aameelu oto mo iini melu haꞌa-uusuliꞌo.

Hibru 3:14

Aana kie kei meni aalaha peꞌie a Kraes mala uri kie kei hele susuleꞌi mola aana hiiwalaimolinge nge kie holaꞌi hele aana lae hule i haꞌamangolana.

Hibru 8:9

Taꞌe e saꞌa urihana ike haiholotaꞌinge nge nou esuie peꞌie mo weuwada, maholo nou haꞌa-iisitaangaꞌinire mwaanie i Ijip. Aena aana kire kaꞌa tola i sulie ike haiholotaꞌinge nge nou esuie peꞌire ngeena, na aena leune nge nou si toliꞌaasire.

Jemes 1:25

Taꞌe a God e sai haꞌadianaꞌaa mo iini nge ko lio hahuroto i laona haꞌatolanga ingeie. Haꞌatolanga ngeena e tohungei diana, na e sai luhesie mo iinoni hunie kire ke iiꞌo luhetaꞌi mwaanie oorahaꞌaa. Oto iinoni nge ko rongo hunie mo haꞌananaunge a God, na ko loꞌongaꞌi i suliꞌi taraureꞌi, na e saꞌa pulongosie nga taa e rongoa, taꞌe ko hele i sulie nga taa a God e unue, nge a God e sai haꞌadianaꞌaa aana nga taa nge ko esuie.

1 Jon 2:19

Mwala ngeena kire kaꞌa hiiwalaimoli ike mala ikie, na ikire nga mo tohungei iinoni ikie haꞌike. Kire auꞌesu tararuru taane peꞌikie, taꞌe kire oopa oto mwaanikie. Ikire nga mwala haꞌike loꞌu aaka. Mala uri kire ke neꞌie nga mwala aaka, haꞌalaa kire iiꞌo oto peꞌikie taraꞌasi. Taꞌe aana kire oopa oto mwaanikie urine, e haataꞌinie oto uri nga taꞌa-taꞌa iini aada e kaꞌa neꞌie loꞌu iinoni a Kraes mala ikie.

1 Jon 2:24

Omu ke kinetaꞌinie saemiu hunie nga taa nge omu rongoa oto uure mai aehotalana ke iiꞌo susu oto aamiu. Aana mala uri omu ke hiiwalaimoli taraꞌasi, haꞌalaa omu ko iiꞌo susu peꞌie a Kale na a Mamaꞌa.

2 Jon 1:9

Taꞌena nga iini nge e kaꞌa iiꞌo susu aana mo haꞌa-uusulinge a Kraes taꞌe ko sapeie loꞌu mola mo neꞌisaenga ingeie, iini urine, a God e kaꞌa iiꞌo ike i lalo aana. Taꞌe iini nge ko iiꞌo susu peꞌie lulu i sulilana mo haꞌa-uusulinge a Kraes, iini urine, a Mamaꞌa na a Kale kire mani iiꞌo oto i lalo aana.