Tataroha Diana I Sulie A Jisas Kraes Nge A Jon E Uusue 8:17 - Tataroha Diana

¹⁷ Mo Haꞌatolanga iꞌomu maraamiu e unue uri mala nga ro iini ko meni unue taꞌa-taꞌa mei ola, nge haꞌalaa omu sai hiiwalaimoli aana nga taa kire ko unuena.

Tataroha Diana I Sulie A Jisas Kraes Nge A Jon E Uusue 8:17 ပူးပေါင်းရင်းမြစ်များ

Matiu 18:16

Taꞌe mala uri e kaꞌa rongo oto huniꞌo, nge o ke dau mala Uusu-uusu Maaꞌi e unue, na o ke toolea nga iini wa e rue loꞌu peꞌiꞌo, hunie e ro iinoni ngeena kire ke haꞌa-ahue walamu. Diutronomi 19:15

Tataroha Diana I Sulie A Jisas Kraes Nge A Jon E Uusue 10:34

A Jisas e aalamire oto ko teꞌuri, “Uusulana e lae i laona mo Uusu-uusu Maaꞌi iꞌomu uri a God e unue hunie ngaeta mo naꞌohai mwane oto i naꞌo uuri, Iꞌomu mo god. Sam 82:6

Tataroha Diana I Sulie A Jisas Kraes Nge A Jon E Uusue 15:25

Taꞌe walu ola ienini ko reu oto urine, huni haꞌa-oaie nga taa uusulana e lae i laona mo Uusu-uusu Maaꞌi uuri, Kire talei ngiduupu hunieu mola mwaakule. Sam 35:19

2 Korinit 13:1

Oolune nga mai laenga ineu loꞌu mei huni maatoliꞌomu oto ienini. Oto omu ke lio talamiu, aana kolu saie oto uri mo Uusu-uusu Maaꞌi e unue uuri, Maholo nga iini ko haꞌasusungeꞌinie ngaeta iinoni i naꞌona mo mwane lei-lei, nga ro iinoni wa e oolu ke haro ere haꞌa-oaie nga taa ko unue ngeena, haꞌalaa kire ke si haꞌaloie. Diutronomi 19:15

Kalesia 3:24

Na aena urine nge mo Haꞌatolanga kire liu honosikie lai hule aana a Kraes e lae mai hunie haꞌa-oodohilaka peꞌie a God aani hiiwalaimolinge aana.

Kalesia 4:21

Ngaeta mo iini eemiu ko sare talamaꞌinie mo Haꞌatolanga a Mosis huni lulu i suliꞌi. ?Oto e ue? ?Uri omu sai diana aana taane tohungana loꞌongaꞌinge aana mo Haꞌatolanga ngeena?

Hibru 10:28

Mala nga iini e haitohea mo Haꞌatolanga a Mosis, na nga ro iinoni wa e oolu ko unu tahangaꞌinie nga taa e dau aaelasie, nge mo mwane lei-lei saꞌa aamasie ike, taꞌe kire kei horo maesie oto.

1 Jon 5:9

Mala uri kie ko hiiwalaimoli aana nga taa iinoni ko unu-unue, nge kie ke hiiwalaimoli noꞌone aana Jisas, aena aana nga taa a God e unue e paine liutaa, na ingeie maraana e unu haꞌa-oaie a Kalena.

Haataꞌinge 11:3

Na ne kei uusungeꞌinie poi e ro mwane ineu nge kire sai haꞌawalaimoliꞌaa walaku. Kirerue kei toꞌoni aani toꞌoni aaela ni haataꞌinie uri kirerue ko saehuu, na ne kei niie nanamanga hunirerue hunie kirerue ke unu tahangaꞌinie walaku hunie sinola peꞌie e ro tangalau na e oono aawalai hei dinge ngeena.”