Tataroha Diana I Sulie A Jisas Kraes Nge A Jon E Uusue 6:27 - Tataroha Diana

²⁷ Omu ke suꞌuri esu mola talana mo ngeulaa nge kire sai eiꞌaa mola lau-leu, taꞌe omu ke asu aꞌailaꞌa talana mei ngeulaa nge e sai iiꞌo huu na kei niie maurihe huu huniꞌomu. Na mei ngeulaa ngeena, ineu a Kale Ni Iinoni mola nou sai niie huniꞌomu, aena aana a God Mamaꞌa e uusungeꞌinieu mei huni esuie urine peꞌie nanamanga paine ingeie.”

Tataroha Diana I Sulie A Jisas Kraes Nge A Jon E Uusue 6:27 ပူးပေါင်းရင်းမြစ်များ

Matiu 17:5

Maholo a Pita ko ere-ere ue urine, na mei uuru rereꞌa ko lae oto mai haahire, na mei wala e uure mwaanie mei uuru ngeena ko unue oto uuri, “Tohungei kaleku oto ienini, iini nou tohungei ilenimwaꞌe haahie. Omu ke rongo hunie.”

Matiu 25:46

Oto a Jisas ko si ere ooreta uuri, “Mwala ngeena haꞌamotaahilada kei lae taraꞌasi oto. Taꞌe mo iini e oodotaꞌi kire kei lae oto i laona maurihe huu.”

Matiu 3:17

Na aana maholona noꞌone mei wala e uure mai taꞌau i Lengi ko teꞌuri, “Hahuꞌana kaleku ni ienini, na nou tohungei manata diana hunie, na no ko ilenimwaꞌe oto liutaa haahie.”

Matiu 6:19

“Mwaanie omu dudurue mo ola diana iꞌomu mei laona walumalau, leu mo kokorosi kei ngeuꞌi aana na kauwaꞌa kei waeliꞌi aana. Na mo iinoni peli-peli kire sai hokaꞌie mola nume huni pelileni.

Matiu 8:20

Oto a Jisas e aalamie ko teꞌuri, “Mo usu ni meꞌesu na hule aana kire toꞌo liwe ni maꞌahu ikire, na mo menu loꞌu kire mani toꞌo niuꞌi taane noꞌone, taꞌe ineu a Kale Ni Iinoni hule aana nga leu ni mamalo ineu na haꞌike loꞌu.”

Tataroha Diana I Sulie A Jisas Kraes Nge A Mak E Uusue 1:11

Na mei wala uure taꞌau i Lengi ko teꞌuri, “Iꞌoe oto hahuꞌana kaleku, na nou tohungei manata diana huniꞌo, na no ko ilenimwaꞌe oto liutaa haahiꞌo.”

Tataroha Diana I Sulie A Jisas Kraes Nge A Mak E Uusue 9:7

Oto mola aana maholona, mei uuru e lae oto mai haahire, na mei wala e uure mai mwaanie mei uuru ngeena ko teꞌuri, “Tohungei kaleku oto ienini. Omu ke rongo hunie.”

Tataroha Diana I Sulie A Jisas Kraes Nge A Luk E Uusue 3:22

na Liꞌoa Maaꞌi e siho mai i lengine mala hiroikuu. Oto mei wala e uure mai Lengi, na ko teꞌuri, “Iꞌoe oto hahuꞌana kaleku, na nou tohungei manata diana huniꞌo, na no ko ilenimwaꞌe oto liutaa haahiꞌo.”

Tataroha Diana I Sulie A Jisas Kraes Nge A Luk E Uusue 9:35

Na kire ko rongoa mei wala e uure mai mwaanie mei uuru ngeena ko teꞌuri, “Tohungei Kaleku ni ienini, iini nou lio hilisie. Omu ke rongo hunie.”

Tataroha Diana I Sulie A Jisas Kraes Nge A Jon E Uusue 10:28

na no ko niie maurihe huu hunire, oto kire saꞌa aiꞌaa oto ooꞌoo. Nga iini e kaꞌa sai leuꞌi ike noꞌone mwaanie nimeku.

Tataroha Diana I Sulie A Jisas Kraes Nge A Jon E Uusue 11:42

Nou saie taane uri o ko rorongo hunieu taraureꞌi, taꞌe i tehulaꞌana mwala ienini nge no ko unue walu ola ie uri hunie kire ke hiiwalaimoli aana uri iꞌoe oto o uusungeꞌinieu mei.”

Tataroha Diana I Sulie A Jisas Kraes Nge A Jon E Uusue 14:6

A Jisas e aalamie oto ko teꞌuri, “Ineu oto tala, na walaimolinge, na maurihe. Nga tala aaopa hunie nga iini ke lae loꞌu i sulie takoie a Mamaꞌa haꞌike, taꞌe ko liu i seeku haꞌalaa.

Tataroha Diana I Sulie A Jisas Kraes Nge A Jon E Uusue 15:24

Mala uri ne ke suꞌuri lae mai esuie mo ola nge nga iini aaopa e kaꞌa asuiꞌi ue ngeena i matolada, haꞌalaa mo oorahaꞌaanga ikire saꞌa iiꞌo haadaꞌi ike urine. Taꞌe oto ie kire leesie taane mo huꞌi-huꞌite, na kire saronai ngiduupu mola ue huniꞌemereꞌi Aamaku.

Tataroha Diana I Sulie A Jisas Kraes Nge A Jon E Uusue 17:2

Aana o niie oto mai hunieu nanamanga haahie ahutana iinoni, uri ne ke si niie maurihe huu nana mo iini o niire nakue.

Tataroha Diana I Sulie A Jisas Kraes Nge A Jon E Uusue 3:15

uri hunie taꞌena nga iini ko hiiwalaimoli eeku kei helesie maurihe huu.”

Tataroha Diana I Sulie A Jisas Kraes Nge A Jon E Uusue 3:33

Taꞌe mo iini nge kire ko hiiwalaimoli aana walana, kire haataꞌinie uri kire hiiwalaimoli aana nga taa a God e unue e tohungei toꞌohuu.

Tataroha Diana I Sulie A Jisas Kraes Nge A Jon E Uusue 6:40

Aana nga taa Aamaku e saetoꞌo aana uri ahutana mo iini ko leesieu a Kale na kire ko hiiwalaimoli eeku, kire ke hele aana maurihe huu, aana ineu ne ke si taꞌe aalihoꞌi aada aana dinge ooreta.”

Tataroha Diana I Sulie A Jisas Kraes Nge A Jon E Uusue 6:47

No ko unue oto toꞌohuu huniꞌomu uri iini ko hiiwalaimoli eeku, nge e hele aana oto maurihe huu.

Tataroha Diana I Sulie A Jisas Kraes Nge A Jon E Uusue 6:51

Ineu oto mei ngaulaa mauri nge e siho mai uure i Lengi. Na iini ko ngeu aana mei ngeulaa ienini kei meuri huu. Aana mei ngeulaa ne kei niie hunie, nge hasiꞌoku otona, aana no ko niie i tehulaꞌana walumalau hunie ke toꞌo aana maurihe.”

Tataroha Diana I Sulie A Jisas Kraes Nge A Jon E Uusue 6:53

Oto a Jisas ko teꞌuri hunire, “No ko unue oto huniꞌomu uri mala omu kaꞌa ngaue hasiꞌona a Kale Ni Iinoni, na omu ke inuhie apune, omu saꞌa roroꞌa ni toꞌo aana ike maurihe i lalo aamiu.

Tataroha Diana I Sulie A Jisas Kraes Nge A Jon E Uusue 6:54

Na taꞌena nga iini nge ko ngeue hasiꞌoku na ko inuhie apuku, nge e toꞌo aana oto maurihe huu na ne kei taꞌea loꞌu aana dinge ooreta.

Tataroha Diana I Sulie A Jisas Kraes Nge A Jon E Uusue 6:58

Aana tohungei ngeulaa e siho mai uure i Lengi ni oto ngeena. E kaꞌa urihana ike ngaulaa nge mo aamamiu kire ngau-ngeue kaꞌu, taꞌe kire saro mae mola. Iini ko ngeue mei tohungei ngeulaa no ko ere-ere i sulie ngeena, kei meuri huu.”

Tataroha Diana I Sulie A Jisas Kraes Nge A Jon E Uusue 6:62

?Taꞌe nga taa nge omu kei loꞌongaꞌinie aana maholo omu kei leesieu a Kale Ni Iinoni kei tahelaꞌi taꞌau i Lengi takoie leu nge nou uure aana?

Tataroha Diana I Sulie A Jisas Kraes Nge A Jon E Uusue 6:68

A Saemon Pita e aalamie oto ko teꞌuri, “?Melu ke si lae loꞌu i tei, Poro paine? Iꞌoe oto o toꞌo aana mo wala nge ko niie maurihe huu hunie iinoni.

Tataroha Diana I Sulie A Jisas Kraes Nge A Jon E Uusue 8:18

Oto ineu oto ngaeta iini huni ere i sulieu, na Aamaku nge e uusungeꞌinieu mei, ingeie oto ruana nga iini huni ere haꞌa-oaie nga taa no ko unue i sulieune.”

Palonga 10:38

Na omu saie oto uri a God e lio hilisie a Jisas ni Nasaret na e da e toꞌo aana Liꞌoa Maaꞌi na nanamanga. Oto aena aana a God e iiꞌo susu peꞌie, a Jisas e lae-lae hailiu aana taꞌena nga leu, na e asuie mo ola diana, na e haꞌa-uurie mo iini nge kire iiꞌo i hahana nanamanga a Satan.

Palonga 2:22

“!Iꞌomu mo Israel, omu ke pwaarongo diana aana mo wala ienini! A Jisas ni Nasaret ngeena, a God e haataꞌi diana aana oto aamiu uri ingeie ni e uusungeꞌinie mai. Omu saie oto maraamiu uri a God ni e haataꞌinie mei olana aana mo huꞌi-huꞌite na mo tolimaa a Jisas e asuiꞌi i matolamiu.

Uusu-uusu A Pol Hurula'aa Hunie Mo Rom 4:11

Iau, maholo na a Ebraham e kaꞌa hele aana ue torihesiꞌonga, e hiiwalaimoli oto aana God, nge a God e si niie oodotaꞌinge ingeie maraana hunie. Na aana mo helisi loꞌu mei puri, nge a Ebraham e si hele aana loꞌu torihesiꞌonga mala haꞌa-ara aana uri a God e unue oto uri ingeie nga iinoni oodotaꞌi. Aena urinena nge a Ebraham domana oto tohungei aamana ahutana mwala kire hiiwalaimoli aana God, na aena hiiwalaimolinge ikire, nge kire neꞌi iinoni oodotaꞌi i maana God maꞌalana kire kaꞌa hele aana ike torihesiꞌonga.

Uusu-uusu A Pol Hurula'aa Hunie Mo Rom 6:23

Aana maholo iinoni e iiꞌo ue peꞌie oorahaꞌaa, waaitana oto maenga. Taꞌe a God e sai nii mwaakule mola aana maurihe huu hunie ahutaka mo iini kie lado oto peꞌie a Jisas Kraes, Aalaha ikie.

1 Korinit 6:13

Na nga mo iini loꞌu kire unue uuri, “Ngaulaa ola mola hunie iiaka ni ngeena, na iiaka ola mola huni hele aana ngaulaa.” E toꞌohuu taane, taꞌe a God kei haꞌamangoa mola e ro mei ola ngeena. Oto aana omu ko loꞌongaꞌinie uri mo hiolonga ni sape kire mani sada mola i maana God, nge omu unue uri masinge noꞌone e kaꞌa neꞌie ike nga mei ola. !Taꞌe haꞌike mwae! Sape mei ola huni esu nana Aalaha ni ngeena, na a Aalaha ko lio i sulie sapeka,

1 Korinit 9:2

Oto maꞌalana ngaeta mwala kaꞌa si lio saieu mala uri nga hurulaꞌaa, taꞌe iꞌomu, omu saie taane, aena aana mauringe haalu iꞌomu i lalo aana a Aalaha e haataꞌi diana aana taane uri ineu nga hurulaꞌaa toꞌohuu.

2 Korinit 4:18

Oto melu kaꞌa neꞌisae paine ike mola haahie mo ola nge kie sai leesiꞌi, taꞌe melu neꞌisae paine haahie mo ola nge kie kaꞌa sai leesiꞌi ike aana maaka. Aana mo ola nge kie sai leesiꞌi aana maaka, kire kaꞌa sai iiꞌo tewa ike. Taꞌe mo ola nge kie kaꞌa sai leesiꞌi ike aana maaka, nge haꞌalaa kire sai iiꞌo huu.

Kalesia 5:6

Aana maholo iinoni e lado oto peꞌie a Jisas Kraes, nge maꞌalana e torihesiꞌo wa haꞌike, taꞌe e sada mola na e kaꞌa roroꞌa ike. Taꞌa-taꞌa leu mola e roroꞌa, na leune mola hiiwalaimolinge ikie aana a Jisas Kraes ke si haataꞌi aana manata-diananga hunie mo iinoni.

Pilipae 2:13

Aena aana a God ni ko esu i lalo aamiu urine, huni haꞌamwaꞌe-mwaꞌeꞌomu, na hunie omu ke sai tola i sulie tolahana maraana.

Kolosi 1:29

Oto huni esuie leune, no ko tohungei esu waaꞌiniꞌini oto liutaa. Na asunge ineu e aꞌailaꞌa taraꞌasi mola urine aena aana no ko esu aana nanamanga nge a Kraes e niie hunieu.

Kolosi 2:22

Taꞌe mo haꞌatolanga ngeena, mo iinoni kire asuiꞌi maraada i sulie mo ola aiꞌeiꞌaa aana walumalau ie ni ngeena.

Kolosi 3:2

Omu ke suꞌuri neꞌi-neꞌisae mola aana mo ola aana walumalau ie, taꞌe omu ke neꞌisae paine aana mo ola taꞌau i Lengi.

1 Tesalonaeka 1:3

Oto tarau aana aarengaꞌinge iꞌemeelu hunie a God Aamaka, melu ko aamasitoꞌo aana mo tolahai iinoni diana nge omu ko lulu i suliꞌi i sulie hiiwalaimolinge iꞌomu aana a Jisas, na mo weonga iꞌomu i tehulaꞌana omu manata diana hunie a God. Na melu ko loꞌongaꞌinie noꞌone uuranga aꞌailaꞌa iꞌomu aani norutoꞌonga aana a Jisas Kraes Aalaha ikie.

2 Timoti 2:19

Taꞌe maꞌalana ngaeta mo iini ko neꞌisae rue-ruaꞌa urine, soihaadaꞌinge e saꞌa rongo ike hunire aena aana soihaadaꞌinge e toꞌo aana taane poo-pootana nge e kaꞌa sai esuleꞌi ike. Na a God e uusue mo wala i sulie soihaadaꞌinge ingeie uuri, “A Aalaha e manataꞌinie taane mo iini ingeie,” na loꞌu uuri, “Ahutana mo iini ko unue uri kire hiiwalaimoli aana a Aalaha, kire ke mani toliꞌaasie oto mo tolahai ola aaela ikire.”

Hibru 12:16

Omu ke lio talamiu loꞌu, mwaanie nga iini eemiu e mai-mesi, na mwaanie nga iini e urihana loꞌu a Iso nge e kaꞌa haꞌamaꞌu ike aana God. Aana a Iso ingeie naꞌohai mwela, kaꞌu e malisine haꞌadianaꞌanga a God ke lae hunie na hunie ke neꞌi naꞌohai mwane aana komu oolisie aamana. Taꞌe aana a Iso e hiolo mola aana ngaeta maholo, oto e haꞌaholingeꞌinie mola iiꞌo-iiꞌoha ingeie ngeena hunie a Jekob mola uana taꞌa-taꞌa maai ngeunge.

Hibru 4:11

Aena urine, kie ke mani esu aꞌailaꞌa oto hunie kie ke hule aana leu ni mamalo peꞌie a God ngeena, na mwaanie nga mo iini aaka kire lae takalo loꞌu mola aena aana kire haimaanie haitohenga mwala holaꞌinaꞌo ngeena.

Jemes 1:11

Maholo sato ko hane, oto ko madoro na ko weruhie hahalisi. Oto tatakani ko eehuhu na launihaꞌani ko waetaꞌi oto. E urine loꞌu mola aana mwane e toꞌo-toꞌo. Maholo e kaꞌa loꞌongaꞌinie ike maenga taꞌe ko loꞌongaꞌi hiitoꞌo mola i sulie tari-olanga ingeie, nge kei mae mola.

1 Pita 1:24

Mo Uusu-uusu Maaꞌi e unue uuri, Ahutana mwala kire urihana mola hahalisi, na manikuluhaꞌada e urihana noꞌone mola tatakana hahalisi. Aana hahalisi e sai mae mola, na tatakana e sai eehuhu mola.

2 Pita 1:17

A God Mamaꞌa e tohungei haꞌapainaꞌaa satana Kraes, aana walana Iini E Paine Liutaa e soi haꞌamanikuluꞌaa a Kraes aana e teꞌuri, “A kaleku ni oto ienini, iini nou tohungei saetoꞌo aana oto liutaa.”