Tataroha Diana I Sulie A Jisas Kraes Nge A Jon E Uusue 5:23 - Tataroha Diana

²³ Aena ngeena, ahutana mo iinoni ke mani haꞌamaꞌu aana a Kale oto mala kire ko haꞌamaꞌu aana Mamaꞌa. Iini oto e kaꞌa haꞌamaꞌu ike aana a Kale, nge e kaꞌa haꞌamaꞌu oto noꞌone aana a Mamaꞌa nge e uusungeꞌinie mai eena.

Tataroha Diana I Sulie A Jisas Kraes Nge A Jon E Uusue 5:23 ပူးပေါင်းရင်းမြစ်များ

Matiu 10:37

Nga iini nge ko manata diana hunie aamana wa nikana liutaa aaku, e kaꞌa malisine ike ke neꞌi pwaarongoisuli ineu. Na nga iini ko manata diana hunie kalena mwane wa kalena keni liutaa aaku, e kaꞌa malisine ike ke neꞌi pwaarongoisuli ineu.

Matiu 11:27

Oto e si teꞌuri loꞌu hunie mwala, “Aamaku e niie oto ahutana walu ola hunieu hunie ne ke paine haahiꞌi. Na nga iini kaꞌa manataꞌinie ike a Kale taꞌe a Mamaꞌa mola haliꞌite. Na nga iini e kaꞌa manataꞌinie ike a Mamaꞌa taꞌe a Kale mola haliꞌite, na mo iini nge a Kale ko lio hilisire huni unu haataꞌi aana Aamana.

Matiu 12:21

Na ahutana mwala aana walumalau ke si meni norutoꞌo oto aana. Aesaea 42:1-4

Matiu 15:8

Aana a God e unue uuri, Mwala ie kire ko haꞌamaꞌu eeku mola aana ngidude, taꞌe manatada e haꞌatau hiitoꞌo mola mwaanieu.

Matiu 28:19

Aena urine, omu ke lae, na omu ke da hunie taꞌena nga iinoni ni welumalau ke neꞌi pwaarongoisuli oto ineu. Omu ke loto maaꞌi aada aana satana a Mamaꞌa na a Kale na Liꞌoa Maaꞌi.

Tataroha Diana I Sulie A Jisas Kraes Nge A Luk E Uusue 10:16

Oto a Jisas ko heꞌi teꞌuri loꞌu hunie mo pwaarongoisuli ingeie, “Nga iini nge ko rongo huniꞌomu, ko rongo hunieu noꞌone eena. Na nga iini nge ko lelediꞌomu, ko leledieu noꞌone. Na iini nge ko leledieu, ko leledie noꞌone iini nge e uusungeꞌinieu mei eena.”

Tataroha Diana I Sulie A Jisas Kraes Nge A Jon E Uusue 14:1

Oto a Jisas ko si heꞌi teꞌuri loꞌu hunie mo pwaarongoisuli ingeie, “Omu ke suꞌuri totolahiꞌe. Omu ke hiiwalaimoli aana a God, na omu ke hiiwalaimoli noꞌone aaku.

Tataroha Diana I Sulie A Jisas Kraes Nge A Jon E Uusue 16:14

Ingeie ke si haꞌamanikuluꞌaau, aana kei haꞌarongoꞌomu aana walaimolinge ineu.

Tataroha Diana I Sulie A Jisas Kraes Nge A Jon E Uusue 17:10

Ahutana walu ola nou toꞌo aani, mo ola iꞌoe, na ahutana walu ola iꞌoe, mo ola ineu. Na i tehulaꞌana mo mwane ikure ngeena, nge mwala ke si leesie manikuluhaꞌaku.

Uusu-uusu A Pol Hurula'aa Hunie Mo Rom 1:7

Oto ie no ko uusu-uusu hunie ahutemiu weu i Rom, mwala nge a God e manata diana huniꞌomu na e soiꞌomu hunie omu ke neꞌie oto mo tohungei iinoni maaꞌi ingeie. No ko eitanaie a God Aamaka na a Jisas Kraes Aalaha ikie, uri kire ke haataꞌinie hahuꞌana manata-diananga huniꞌomu, na uri ke niie hanuelamanga huniꞌomu.

Uusu-uusu A Pol Hurula'aa Hunie Mo Rom 15:12

Na a Propet Aesaea e unue loꞌu uuri, Nga inemauri kei lae mai mwaanie komu a Jesi hunie kei aalaha haahie mwala nge ikire nga mo Jiu haꞌike. Na ingeie oto kire kei maaꞌoohie peꞌie norutoꞌonga aana huni haꞌa-uurire. Aesaea 11:10

Uusu-uusu A Pol Hurula'aa Hunie Mo Rom 6:22

Taꞌe ienini, a God e haꞌa-uuriꞌomu oto mwaanie nanamanga aana oorahaꞌaa, na e da oto omu ke neꞌi iinoni euꞌesu nana. Na hue-huana leune oto maurihaꞌamiu ko neꞌi ola maaꞌi oto, na omu ko helesie oto maurihe huu.

Uusu-uusu A Pol Hurula'aa Hunie Mo Rom 8:9

Taꞌe iꞌomu, omu kaꞌa iiꞌo ike loꞌu aana mo tolahai iinoni aaela urine. !Haꞌike oto! Omu iiꞌo oto i sulie tolahana a Liꞌoa Maaꞌi, aana Liꞌoa Maaꞌi a God e iiꞌo oto i lalo aamiu. Na mala uri nga iinoni e kaꞌa toꞌo aana ike Liꞌoa a Kraes i lalo aana, ingeie nga iinoni a Kraes haꞌike oto eena.

1 Korinit 1:3

Mere ko eitanaie a God Aamaka na Aalaha ikie a Jisas Kraes uri hahuꞌana manata-diananga na hanuelamanga ingeie ke iiꞌo peꞌiꞌomu.

1 Korinit 10:31

Taꞌe e uuri mola, maꞌalana omu ko ngeu wa omu ko inu wa omu ko esuie loꞌu taꞌena nga mei ola, taꞌe omu ke asuiꞌi mola huni haꞌamanikuluꞌaa a God.

1 Korinit 16:22

Taꞌena nga iini nge e kaꞌa manata diana hunie a Aalaha ikie a Jisas, nge haꞌaloinge a God kei hite aana. No ko eitanaie a Aalaha ikie a Jisas hunie ke lae mai lau-leu,

1 Korinit 6:19

?Uri omu kaꞌa saie ike uri sapemiu nge oto nume maaꞌi a Liꞌoa Maaꞌi? E iiꞌo oto i lalo aamiu, aana a God e niie huniꞌomu. Oto sapemiu kaꞌa toꞌo-toꞌolamiu ike loꞌu maraamiu,

2 Korinit 1:9

Na melu saie uri melu ke tohungei mae toꞌohuu oto. Taꞌe leune e rau urine, uri hunie melu ke suꞌuri norutoꞌo mola aameelu maraameelu, taꞌe hunie melu ke norutoꞌo mola aana God, iini e sai taꞌea mo iini e mae oto.

2 Korinit 13:14

No ko aarengaꞌi hunie uri Aalaha ikie a Jisas Kraes ke haataꞌinie hahuꞌana manata-diananga ingeie huniꞌomu, na hunie uri a God ke haꞌadianaꞌaꞌomu aana manata-diananga ingeie, na hunie a Liꞌoa Maaꞌi ke lokoa ahutana saemiu aani hatanga peꞌie.

2 Korinit 5:14

Taꞌena nga mei ola melu ko esuie, melu ko esuie mola aena aana manata-diananga a Kraes. Na aana melu hiiwalaimoli uri taꞌa-taꞌa iinoni e mae oto honotaka, nge melu hiiwalaimoli noꞌone uri ahutaka, kie mani mae tararuru oto peꞌie iinonine mwaanie mauringe lalahuꞌe e aaela ikie i naꞌo.

2 Korinit 5:19

Oto melu ko tarohaꞌinie uri a Kraes e asu mola nana a God hunie ahutana iinoni aana walumalau kire ke aaliꞌu mei takoie hunie kire ke uure ruru peꞌie a God. Na aena aana a Kraes mone, a God e kaꞌa loꞌongaꞌinie ike loꞌu mo oorahaꞌaanga ikire. Na e niie mei tataroha diana ngeena nameelu hunie melu ke tarohaꞌinie hunie mwala ke saie tala hunie ikire noꞌone kire ke sai uure ruru peꞌie a God.

Epesas 6:24

Na no ko eitanaie a God noꞌone uri ke haataꞌinie hahuꞌana manata-diananga ingeie huniꞌomu, mo iini nge manata-diananga iꞌomu hunie Aalaha ikie a Jisas Kraes e kaꞌa sai mou-mou ike aana taꞌena nga maholo.

2 Timoti 1:12

Aena urinena nge no ko sapesalu siꞌiri ie. Taꞌe nou saꞌa roroꞌa ni masa ike, aena aana nou manataꞌinie a Jisas, iini nge nou norutoꞌo aana. Na nou saie uri ingeie e sai kinetaꞌinie walu ola nou neꞌiꞌi i nimana huni lio i suliꞌi, na kei kinetaꞌi diana aani lai hule aana dinge ooreta.

Hibru 1:6

Na maholo a God e uusungeꞌinie Hahuꞌana Mwela Mouteꞌi ingeie mai i laona walumalau, oto e unue hunie ahutana mo ensel ingeie uri kire ke mani palo-paloa oto. Sam 97:7

2 Pita 1:1

Saediananga mwaanieu a Saemon Pita, koni-konihe na hurulaꞌaa a Jisas Kraes, huniꞌomu mo iini nge omu hiiwalaimoli noꞌone aana a Jisas Kraes mala iꞌemeelu. Ingeie oto a God na a Haꞌa-uuritaka, na aena aana e tohungei oodotaꞌi na ko sare dau diana mola hunie ahutaka, nge hiiwalaimolinge e niie mai huniꞌomu ngeena e sada mola peꞌie hiiwalaimolinge iꞌemeelu mo hurulaꞌaa.

2 Pita 3:18

Taꞌe omu ke pai-peine taraꞌasi mola i lalo aana manata-diananga na sai-olanga hunie Aalaha ikie na a Haꞌa-uuritaka, a Jisas Kraes. Nge manikuluꞌanga ingeie e saꞌa mango oto ooꞌoo. Ke urine oto.

1 Jon 2:23

Aana iini ko leledie a Kale, nge ko leledie noꞌone a Mamaꞌa. Taꞌe iini e saetoꞌo aana a Kale, nge a Mamaꞌa e iiꞌo noꞌone peꞌie.

2 Jon 1:9

Taꞌena nga iini nge e kaꞌa iiꞌo susu aana mo haꞌa-uusulinge a Kraes taꞌe ko sapeie loꞌu mola mo neꞌisaenga ingeie, iini urine, a God e kaꞌa iiꞌo ike i lalo aana. Taꞌe iini nge ko iiꞌo susu peꞌie lulu i sulilana mo haꞌa-uusulinge a Kraes, iini urine, a Mamaꞌa na a Kale kire mani iiꞌo oto i lalo aana.