Oto a Jisas e kele lae taꞌau mwaaniraelu, ko si pouruuru i aano haahie maana na ko aarea God, ko unue uuri, “Mamaꞌa, iiola o niie mai hunie ne ke hotelaꞌinie ko aasaieu oto. Mala ko mwadaꞌu, saeku o ke oolisie aana nga iini mwa-mwate. Taꞌe neꞌewau oto, o ke dau mola i sulie nga taa o saetoꞌo aana, na o ke suꞌuri deu i sulie nga taa nou saetoꞌo aana.”
Tataroha Diana I Sulie A Jisas Kraes Nge A Jon E Uusue 5:19 - Tataroha Diana19 Oto a Jisas e aalamire ko teꞌuri, “No ko unue oto huniꞌomu uri a Kale e saꞌa roroꞌa ni da ike nga mei ola tohune taꞌe mwaanie nga mei ola oto ko leesie Aamana ko euꞌesuie haꞌalaa ingeie ko esuie. Aana taꞌena nga ola a Mamaꞌa ko esuie, nge a Kale ko esuie noꞌone mola. အခန်းကိုကြည့်ပါ။ |
Tataroha Diana I Sulie A Jisas Kraes Nge A Jon E Uusue 5:19
43 ပူးပေါင်းရင်းမြစ်များ
Maholo kie ko loto maaꞌi, e urihana oto uri sapeka na ahutana mo saehanalinge ni sape e mae tararuru oto peꞌie a Kraes. Na urine e urihana haitolingeꞌinilaka ko lae oto noꞌone peꞌie hunie a Mamaꞌa ke taꞌelaꞌinikie oto noꞌone hunie mauringe haalu, mala e taꞌelaꞌinie kaꞌu noꞌone a Kraes aana nanamanga paine mwaanie maenga.
Ingeie oto e haꞌaholaa taꞌena nga ola. E haꞌaholaa taꞌena nga ola taꞌau i Lengi, na mo ola mai aano, na mo ola kie sai leesiꞌi, na mo ola kie kaꞌa sai leesiꞌi ike. Ingeie oto e haꞌaholaa taꞌena nga ensel, na taꞌena nga liꞌoa, na taꞌena nga aalaha, na mo aalahanga ikire, na taꞌena nga iini e nanama loꞌu. Ahutana walu ola ngeena haꞌaholalani e lae aana a Kraes, na nana a Kraes.
Aamasitoꞌo kaꞌu aana uri a Kraes e sapesalu na hule aana e mae. Ingeie, e kaꞌa mae ike i tehulaꞌana nga mei ola aaela e asuie, aana ingeie iini oodotaꞌi a God, taꞌe e mae mola honotaka mo iinoni kie kaꞌa oodotaꞌi. E mae hautaꞌai hunie ke toolekie aalihoꞌi loꞌu mei i saana God, taꞌe Liꞌoa Maaꞌi a God e taꞌe aalihoꞌi loꞌu aana hunie maurihe huu, na e saꞌa roroꞌa ni mae loꞌu.
ကြော်ငြာတွေ