Tataroha Diana I Sulie A Jisas Kraes Nge A Jon E Uusue 4:6 - Tataroha Diana

^6-8 Na kakalu a Jekob e elie, e iiꞌo ue i leune. Oto a Jisas e lae wau e iiꞌo i aano i reune kakalu ngeena, aena aana ko weo aana laenga. Maholona sato e ngara e oono i seulehi, na i purine mo pwaarongoisuli kire lae taꞌau i huilume huni holi ngeulaa, oto ngaeta keni ni Samaria e lae mai huni tei wei aana kakalu ngeena. Oto a Jisas ko teꞌuri hunie, “O ke dangu wei ekue.”

Tataroha Diana I Sulie A Jisas Kraes Nge A Jon E Uusue 4:6 ပူးပေါင်းရင်းမြစ်များ

Matiu 27:45

Oto i upui aatowaa, rodohono e dau haahie ahutana hanue hunie e oolu maholoi sato.

Matiu 4:2

A Jisas e iiꞌo i laona hanuesala hunie hai aawalai hei dinge na hai aawalai hei rodo, na e kaꞌa hikana nga mei ngeulaa aana maholona, oto ko hiolo.

Matiu 8:24

Maholo kire ko kele lae mola suꞌu weu i laona aasi, na painehaꞌana mawasidengi ko tolana hite aada oto. Aahe ko seu aaelasire oto, hule aana iiola na ko karaꞌi dodo oto, taꞌe a Jisas ko maꞌahu mola.

Tataroha Diana I Sulie A Jisas Kraes Nge A Luk E Uusue 2:7

Oto ko haꞌahutaa oto naꞌohai mwela ingeie, ko uloa aani sala na ko haꞌa-enohie aana leu ni haꞌangau puluke, aana nga leu haꞌike talada i nume ni awataa.

Tataroha Diana I Sulie A Jisas Kraes Nge A Luk E Uusue 9:58

Oto a Jisas e aalamie ko teꞌuri, “Mo usu ni meꞌesu na hule aana kire toꞌo liwe ni maꞌahu ikire, na mo menu loꞌu kire mani toꞌo niuꞌi taane noꞌone, taꞌe ineu a Kale Ni Iinoni hule aana nga leu ni mamalo ineu na haꞌike loꞌu.”

Tataroha Diana I Sulie A Jisas Kraes Nge A Jon E Uusue 11:9

Oto a Jisas ko si teꞌuri hunire, “Mwaanie omu meꞌu-meꞌu, aana maholo haꞌike ue hunie sato ke suu ni ngeena. A Mamaꞌa e holosie maholo ineu huni esu nana, mala e holosie noꞌone uri ke dai-dengi hunie aawalai maholoi sato mwana rue suli dinge. Oto kira tei ko walo liu maholo e dai-dengi ue, kire saꞌa tataro ike.

Tataroha Diana I Sulie A Jisas Kraes Nge A Jon E Uusue 4:12

?Uri o ko loꞌo-loꞌongaꞌiniꞌo uri o paine loꞌu liutaa aana weuwaka a Jekob oto wau i naꞌo nge e niie kakalu ie naka? ?Oto nga mei wei diana uri taa o kei niie loꞌu, aana a Jekob na mo kalena na ahutana mo ola mauri ingeie kire mani inu-inu mola aana kakalu ienini?”

Tataroha Diana I Sulie A Jisas Kraes Nge A Jon E Uusue 4:5

Oto a Jisas ko si hule i Samaria aana huilume satana i Saeka. Huilume ngeena, e iiꞌo mola karaꞌinie mei aano nge a Jekob e niie oto waite nana a Josep, a kalena.

2 Korinit 8:9

Aana saeku hunie omu ke haimaanie hahuꞌana manata-diananga Aalaha ikie a Jisas Kraes. Omu saie mola uri e tohungei toꞌo-toꞌo kaꞌu oto taꞌau i Lengi, taꞌe e si lae mai neꞌi iinoni meitale mola i tehulaꞌamiu, uri hunie omu ke neꞌi iinoni toꞌo-toꞌo i tehulaꞌana maitalenga ingeie ngeena.

Hibru 2:17

Aena urinena, e tohungei roroꞌa hunie maraana, hunie ke sada peꞌikie mo eesine aana taꞌena nga ola, hunie uri ke hai-hei aamasi toꞌohuu hunikie maholo ko esu nana a God mala Hahuꞌana Naꞌohai Pris ikie, aana asunge ingeie oto hunie ke haꞌa-oodohie mo oorahaꞌaanga mo iinoni hunie a God ke saeꞌaasiꞌi.

Hibru 4:15

Na Hahuꞌana Naꞌohai Pris ikie ngeena e manataꞌinie oto mo mamaelaꞌanga ikie, aena aana ahutana mo malaahonganga nge kire ko hite-hite aaka ngeena, kire mani hite aana mango. Taꞌe maꞌalana malaahongalana e lae urine, a Jisas e kaꞌa dau huꞌisie ike nga taꞌa-taꞌa mei oorahaꞌaa aana nga kele maholo.