Tataroha Diana I Sulie A Jisas Kraes Nge A Jon E Uusue 4:21 - Tataroha Diana

²¹ Oto a Jisas ko teꞌuri loꞌu hunie, “Keine, o ke hiiwalaimoli eeku aana no ko unue uri maholo nge ko lae maine, mwala saꞌa palo-paloa ike taane loꞌu a Mamaꞌa mola i lengine toloi henue ienini wa taꞌau i Jerusalem.

Tataroha Diana I Sulie A Jisas Kraes Nge A Jon E Uusue 4:21 ပူးပေါင်းရင်းမြစ်များ

Matiu 18:20

Aana nga ro iini wa e oolu eemiu kei ruru aana sataku aana taꞌena nga leu, nge ineu oto noꞌone i matolamiu i leune.”

Matiu 28:19

Aena urine, omu ke lae, na omu ke da hunie taꞌena nga iinoni ni welumalau ke neꞌi pwaarongoisuli oto ineu. Omu ke loto maaꞌi aada aana satana a Mamaꞌa na a Kale na Liꞌoa Maaꞌi.

Tataroha Diana I Sulie A Jisas Kraes Nge A Luk E Uusue 21:24

Nga mo iini horo maesilada kei lae aani naihi, na ngaeta mo iini kire kei tola mauri aada takoie mo henue hai aaopaꞌi mala mwala e iiꞌo ni hoꞌo. Mwala aaopa nge ikire nga mo Jiu haꞌike, kire kei uuri puli-pulisie i Jerusalem lai hule oto aana maholo mo Aapoloa Aaopa kei saro mango.”

Tataroha Diana I Sulie A Jisas Kraes Nge A Jon E Uusue 14:6

A Jisas e aalamie oto ko teꞌuri, “Ineu oto tala, na walaimolinge, na maurihe. Nga tala aaopa hunie nga iini ke lae loꞌu i sulie takoie a Mamaꞌa haꞌike, taꞌe ko liu i seeku haꞌalaa.

Tataroha Diana I Sulie A Jisas Kraes Nge A Jon E Uusue 16:2

Aana kire kei ooheꞌomu mwaanie mo nume ni palo-palo mo Jiu, na aana maholoi sato ko lae maine, kire kei waeliꞌomu hiitoꞌo hule aana iini ko horoꞌiꞌomu kei loꞌongaꞌinie uri ko deu i sulie saena God.

Tataroha Diana I Sulie A Jisas Kraes Nge A Jon E Uusue 16:32

Lio kaꞌu, maholoi sato ko karaꞌini oto mai, na ingeie oto taane ie, maholo oto hunie ahutemiu omu kei meni tatanga oto mwaanieu. Nga iini ni oto e lae-lae oto takoie hanue ingeie, na taꞌe ineu mola ne ke si oore maraaku. Taꞌe nou kaꞌa oore ike taane maraaku, aena aana a Mamaꞌa taane peꞌieu.

Tataroha Diana I Sulie A Jisas Kraes Nge A Jon E Uusue 4:23

Na maholo ko nanauhie oto mai, na e hule mone oto, hunie mwala ke palo-paloa a God Mamaꞌa oto toꞌohuu aani sae na aani walaimolinge. Aana a Mamaꞌa e tohungei saetoꞌo aana mo iini kire ko palo-paloa urine.

Tataroha Diana I Sulie A Jisas Kraes Nge A Jon E Uusue 5:25

“No ko unue oto toꞌohuu huniꞌomu uri maholo ko nanauhie oto mai, na e hule mone oto, hunie mo iini maurihaꞌada e mae kei rongoa walaku a Kalena God. Na mo iini ko rongo peꞌi hiiwalaimolinge aaku kei hele aana maurihe.

Tataroha Diana I Sulie A Jisas Kraes Nge A Jon E Uusue 5:28

“Mwaanie omu pangataꞌi aana walu ola ngeena, aana ko karaꞌinie oto maholo hunie mo iini e mae kei rongoa walaku, na

Palonga 6:14

Na melu rongoa e unue uri a Jisas, mei ola ni Nasaret ngeena, kei ohoie Nume Maaꞌi Peine ikolu, na kei oolisie mo tolahai ola nge a Mosis e niiꞌi mei hunikie.”

Epesas 2:18

Na aena aana nga taa a Kraes e asuie, iꞌemi mo Jiu oto peꞌiꞌomu mo Aapoloa Aaopa, kie sai meni lae oto mai i saana Aamaka mola aana nanamanga aana e taꞌa-taꞌa Liꞌoa.

Epesas 3:14

Maholo no ko aamasitoꞌo aana saenanaunge a God e paine oto urine, no ko pouruuru i naꞌona aani haꞌamaꞌunge na no ko eitanaie a God Aamaka,

1 Timoti 2:8

Oto nou saetoꞌo aana uri ahutana mwane aana taꞌena nga leu kire ke aarengaꞌi. Mwaanie kire hele ni kumu aani saewasunge wa kire haataꞌinie kiꞌide aani haꞌa-erenga, taꞌe kire ke asuie mola nga taa e oodo aana kiꞌide, na kire ke susueꞌinie nimada i lengi aani aarengaꞌinge.

1 Pita 1:17

Omu ko haa-haaraꞌinie a God uri ingeie oto Aamamiu, na e toꞌohuu oto. Taꞌe aama-aamasitoꞌo aana uri e kaꞌa sai rara haahie ike mola nga iini. Aana ingeie ko lei sada mola aana ahutana iinoni i sulie helelada. Aena urinena, maholo omu ko meu-meuri ue mai laona walumalau, nge omu ke iiꞌo diana oto mai laona walumalau peꞌi haꞌamaꞌunge aana taraureꞌi.

Haataꞌinge 21:22

A God Aalaha Hahuꞌana Nanama na a Kalei Sipu kire iiꞌo oto mone aana hanuena, oto nou kaꞌa leesie ike nga nume maaꞌi i laona hanuena aana kire kaꞌa saetoꞌo aana loꞌu nge nume urine.