Tataroha Diana I Sulie A Jisas Kraes Nge A Jon E Uusue 20:29 - Tataroha Diana

²⁹ Oto a Jisas ko si teꞌuri hunie, “Iꞌoe, o hiiwalaimoli eeku mola aena aana o leesieu. Taꞌe deidehie oto liutaa mo iini e kaꞌa leesieu, taꞌe kire hiiwalaimoli.”

Tataroha Diana I Sulie A Jisas Kraes Nge A Jon E Uusue 20:29 ပူးပေါင်းရင်းမြစ်များ

Matiu 13:16

Taꞌe deidehiꞌomu aana maamiu ko lio sai ola na aalingemiu ko rongo sai ola.

Tataroha Diana I Sulie A Jisas Kraes Nge A Luk E Uusue 1:45

Deidehiꞌo keine, aana o hiiwalaimoli uri nga taa a Aalaha e unue huniꞌo kei oa oto.”

Tataroha Diana I Sulie A Jisas Kraes Nge A Jon E Uusue 20:28

Oto a Tomas e tolana aalamie a Jisas, na ko teꞌuri, “!Iꞌoe oto Aalaha ineu, na God ineu!”

Tataroha Diana I Sulie A Jisas Kraes Nge A Jon E Uusue 20:8

Oto ngaeta pwaarongoisuli loꞌune, iini nge e holaꞌi hule aana kilipweꞌu, e heꞌi sili loꞌu hao, na e leesie walu olana, ko si hiiwalaimoli uri a Jisas e taꞌelaꞌi toꞌohuu mwaanie maenga.

Tataroha Diana I Sulie A Jisas Kraes Nge A Jon E Uusue 4:48

Oto a Jisas ko teꞌuri hunie a mwaena, “Omu hiiwalaimoli mola aaku aena aana omu leesie oto mo ola ni pangataꞌinge na mo tolimaa aana mo huꞌi-huꞌite.”

2 Korinit 5:7

Oto mau-meuringe ikie ko lae-lae mola aani hiiwalaimolinge, na e kaꞌa lae ike i sulie walu ola kie sai leesie aana maaka.

Hibru 11:1

?Oto nga taa ni hiiwalaimolinge? Hiiwalaimolinge oto norutoꞌonga uri nga taa kie ko maaꞌoohi susutoꞌo hunie kei oa toꞌohuu hunikie, na ni saie uri mo ola e toꞌohuu taane maꞌalana uri kie kaꞌa leesiꞌi ue.

Hibru 11:27

Aani hiiwalaimolinge mone, a Mosis e lae mwaanie i Ijip, na e uure aꞌailaꞌa honosie saewasunge a inemauri, aena aana ko tola i sulie mola Inemauri nge nga iini e kaꞌa sai leesie ike.

Hibru 11:39

Ahutada ngeena kire mani hiiwalaimoli aana God, na ingeie oto ko tohungei lahera oto liutaa. Taꞌe kire kaꞌa hele aana ike ue nga taa e haiholotaꞌinie hunire,

1 Pita 1:8

Nou saie taane uri omu kaꞌa leesie ike a Kraes, taꞌe omu tohungei manata diana mola hunie. Na maꞌalana omu kaꞌa sai leesie ue aana maholo ienini, taꞌe omu ko lae peꞌi hiiwalaimoli mola aana peꞌi ilenimwaꞌenga paine oto liutaa. Ilenimwaꞌenga iꞌomu e lae oto i peine liutaa na e manikuluꞌe, na hule aana nga mo wala kire kaꞌa adona ike haataꞌinilana ilenimwaꞌenga paine iꞌomu ngeena.