Tataroha Diana I Sulie A Jisas Kraes Nge A Jon E Uusue 20:19 - Tataroha Diana

¹⁹ Oto mola i seulehi aana eetana nga dinge i purine Dinge Maaꞌi Mo Jiu ngeena, mo pwaarongoisuli kire mani loko na kire hono honosire i nume, aana kire ko meꞌuteꞌinie mo naꞌohai mwane mo Jiu. Kire iiꞌo mola i nume urine na a Jisas e si lae mai uure i matolada, na ko teꞌuri, “Hanuelamanga ke iiꞌo peꞌiꞌomu.”

Tataroha Diana I Sulie A Jisas Kraes Nge A Jon E Uusue 20:19 ပူးပေါင်းရင်းမြစ်များ

Matiu 10:13

Mala mwala aana numena ko tola koniꞌomu, hanuelamanga ke oore peꞌire, taꞌe mala kire kaꞌa tola koniꞌomu oto, kire saꞌa hele aana ike hanuelamanga omu unue ngeena.

Matiu 18:20

Aana nga ro iini wa e oolu eemiu kei ruru aana sataku aana taꞌena nga leu, nge ineu oto noꞌone i matolamiu i leune.”

Tataroha Diana I Sulie A Jisas Kraes Nge A Mak E Uusue 16:14

Oto loꞌu i puri a Jisas ko heꞌi haataꞌi loꞌu aana aawalai pwaarongoisuli mwana eeta aana maholo kire ko ngeu. E ere aada aena kire kaꞌa hiiwalaimoli ike aana, na i sulie saeda e hau hule aana kire kaꞌa hiiwalaimoli ike aana mo iini nge kire leesie a Jisas e taꞌelaꞌi.

Tataroha Diana I Sulie A Jisas Kraes Nge A Jon E Uusue 14:27

No ko haꞌa-oorea hanuelamanga oto huniꞌomu, na hanuelamanga ineu no ko niie oto huniꞌomu ie. Nou kaꞌa niie ike mala mwala aana walumalau ko nii-nii, taꞌe no ko nii toꞌohuu. Oto omu ke suꞌuri totolahiꞌe wa omu ke maꞌu-meꞌu.

Tataroha Diana I Sulie A Jisas Kraes Nge A Jon E Uusue 16:22

Oto iꞌomu na e urine noꞌone. Omu ko saehuu oto molana, taꞌe ne kei heꞌi leesiꞌomu taane loꞌu, na saemiu ke si honu aani ilenimwaꞌenga, aana taungei ilenimwaꞌenga nge nga iini e saꞌa taꞌaasie ike loꞌu mwaaniꞌomu.

Tataroha Diana I Sulie A Jisas Kraes Nge A Jon E Uusue 16:33

Nou unue oto walu ola ienini huniꞌomu, hunie uri omu ke si toꞌo aana hanuelamanga aani iiꞌonga tararuru peꞌieu. Walumalau kei haꞌasapesaluꞌaꞌomu taane, taꞌe mwaanie omu meꞌu-meꞌu. Saemiu ke mango mola, aana nou tola hehesie oto walumalau.”

Tataroha Diana I Sulie A Jisas Kraes Nge A Jon E Uusue 20:21

Oto a Jisas ko heꞌi teꞌuri loꞌu, “Hanuelamanga ke iiꞌo peꞌiꞌomu. No ko uusungeꞌiniꞌomu oto wau mala a Mamaꞌa e uusungeꞌinieu mei.”

Tataroha Diana I Sulie A Jisas Kraes Nge A Jon E Uusue 20:26

Oto wiki loꞌu i puri, mo pwaarongoisuli a Jisas e heꞌi ruru loꞌu i nume, na a Tomas noꞌone oto peꞌire. Mo maa kire hono maꞌutaꞌa loꞌu, taꞌe a Jisas e lae mola mai nume na e uure oto i matolada, ko si teꞌuri, “Hanuelamanga ke iiꞌo peꞌiꞌomu.”

Tataroha Diana I Sulie A Jisas Kraes Nge A Jon E Uusue 21:1

Ngaeta maholo loꞌu i puri, a Jisas e haataꞌi loꞌu maraana hunie mo pwaarongoisuli ingeie wau i reune Aasi I Kalili, na laladonga aana e lae uuri.

Tataroha Diana I Sulie A Jisas Kraes Nge A Jon E Uusue 21:14

Ie oolune nga maholo a Jisas ko haataꞌi aana mo pwaarongoisuli ingeie i purine e taꞌelaꞌi mwaanie maenga.

Tataroha Diana I Sulie A Jisas Kraes Nge A Jon E Uusue 7:13

Taꞌe nga iini aada e kaꞌa sare ere haadaꞌi loꞌu, aena aana kire ko meni meꞌuteꞌinie mola mo naꞌohai mwane ikire.

Palonga 1:3

I laona hai aawalai hei dinge i purine a Jisas e mae, e haataꞌi loꞌu aana mo hurulaꞌaa mo maholo hunge. Aana mo tala hunge hai aaopaꞌi e haataꞌi diana aada uri e mauri eelihoꞌi toꞌohuu, na aana mo maholona e haꞌananaure i sulie Aalahanga a God.

Uusu-uusu A Pol Hurula'aa Hunie Mo Rom 15:33

Na ineu, no ko aarea a God nge ingeie oto aahuꞌine hanuelamanga, ke iiꞌo huu peꞌie ahutemiu. Iau, ke urine oto.

1 Korinit 15:5

Na e haataꞌi aana a Pita na loꞌu hunie ahutana aawalai hurulaꞌaa mwana rue.

Epesas 2:14

Aana a Kraes maraana oto e asuie hanuelamanga i matolana mo Jiu na mo Aapoloa Aaopa, na e asuie uri kire ke mani neꞌie taꞌa-taꞌa iinoni mola. E oho aasie oto para aani maelonga nge ko oopara aana e ro poꞌo ni iinoni.

Epesas 6:23

Maeni eesiku maaꞌi, no ko eitanaie a God Aamaka na Aalaha ikie a Jisas Kraes, hunie ke asuie hanuelamanga, na manata-diananga peꞌie hiiwalaimolinge ke paine loꞌu eemiu.

Pilipae 1:2

Mere ko eitanaie a God Aamaka na Aalaha ikie a Jisas Kraes uri hahuꞌana manata-diananga na hanuelamanga ingeie ke iiꞌo peꞌiꞌomu.

2 Tesalonaeka 3:16

No ko eitanaie a Aalaha aana ingeie maraana oto aahuꞌine hanuelamanga uri ke iiꞌo peꞌiꞌomu na ke niie hanuelamanga ingeie huniꞌomu tarau maꞌalana nga taa ke rau loꞌu.

3 Jon 1:14

aana nou norutoꞌo mola uri karaꞌinie oto ne kei leesiꞌo, na maholona kure ke si meni ere-ere loꞌu.

Haataꞌinge 1:4

Saediananga mwaanieu a Jon huniꞌomu e hiu soihaadaꞌinge aana poꞌo ni henue i Esia. No ko eitanaie a God iini e mauri oto uure mai naꞌo na ko meuri oto siꞌiri ie na kei meuri oto huu. No ko eitanaie a God uri hahuꞌana manata-diananga na hanuelamanga ingeie ke iiꞌo peꞌiꞌomu. Na e ro haꞌadianaꞌanga ngeena kire uure noꞌone mwaanie e hiu liꞌoa nge kire uure i naꞌona naunekume a God,