Tataroha Diana I Sulie A Jisas Kraes Nge A Jon E Uusue 2:11 - Tataroha Diana

¹¹ Eetana nga mei tolimaa aana nanamanga a Jisas ienini, e asuie i Kena aana poꞌo ni henue i Kalili. I leune e haataꞌinie manikuluhaꞌana, nge mo pwaarongoisuli ingeie e si hiiwalaimoli aana.

Tataroha Diana I Sulie A Jisas Kraes Nge A Jon E Uusue 2:11 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 1:14

A mei Wala ngeena e lae oto mai na e neꞌi iinoni. E oꞌoꞌo oto i matolameelu na melu leesie oto manikuluhaꞌana, mei menikuluꞌanga oto paine aena aana ingeie oto taꞌa-taꞌa mwela mouteꞌi a God. Ingeie oto ko niie ahutana hahuꞌana manata-diananga a God hunikie, na ko unu-unue ahutana walaimolinge a God hunikie.

Tataroha Diana I Sulie A Jisas Kraes Nge A Jon E Uusue 1:17

Aana waite a God e niie mo Haꞌatolanga hunie a Mosis hunie ke heꞌi niiꞌi loꞌu hunie mwala, taꞌe a Jisas Kraes maraana ko niie mai manata-diananga na walaimolinge hunikie.

Tataroha Diana I Sulie A Jisas Kraes Nge A Jon E Uusue 1:43

Oto hai dinge loꞌu i sulie, a Jisas e neꞌisae huni lae hao i Kalili. E lio oodoie a Pilip, oto ko teꞌuri hunie, “O ke lae mai lulu i sulieu.”

Tataroha Diana I Sulie A Jisas Kraes Nge A Jon E Uusue 1:50

Oto a Jisas ko dolosi aana a Nataniel uuri, “?Uri o ko hiiwalaimoli mola aena aana nou unue huniꞌo uri nou leesiꞌo i mamalutana ai fik ngeena? O kei leesie taane mo ola paine loꞌu liutaa aana leu ienini.”

Tataroha Diana I Sulie A Jisas Kraes Nge A Jon E Uusue 10:41

Mwala oto hunge kire lae mai saana, na kire ko unue uuri, “A Jon e kaꞌa asuie ike nga mo huꞌi-huꞌite taꞌe ahutana mo ola e unuꞌi i sulie a mwane ie, kire toꞌohuu oto.”

Tataroha Diana I Sulie A Jisas Kraes Nge A Jon E Uusue 11:15

Taꞌe no ko ilenimwaꞌe mola uri nou kaꞌa iiꞌo ike i saana, aena aana nga taa ko reu ienini kei peꞌiꞌomu hunie omu ke hiiwalaimoli eeku. Oto kolu ke lae oto i saana.”

Tataroha Diana I Sulie A Jisas Kraes Nge A Jon E Uusue 11:47

Oto mo naꞌohai pris peꞌie mo Parise kire lokoa mwala lei-lei, kire ko si dodolosi uuri, “?Kolu kei ue eena? A mwane ie ko haataꞌinie mo tolimaa nanama aana ko esuie mo huꞌi-huꞌite hunge oto mala iini ie.

Tataroha Diana I Sulie A Jisas Kraes Nge A Jon E Uusue 12:18

Aena aana mei olana noꞌone nge mwala hunge kire lae taꞌau honosie, aana kire rongoa e asuie mei huꞌi-huꞌite peꞌie tolimaa ienini.

Tataroha Diana I Sulie A Jisas Kraes Nge A Jon E Uusue 12:37

A Jisas e talei esuie kaꞌu mo huꞌi-huꞌite hunge huni haataꞌinie mo tolimaa i naꞌona mwala, taꞌe kire kaꞌa sare hiiwalaimoli ike mola aana.

Tataroha Diana I Sulie A Jisas Kraes Nge A Jon E Uusue 12:41

A Aesaea e unue walu olana, aana e leesie manikuluhaꞌana a Jisas na e ere oto i sulie.

Tataroha Diana I Sulie A Jisas Kraes Nge A Jon E Uusue 14:13

Na mala uri omu ko sukaa nga mei ola i tehulaꞌana hiiwalaimolinge iꞌomu eeku, ne kei da mola huniꞌomu, hunie mwala ke si soi haꞌamanikuluꞌaa a God i tehulaꞌaku a Kale.

Tataroha Diana I Sulie A Jisas Kraes Nge A Jon E Uusue 16:27

Aena aana a Mamaꞌa maraana e manata diana oto huniꞌomu, aana omu manata diana noꞌone hunieu, na omu hiiwalaimoli aana uri ineu nou uure oto mai mwaanie a God.

Tataroha Diana I Sulie A Jisas Kraes Nge A Jon E Uusue 16:30

Melu lio saie taane oto uri iꞌoe o saie ahutana walu ola, na melu kaꞌa toꞌo aana ike nga mo dolosinge loꞌu. Aena urinena nge melu si hiiwalaimoli uri o uure oto mai mwaanie a God.”

Tataroha Diana I Sulie A Jisas Kraes Nge A Jon E Uusue 2:1

Oto loꞌu mola i purine e ro hai dinge e mango, ngaeta ngauhe aana haꞌarurunge e rau aana huilume i Kena aana poꞌo ni henue i Kalili. Nikana Jisas noꞌone i leune,

Tataroha Diana I Sulie A Jisas Kraes Nge A Jon E Uusue 2:23

Oto aena aana a Jisas e haataꞌinie mo tolimaa aana nanamanga ingeie maholo e oꞌoꞌo i Jerusalem aana Houlaa Ni Liumwaanie ngeena, mwala oto hunge kire hiiwalaimoli uri ingeie oto a Kraes, iini kire ko maa-maaꞌoohie.

Tataroha Diana I Sulie A Jisas Kraes Nge A Jon E Uusue 3:2

e lae mai saana Jisas aana ngaeta hai rodo, oto ko teꞌuri, “Haꞌa-uusuli, melu leesie tolimaa aana mo huꞌi-huꞌite o ko esuiꞌi ngeena, na melu manataꞌinie uri iꞌoe nga haꞌa-uusuli uure oto mwaanie a God. Aana nga taꞌa-taꞌa iinoni e saꞌa roroꞌa ni esuie ike mo huꞌi-huꞌite o ko esuiꞌi ngeena, na uri a God kaꞌa peꞌie.”

Tataroha Diana I Sulie A Jisas Kraes Nge A Jon E Uusue 4:3

Oto maholo a Jisas e manataꞌinie uri mo Parise kire rongo oto urine, e si taꞌelaꞌi mwaanie poꞌo ni henue i Jiudia na ko eelihoꞌi oto hunie poꞌo ni henue i Kalili.

Tataroha Diana I Sulie A Jisas Kraes Nge A Jon E Uusue 4:46

Oto ngaeta naꞌohai mwane a Herod Inemauri e oꞌoꞌo oto aana huilume i Kapaneam, na kele mwela mwane ingeie ko mataꞌi. Maholo a mwaena e rongoa uri a Jisas e lae oto mwaanie poꞌo ni henue i Jiudia na ko lae oto mai hunie poꞌo ni henue i Kalili, a mwaena ko si lae huni ere peꞌie. Oto e oodoie aana huilume i Kena aana poꞌo ni henue i Kalili, leu nge a Jisas e huꞌisie wai ke neꞌi waen aana. A mwaena ko si lae i saana Jisas na ko eitanaie uri ke lae oto i Kapaneam huni haꞌa-uurie a kalena, aana karaꞌinie oto kei mae.

Tataroha Diana I Sulie A Jisas Kraes Nge A Jon E Uusue 4:54

Ienini ruana nga maholo a Jisas e lae mwaanie poꞌo ni henue i Jiudia hunie poꞌo ni henue i Kalili na e asuie huꞌi-huꞌite huni haataꞌinie tolimaa aana uri ingeie a tei.

Tataroha Diana I Sulie A Jisas Kraes Nge A Jon E Uusue 5:23

Aena ngeena, ahutana mo iinoni ke mani haꞌamaꞌu aana a Kale oto mala kire ko haꞌamaꞌu aana Mamaꞌa. Iini oto e kaꞌa haꞌamaꞌu ike aana a Kale, nge e kaꞌa haꞌamaꞌu oto noꞌone aana a Mamaꞌa nge e uusungeꞌinie mai eena.

Tataroha Diana I Sulie A Jisas Kraes Nge A Jon E Uusue 6:14

Oto maholo mwala kire leesie huꞌi-huꞌite a Jisas e asuie ngeena, kire ko si teꞌuri, “Saꞌa mola propet paine nge mo Uusu-uusu Maaꞌi e unue uri kei lae mai laona walumalau ni oto ienini.”

Tataroha Diana I Sulie A Jisas Kraes Nge A Jon E Uusue 6:26

Oto a Jisas ko aalamire uuri, “No ko unue oto huniꞌomu uri omu ko heitaleau mola aena aana omu ngeu ni pote aana mo ho bred, taꞌe kaꞌa ike aana uri omu lio saie neꞌisaenga aana mo tolimaa nou esuiꞌi.

Tataroha Diana I Sulie A Jisas Kraes Nge A Jon E Uusue 6:30

Oto kire ko heꞌi dolosi loꞌu aana uuri, “?Nga tolimaa uri taa ni o sai esuie hunie uri melu ke leesie na melu ke hiiwalaimoli eemu? Mo weuwaka oto i naꞌo maholo kire iiꞌo i laona hanuesala peꞌie a Mosis, kire ngau aana ngaulaa nge kire haaraꞌinie aana mana nge e teke mola uure i Lengi, oto mala uusulana e lae uuri, E nii ngeulaa ada uure i Lengi. Eksodas 16:4 ?Oto iꞌoe, nga mei huꞌi-huꞌite uri taa ni o kei esuie?”

Tataroha Diana I Sulie A Jisas Kraes Nge A Jon E Uusue 7:31

Taꞌe mo iini hunge aana mwala ngeena kire hiiwalaimoli aana Jisas, na kire ko dodolosi aada hailiu uuri, “?Maholo a Kraes kei lae mai, uri kei esuie nga mo tolimaa hunge liutaa aana mo iini a mwane ie ko esuiꞌine?”

Tataroha Diana I Sulie A Jisas Kraes Nge A Jon E Uusue 9:16

Oto ngaeta mo Parise ko teꞌuri, “Mwane nge e asuie mei ola ienini, e kaꞌa uure ike aana God, kaꞌu e kaꞌa kinetaꞌinie ike haꞌatolanga aana Dinge Maaꞌi.” Taꞌe ngaeta mo iini ko unue uuri, “Iinoni oorahaꞌaala e saꞌa asuie ike mo huꞌi-huꞌite mala ienini,” Oto mei oopanga ko reu i matolada mo Jiu i tehulaꞌana mo wala ienini.

2 Korinit 3:18

Oto ahutaka mo iini kie lado peꞌie a Kraes, a God e taꞌaasie oto mei sala ngeena mwaanie maaka hunie kie ke haataꞌinie manikuluhaꞌana Aalaha mala iiro-iiro ko wana-wana i laona sato. Na oto tarau Liꞌoa Maaꞌi a Aalaha ko esu i lalo aaka huni oolisikie hunie kie ke urihana oto ingeie maraana, na kie ke haataꞌinie manikuluhaꞌana oto liutaa.

2 Korinit 4:17

Na mei siꞌohaꞌanga nge ko tooleꞌemeelu mola hunie kele maholo oꞌoruꞌe ienini, ko da melu ke si hele liutaa aana mo ola manikuluꞌe oto hiitoꞌo loꞌu aana maurihe huu peꞌie a God taꞌau i Lengi.

2 Korinit 4:6

Aana haꞌaholanga a God e unue uuri, !Raa-raa kei raangie rodohono! Jenesis 1:3 Na ingeie noꞌone nge e sinelie saemeelu aana raa-raa ingeie, hunie melu ke lio saie uri mwala e sai leesie manikuluhaꞌana God aana a Jisas Kraes.

1 Jon 5:13

No ko uusue walu ola ienini huniꞌomu, mo iini omu hiiwalaimoli aana satana Kalena God, hunie uri omu ke manataꞌinie uri omu toꞌo aana oto maurihe huu.