Tataroha Diana I Sulie A Jisas Kraes Nge A Jon E Uusue 19:42 - Tataroha Diana

⁴² Oto aana sato ko karaꞌi suu hunie haꞌamangoa hai dinge ikire mo Jiu hunie dau aakau loosie Dinge Maaꞌi, nge e ro mwane ko neꞌie oto rae aana a Jisas wau i laona kilipweꞌu ngeena, aena aana e kele iiꞌo karaꞌini.

Tataroha Diana I Sulie A Jisas Kraes Nge A Jon E Uusue 19:42 ပူးပေါင်းရင်းမြစ်များ

Matiu 12:40

Mala kaꞌu a Jona e iiꞌo i laona ho iiꞌe paine e oolu hei aatowaa na e oolu hei rodo, nge a Kale Ni Iinoni kei iiꞌo noꞌone urine i laona mwakano hunie e oolu hei aatowaa na e oolu hei rodo.

Tataroha Diana I Sulie A Jisas Kraes Nge A Jon E Uusue 19:14

Maholona na ko karaꞌinie oto maholo sato e ngara e oono i maahuꞌo-huꞌo aana hai dinge talamaꞌinge loosie Houlaa Ni Liumwaanie. Oto a Paelat ko teꞌuri hunie mo Jiu, “!Inemauri iꞌomu oto ie!”

Tataroha Diana I Sulie A Jisas Kraes Nge A Jon E Uusue 19:20

Mwala hunge aana mo Jiu kire saaie mo wala ngeena, aena aana leu nge kire neꞌie poꞌu-poꞌu a Jisas aana, e kaꞌa haꞌataulie ike loꞌu huilume, na kire uusue aana e oolu erenga—erenga mo Jiu, na erenga mo Rom, na erenga mo Krik.

Tataroha Diana I Sulie A Jisas Kraes Nge A Jon E Uusue 19:31

Oto mo naꞌohai mwane mo Jiu kire lai haꞌatohu aana a Paelat uri hunie ke toliꞌaasie mo ramo ke oie mo aeꞌaena e oolu mwane i lengine mo poꞌu-poꞌu ngeena hunie kire ke mae lau-leu, na uri kire ke oohosie mo rae aada i aano. Kire sare sukaa urine aena aana dinge talamaꞌinge ni ngeena, hai dinge huni deu aakau loosie Dinge Maaꞌi loꞌu mola i hoꞌowa. Oto kire kaꞌa saetoꞌo aana ike mo rae aana mo mwaena ke saronai oꞌoꞌo i lengine mo poꞌu-poꞌu aana Dinge Maaꞌi, aana hai dinge ngeena e tohungei maaꞌi oto liutaa.

Tataroha Diana I Sulie A Jisas Kraes Nge A Jon E Uusue 19:41

Na aana leu nge kire horoꞌie a Jisas aana, nga hohola wau i leune, na i laona hohola ngeena, nga kilipweꞌu haalu i leune, ola kire kaꞌa haitolingeꞌinie ue nga iini i laona.

Palonga 13:29

Na maholo kire haꞌa-oaie ahutana mo wala i sulie maenga nge uusuleni e lae i laona Uusu-uusu Maaꞌi, kire oohosie mwaanie poꞌu-poꞌu, kire si lai neꞌie i laona kilipweꞌu.

1 Korinit 15:4

Na haitolingeꞌinilana e lae, na a God e taꞌe aalihoꞌi loꞌu aana mwaanie maenga aana oolune nga hai dinge, mala uusulana e lae i laona mo Uusu-uusu Maaꞌi.

Kolosi 2:12

Oto maholo loto maaꞌilemiu e lae, e urihana a God e haitolingeꞌiniꞌomu oto peꞌie a Kraes, na e taꞌelaꞌiniꞌomu oto loꞌu peꞌie noꞌone hunie mauringe haalu. A God e si esuie urine i tehulaꞌana hiiwalaimolinge iꞌomu aana nanamanga paine ingeie nge e taꞌea a Kraes mwaanie maenga.