Tataroha Diana I Sulie A Jisas Kraes Nge A Jon E Uusue 17:11 - Tataroha Diana

¹¹ Ineu no ko lae oto taꞌau i seemu. Nou saꞌa iiꞌo ike loꞌu mei welumalau, taꞌe ikire haꞌalaa kire ko oꞌoꞌo ue mai welumalau. Mamaꞌa Maaꞌi, o ke kinetaꞌinire aana nanamanga iꞌoe, nanamanga nge o niie hunieu, hunie uri kire ke neꞌie nga taꞌa-taꞌa iinoni oto mala ikure.

Tataroha Diana I Sulie A Jisas Kraes Nge A Jon E Uusue 17:11 ပူးပေါင်းရင်းမြစ်များ

Matiu 10:16

Oto a Jisas ko heꞌi teꞌuri loꞌu hunie mo hurulaꞌaa, “Omu ke rongo kaꞌu. No ko uusungeꞌiniꞌomu i matolana mwala e oorahaꞌaa, na saeda huni horoꞌiꞌomu mala mo wawaulo ni meꞌesu ko seunie mo sipu. Aena ngeena omu ke saenanau aana mo tala ni horonga ikire, taꞌe iꞌomu, omu ke maneko mola mala hiroikuu.

Matiu 5:48

Taꞌe iꞌomu, omu ke tohungei diana oto taꞌingelu mala Aamamiu i Lengi e tohungei diana taꞌingelu.”

Matiu 6:9

Taꞌe omu ko aarea God omu ke aarengaꞌi uuri. Mamaꞌa i Lengi, mwala ke haꞌamaꞌu aana satamu.

Tataroha Diana I Sulie A Jisas Kraes Nge A Jon E Uusue 13:1

Oto mola i naꞌona Houlaa Ni Liumwaanie, a Jisas e manataꞌinie uri e hule oto aana maholo hunie ke hoꞌalaꞌi mwaanie walumalau ie, na ke ooli i saana Aamana. A Jisas e manata diana oto tarau hunie mo iini ingeie nge kire ko lulu i sulie mai welumalau, na e hahuꞌei manata diana hunire lai hule oto aana ooretalana.

Tataroha Diana I Sulie A Jisas Kraes Nge A Jon E Uusue 13:3

A Jisas e manataꞌinie oto uri Aamana e toliꞌaasie ahutana walu ola mango oto i laona nimana. Na e saie noꞌone uri e uure mai mwaanie a God, na uri ko eelihoꞌi loꞌu takoie a God.

Tataroha Diana I Sulie A Jisas Kraes Nge A Jon E Uusue 14:20

Aana hai dinge ngeena, omu ke si saie uri ineu i lalo aana a Mamaꞌa, na iꞌomu i lalo aaku, na ineu i lalo aamiu.

Tataroha Diana I Sulie A Jisas Kraes Nge A Jon E Uusue 16:28

Nou uure kaꞌu mei mwaanie a Mamaꞌa, nge nou si lae mai laona walumalau. Oto ie no ko hoꞌalaꞌi oto loꞌu mwaanie walumalau, na no ko lae oto i saana a Mamaꞌa.”

Tataroha Diana I Sulie A Jisas Kraes Nge A Jon E Uusue 16:33

Nou unue oto walu ola ienini huniꞌomu, hunie uri omu ke si toꞌo aana hanuelamanga aani iiꞌonga tararuru peꞌieu. Walumalau kei haꞌasapesaluꞌaꞌomu taane, taꞌe mwaanie omu meꞌu-meꞌu. Saemiu ke mango mola, aana nou tola hehesie oto walumalau.”

Tataroha Diana I Sulie A Jisas Kraes Nge A Jon E Uusue 17:23

Iꞌoe o iiꞌo i lalo aaku, na ineu ne ke iiꞌo i lalo aada, uri hunie kire ke tohungei neꞌie oto taꞌa-taꞌa iinoni. Oto walumalau ke si lio saie uri iꞌoe ni taane o uusungeꞌinieu mei, na uri o manata diana hunire oto mala o manata diana hunieu.

Tataroha Diana I Sulie A Jisas Kraes Nge A Jon E Uusue 17:25

“Mamaꞌa, iꞌoe oto o tohungei oodotaꞌi, na maꞌalana uri walumalau e kaꞌa saiꞌo, taꞌe ineu nou saiꞌo mola, na mo iini ineu ie kire saie taane uri iꞌoe ni o uusungeꞌinieu mei.

Tataroha Diana I Sulie A Jisas Kraes Nge A Jon E Uusue 17:6

Oto a Jisas e si heꞌi aarengaꞌi loꞌu uuri, “Mamaꞌa, nou haataꞌinie oto walu ola i suliꞌo hunie mo iini o maire nakue mwaanie walumalau ie. Ikire mo iinoni iꞌoe, na o maire oto nakue. Oto kire tola oto i sulie walamu,

Tataroha Diana I Sulie A Jisas Kraes Nge A Jon E Uusue 7:33

Oto a Jisas ko teꞌuri hunire, “No ko kele iiꞌo oꞌoruꞌe mola peꞌiꞌomu, na no ko lae oto loꞌu i saana iini e uusungeꞌinieu mei.

Palonga 3:21

Ingeie kei iiꞌo kaꞌu taꞌau i Lengi hule aana maholo a God kei haꞌahaalue ahutana walu ola, mala e unue kaꞌu oto waite aana mo propet maaꞌi ingeie.

Uusu-uusu A Pol Hurula'aa Hunie Mo Rom 12:5

Oto e urine noꞌone aana soihaadaꞌinge, aana maꞌalana uri ikie mwala hunge, taꞌe kie neꞌie taꞌa-taꞌa mei sape mola aana a Kraes ni ngeena, na ahutaka kie mani lado mola peꞌie ngaeta mwala aana taꞌa-taꞌa mei sape ngeena.

Uusu-uusu A Pol Hurula'aa Hunie Mo Rom 9:17

Na urine loꞌu, mala uusulana e lae i laona mo Uusu-uusu Maaꞌi, a God e unue hunie inemauri wau i Ijip uuri, Nou haꞌa-uuresiꞌo hunie uri o ke neꞌi inemauri peine, taꞌe nou esuie mola urine uri hunie ne ke haataꞌinie nanamanga ineu maholo ne kei aꞌailaꞌasiꞌo. Urine nge ahutana mwala i laona walumalau kire ke si saie uri nou peine loꞌu liutaa. Eksodas 9:16

1 Korinit 1:10

Maeni eesiku maaꞌi, no ko eitanaiꞌomu aana satana a Jisas Kraes Aalaha ikie, uri omu ke neꞌie mola taꞌa-taꞌa mei sae. Omu ke toliꞌaasie mo tolahai ola ni oopanga, taꞌe omu ke mani neꞌisae diana hunie omu ke asu loko-loko loꞌu.

Kalesia 3:28

Oto nga mei ola hunie ke aaopa i matolamiu mo Jiu na mo Aapoloa Aaopa haꞌike loꞌu, wa i matolana mo koni-konihe na mo aalaha, wa i matolana mo mwane na mo keni. Omu meni neꞌie oto e taꞌa-taꞌa iinoni i lalo aana a Kraes Jisas.

Epesas 4:4

Ikie taꞌa-taꞌa mei sape mola, na kie mani toꞌo aana mola taꞌa-taꞌa Liꞌoa Maaꞌi i lalo aaka, na kie ko meni maaꞌoohi susutoꞌo mola hunie taꞌa-taꞌa haiholotaꞌinge, nge a God e haiholotaꞌinie hunie ahutaka maholo e soikie mai i saana.

Pilipae 2:9

Aena ngeena, nge a God e si tahelaꞌinie oto loꞌu liutaa hunie leu ni haꞌamaꞌunge i Lengi, na e niie satai ola ngeena hunie nge e lai peine loꞌu liutaa aana taꞌena nga sata.

Hibru 1:3

Ingeie oto raa-raa nge ko haataꞌinie manikuluhaꞌana a God, na ingeie oto ko haataꞌinie walu ola i sulie a God, aana kirerue tohungei sada. Kalena God oto ko hele maꞌutaꞌa aana walumalau aana walana nge e nanama. Na maholo e asu mangoa oto tala hunie saeꞌaasilana mo oorahaꞌaa ikie, nge e si lai iiꞌo aana naꞌohai iiꞌo-iiꞌoha i pwalo-pwalona God, Sam 110:1 iini nge ko iiꞌo taꞌau i Lengi na e manikuluꞌe oto liutaa.

Hibru 9:24

Aana a Kraes e hahuꞌei lai sili oto taꞌau i Lengi peꞌie apune maraana mala tohungei uunu-olanga e diana liutaa ngeena, na e iiꞌo oto i saana God huni peꞌikie aana maholo ienini. A Kraes e kaꞌa lae ike i sili i laona leu maaꞌi nge ninimei iinoni mola e asuie, aana leune nunune mola tohungana leu maaꞌi taꞌau i Lengi. Na e kaꞌa sili ike taꞌau i Lengi aana mo maholo hunge huni ooni aana niilana maurihaꞌana mala nga uunu-olanga i saana a God. !Haꞌike! Taꞌe a Kraes e asuie tohungei uunu-olanga ngeena mola hautaꞌai, na e kaꞌa asuie ike mala Naꞌohana Mo Naꞌohai Pris ko euꞌesuie i suli helisi, aana e sai lae sili i laona Hahuꞌana Leu Maaꞌi huni uuraa-uuraaꞌinie apune mo ola mauri nge uunu-olanga e lae aani ngeena.

Jemes 4:4

!Iꞌomu, omu urihana huꞌe nge ko hele roroꞌanga, aana omu kaꞌa hahuꞌei toꞌohuu ike nana God! ?Ohe omu kaꞌa saie ike uri hari-hunilana walumalau e urihana mola leledilana a God? Nge mala uri nga iini ko heꞌimalahune peꞌie walumalau ie, nge ko neꞌie maraana uri ko heli peꞌie a God.

1 Pita 1:5

Omu hiiwalaimoli oto aana God, na ingeie ni ko lio i suli diana aamiu oto aana nanamanga ingeie. Ke lio i suliꞌomu lai hule aana dinge ooreta, maholo nge a God kei haataꞌinie hunie walumalau uri ingeie ni ko haꞌa-uuriꞌomu.

1 Jon 3:12

Kie ke suꞌuri urihana a Kein wau i naꞌo, aana ingeie iini a Pwelu Eero-eero mola, na e horo maesie oto aasine, a Ebol. ?Aena e ue kaꞌu nge a Kein e horoꞌie aasine urine? E horoꞌie aena aana a Ebol e oodotaꞌi, na iiꞌonga diana ingeie e haataꞌinie uri iiꞌolana a Kein e kaꞌa oodo.

1 Jon 5:19

Kie manataꞌinie oto noꞌone uri ikie mo kalena God, maꞌalana ahutana mwala loꞌu i laona walumalau kire iiꞌo mola i mamalutana a Pwelu Eero-eero.

Jiud 1:1

Saediananga mwaanieu a Jiud, koni-konihe a Jisas Kraes, na aasine a Jemes. No ko uusu-uusu ie huniꞌomu mo iini nge a God e soiꞌomu mei i saana. A God Mamaꞌa e tohungei manata diana huniꞌomu na omu iiꞌo oto i lalo aana hai kinetaꞌinge a Jisas Kraes.

Jiud 1:24

Oto kie ke haꞌamanikuluꞌaa iini e nanama na e sai kakalikie mwaanie kie domu i laona oorahaꞌaa. E sai kinetaꞌinikie mwaanie kie dau aaelasie nga mei ola, na kei toolekie aani ilenimwaꞌenga oto paine i laona manikuluhaꞌana.

Haataꞌinge 15:4

?A tei e kaꞌa sai meꞌuteꞌiniꞌo, Aalaha? ?Na a tei e saꞌa haꞌamanikuluꞌaa satamu? Sulie taꞌe iꞌoe oto o maaꞌi, ahutana mwala kei meni paalaheꞌo aana o haataꞌinie oto oodotaꞌinge iꞌoe.”

Haataꞌinge 19:12

Maana ko eeso-eeso oto mala dunge, na mo rorodara hunge i pweune. Uusulana satana e lae oto aana sapena, taꞌe ingeie maraana mola e saie neꞌisaenga aana.

Haataꞌinge 4:8

E hai ola mauri ngeena kire toꞌo aana e oono apa-apai ola, na mo apa-apai ola ngeena kire honu noꞌone aani maai ola hule i hahana apa-apani. Kire kaꞌa mou-mou ike aani kananga susue dangi na rodo uuri. “Maaꞌi, Maaꞌi, Maaꞌi, God Aalaha hahuꞌana nanama, Iini e mauri oto uure mai naꞌo, na siꞌiri, na oto huu.”