Tataroha Diana I Sulie A Jisas Kraes Nge A Jon E Uusue 16:33 - Tataroha Diana

³³ Nou unue oto walu ola ienini huniꞌomu, hunie uri omu ke si toꞌo aana hanuelamanga aani iiꞌonga tararuru peꞌieu. Walumalau kei haꞌasapesaluꞌaꞌomu taane, taꞌe mwaanie omu meꞌu-meꞌu. Saemiu ke mango mola, aana nou tola hehesie oto walumalau.”

Tataroha Diana I Sulie A Jisas Kraes Nge A Jon E Uusue 16:33 ပူးပေါင်းရင်းမြစ်များ

Matiu 9:2

E hule taꞌau, oto kire aangaꞌinie mai ngaeta mwane e rarasi i lengine hulite i saana. Oto a Jisas e leesie hiiwalaimolinge ikire e paine, ko si teꞌuri hunie mwane e rarasi ngeena, “Kaleku, saemu ke dodo. Mo oorahaꞌaa iꞌoe saeꞌaasileni e lae oto.”

Tataroha Diana I Sulie A Jisas Kraes Nge A Luk E Uusue 19:38

Na kire ko teꞌuri, “!God ke haꞌadianaꞌaa inemauri ko lae mai nunuhaꞌana satana Aalaha! !Hanuelamanga i Lengi na manikuluꞌanga hunie a God!” Sam 118:26

Tataroha Diana I Sulie A Jisas Kraes Nge A Luk E Uusue 2:14

“Manikuluꞌanga hunie a God i Lengi, na hanuelamanga mai aano hunie mo iini e ilenimwaꞌe haahire.”

Tataroha Diana I Sulie A Jisas Kraes Nge A Jon E Uusue 12:31

Maholo e hule oto ie hunie a God kei leie walumalau, na ke oohe aasie a Satan, iini ko aalaha haahie walumalau.

Tataroha Diana I Sulie A Jisas Kraes Nge A Jon E Uusue 14:1

Oto a Jisas ko si heꞌi teꞌuri loꞌu hunie mo pwaarongoisuli ingeie, “Omu ke suꞌuri totolahiꞌe. Omu ke hiiwalaimoli aana a God, na omu ke hiiwalaimoli noꞌone aaku.

Tataroha Diana I Sulie A Jisas Kraes Nge A Jon E Uusue 14:27

No ko haꞌa-oorea hanuelamanga oto huniꞌomu, na hanuelamanga ineu no ko niie oto huniꞌomu ie. Nou kaꞌa niie ike mala mwala aana walumalau ko nii-nii, taꞌe no ko nii toꞌohuu. Oto omu ke suꞌuri totolahiꞌe wa omu ke maꞌu-meꞌu.

Tataroha Diana I Sulie A Jisas Kraes Nge A Jon E Uusue 16:11

Na kei haataꞌi diana aada uri a God kei saronai leire taane, aana lei-maesilana aalaha aana walumalau ie e pwani lae oto.

Palonga 14:22

Na kirerue ko ere-ere peꞌie mo pwaarongoisuli haalu a Jisas aana mo henuena huni ere haꞌasusure hunie hiiwalaimolinge ikire ke susu. Na kirerue ko ere uuri hunire. “Omu ke hiiwalaimoli tarau mola aana a Jisas, aena aana mo maholo hunge kolu kei lae oodoie aasanga purihaꞌana kolu ke si hule aana Aalahanga a God.”

Palonga 23:11

Oto aana hai rodona a Aalaha e lae mai uure i sulie a Pol oto ko teꞌuri, “!Mwaanie o meꞌu-meꞌu! O kei lai unu haꞌa-oaieu noꞌone wau i Rom mala o esuie i Jerusalem.”

Palonga 27:22

Taꞌe siꞌiri no ko unue huniꞌomu uri omu ke suꞌuri meꞌu wa omu ke tolahiꞌe. Nga iini aakaelu e saꞌa mae ike taꞌe haka mola kei eiꞌaa.

Palonga 27:25

Oto mo mwane, omu ke suꞌuri meꞌu. Nou hiiwalaimoli a God kei esuie mola walu ola oto mala e unuꞌi hunieu.

Palonga 9:31

Oto aana kele maholona nga iini hunie ke saunie kira hiiwalaimoli aana poꞌo ni henue i Jiudia na i Kalili na i Samaria haꞌike loꞌu. A Liꞌoa Maaꞌi ko tohungei peꞌire na ko da soihaadaꞌinge ko aꞌailaꞌa na ko haꞌahungeꞌaa mwala i laona soihaadaꞌinge. Oto kire ko si tohungei lahea Aalaha mola taraureꞌi.

2 Korinit 1:3

Kie ke mani paalahea God, Aamana Jisas Kraes Aalaha ikie, aana a Mamaꞌa oto aahuꞌine aamasinge na iini ni haꞌadodoa saeka mo iinoni.

2 Korinit 13:11

Oto leu ooreta, maeni eesiku maaꞌi, ne ke unue mola hao huniꞌomu uri omu ke iiꞌo ni ilenimwaꞌenga mola. Omu ke dau aahonga hunie nga mei tolahai iinoni diana ke suꞌuri eiꞌaa mwaaniꞌomu, na omu ke tola i sulie walaku. Omu ke neꞌie taꞌa-taꞌa mei sae, na omu ke iiꞌo ni henuelama. Oto a God, iini nge ingeie aahuꞌine manata-diananga na hanuelamanga, ke si iiꞌo peꞌiꞌomu.

2 Korinit 2:14

Oto no ko paalahea God oto liutaa, aana a Kraes e aꞌailaꞌasie oohotaa, na oto ie melu lado oto peꞌie a Kraes na melu ko lae-lae oto i sulie mala mo koni-konihe ingeie. A God e asu i lalo aameelu hunie tataroha i sulie a Kraes ke lai hule oto aana ahutana mo henue, mala wasuhaꞌana dango wau-wesu nge e tohungei wesu mangoni oto hiitoꞌo e sai hule aana taꞌena nga leu i laona nume.

2 Korinit 4:7

Iꞌemeelu, melu kaꞌa roroꞌa ike, taꞌe Tataroha Diana melu ko tarohaꞌinie e paine oto liutaa. Mo sapei ola melu toꞌo aani ie kire kaꞌa neꞌie ike nga mei ola, na melu urihana mola mo kao-kao kire asuiꞌi aani mwakano. Taꞌe melu toꞌo aana taane dianahaꞌana a God mola i laona mo kao-kao aaela ngeena, aana melu ko tarohaꞌinie Tataroha Diana a Kraes. Na leune e haataꞌinie uri nanamanga e manikuluꞌe ngeena e kaꞌa ola ike iꞌemeelu, taꞌe mei ola a God.

2 Korinit 6:4

Taꞌe aana ahutana walu ola melu ko euꞌesuiꞌi, melu ko haa-haataꞌinie taane oto uri iꞌemeelu mo koni-konihe a God. Melu ko uure maꞌutaꞌa taane mola loosie taꞌena nga siꞌohaꞌanga na aasanga na sapesalunge ko lae mai takoiꞌemeelu.

2 Korinit 7:4

Suli maholo nou sai unu tahangaꞌinie mola saeku huniꞌomu, na no ko ere toohaꞌiniꞌomu mola tarau. Maꞌalana melu sapesalu aana mo ola oto hiitoꞌo, taꞌe mo maholo no ko loꞌongaꞌiniꞌomu, nge no ko si ilenimwaꞌe na saeku e susu oto.

Kalesia 1:4

Mala a God Aamaka e saetoꞌo aana, a Kraes e toliꞌaasie maraana uri hunie ke mae huni taꞌaasie mo oorahaꞌaa ikie, na hunie ke haꞌa-uurikie hunie kie ke iiꞌo luhetaꞌi mwaanie tolaha tataꞌala ni welumalau.

Kalesia 6:14

Taꞌe ineu maraaku, nou kaꞌa sai toohaꞌinieu ike haahie mo ola urine. Taꞌa-taꞌa leu nou sai toohaꞌinieu haahie oto poꞌu-poꞌu a Jisas Kraes, Aalaha ikie. Aena aana nga taa nge a Jisas e asuie aana maelana i lengine poꞌu-poꞌu, nge walumalau ienini e pwani mae oto aana neꞌisaenga ineu, na e urihana ineu noꞌone nou pweni mae oto aana neꞌisaenga mo iinoni ni welumalau.

Pilipae 4:7

Oto hanuelamanga a God nge nga iini e saꞌa neꞌisae talihana, ke si kakalie saemiu na mo loꞌongaꞌinge iꞌomu i lalo aana Kraes Jisas.

Kolosi 1:20

Na a God e neꞌisae hunie Kalena ke asuie uure-rurunge hunie ahutana walu ola aana haꞌaholanga e sai lae loꞌu mei i saana. Oto maelana a Kraes i lengine poꞌu-poꞌu e si tola aalihoꞌi mei aana ahutana oto walu ola takoie a God maraana, walu ola mai aano na walu ola taꞌau i Lengi.

1 Tesalonaeka 3:4

aana melu unu aakau kaꞌu oto aana huniꞌomu maholo melu oꞌoꞌo peꞌiꞌomu. Melu unue uri teungeꞌinilaka kei lae, na e toꞌohuu taane mala omu meni saie oto.

1 Tesalonaeka 3:7

Iau, maeni iinoni maaꞌi, maꞌalana melu ko siꞌohaꞌa peꞌi sapesalunge oto ie, taꞌe tataroha uri omu hiiwalaimoli oto taraꞌasi aana a Kraes urine e tohungei haꞌasusuꞌemeelu na melu ko hii diana loꞌu.

2 Tesalonaeka 3:16

No ko eitanaie a Aalaha aana ingeie maraana oto aahuꞌine hanuelamanga uri ke iiꞌo peꞌiꞌomu na ke niie hanuelamanga ingeie huniꞌomu tarau maꞌalana nga taa ke rau loꞌu.

2 Timoti 3:12

Na e toꞌohuu oto uri taꞌe-taꞌena nga iini ko lado peꞌie a Jisas Kraes na ko sare iiꞌo maaꞌi nana, nge mwala kei haꞌaloie oto urine.

Hibru 11:25

Taꞌe e neꞌisae huni sapesalu mola peꞌie mwala a God, aana e saie uri mei sapesalunge ngeena e diana liutaa aana taungei ilenimwaꞌenga nge mo iinoni oorahaꞌaa kire toꞌo aani mola hunie kele maholo oꞌoruꞌe.

1 Pita 5:9

Omu ke haꞌa-aꞌailaꞌaa hiiwalaimolinge iꞌomu na omu ke uure maꞌutaꞌa honosie mo malaahonga aana aaelanga na ahutana mo esunge aaela a Satan. Aana omu saie uri taꞌa-taꞌa taungei aasanga nge ko hite aamiu ngeena ko lae noꞌone hunie ahutana mo iinoni nge kire hiiwalaimoli aana taꞌe-taꞌena nga leu kire iiꞌo aana i laona walumalau.

1 Jon 2:13

No ko uusu-uusu huniꞌomu maeni rato ineu, aena aana omu saie oto iini e uure oto mai aehotalana. No ko uusu-uusu huniꞌomu maeni saanau ineu, aena aana omu aꞌailaꞌasie iini tataꞌala.

1 Jon 4:4

Maeni mwela ineu, iꞌomu mo iini a God eena, na omu aꞌailaꞌasie oto mo propet eero-eero, aena aana Liꞌoa Maaꞌi nge e iiꞌo i lalo aamiu, e saka liutaa aana liꞌoa i lalo aada mo iini ni welumalau.

1 Jon 5:4

aena aana taꞌena nga iini e neꞌi kalena God oto, ko aꞌailaꞌasie mola walumalau aani norutoꞌonga aana Kraes.

Haataꞌinge 12:11

Oto maholo ie e saꞌa haꞌasusungeꞌinie loꞌu mo eesike aana kire aꞌailaꞌasie oto aana apune a Kalei Sipu, aana walaimolinge kire tarohaꞌinie, aana kire toliꞌaasie maurihaꞌada i tehulaꞌana.

Haataꞌinge 3:21

“Hunie mo iini nge kire kei aꞌailaꞌa taraꞌasi honosie aaelanga, nge ne kei niie nada iiꞌo-iiꞌoha huni iiꞌo peꞌieu i lengine naunekume ineu, mala kaꞌu nou aꞌailaꞌa taraꞌasi na nou iiꞌo oto peꞌinie a Mamaꞌa i lengine naunekume ingeie.

Haataꞌinge 7:14

Oto nou aalamie uuri, “Nou kaꞌa saie ike, poro paine ineu, taꞌe iꞌoe haꞌalaa o saie.” Oto rato ni mwane ngeena e si teꞌuri hunieu, “Mwala ngeena, ikire nge kire uure maꞌutaꞌa aana maholo taungeꞌinilada e lae na kire iiꞌo i laona siꞌohaꞌanga paine. Kire hoda rereꞌa oto aana mo toꞌoni ikire aana apune a Kalei Sipu.