Tataroha Diana I Sulie A Jisas Kraes Nge A Jon E Uusue 15:5 - Tataroha Diana

⁵ “Ineu oto ai grep toꞌohuu na iꞌomu oto mo sasarana. Iini ko iiꞌo susu oto aaku na ineu noꞌone aana, nge ke si hungu oto loꞌu liutaa. Aena aana aahoꞌa aaku, omu saꞌa roroꞌa ni da ike nga mei ola diana.

Tataroha Diana I Sulie A Jisas Kraes Nge A Jon E Uusue 15:5 ပူးပေါင်းရင်းမြစ်များ

Matiu 13:21

Taꞌe e kaꞌa susuꞌimi diana ike mone i manatada, oto e saꞌa iiꞌo tewa ike. Maholo siꞌohaꞌanga kei toolera wa taungeꞌinilada kei lae i tehulaꞌana mei wala ngeena, oto kire ko tolana mamalo oto mwaanie.

Tataroha Diana I Sulie A Jisas Kraes Nge A Jon E Uusue 12:24

No ko unue oto toꞌohuu huniꞌomu uri mala uri o ko hele-helesie mola ho litei ola na o kaꞌa hasie, nge kei oꞌoꞌo maraana oto mola urine aana e saꞌa hungu ike loꞌu. Taꞌe mala uri o ko hesie i laona mwakano, nge ke si hungu aani hue-huei ola oto loꞌu hiitoꞌo.

Tataroha Diana I Sulie A Jisas Kraes Nge A Jon E Uusue 15:16

Iꞌomu, omu kaꞌa lio hilisieu ike, taꞌe ineu ni nou lio hilisiꞌomu. Na nou niie mei esunge ie namiu, hunie omu ke hungu eeni hue-huei ola diana nge e sai iiꞌo huu. Oto aena leune, taꞌena nga mei ola omu ko sukaa mwaanie a Mamaꞌa aena aana omu norutoꞌo aaku, a Mamaꞌa ke si niie huniꞌomu.

Tataroha Diana I Sulie A Jisas Kraes Nge A Jon E Uusue 5:19

Oto a Jisas e aalamire ko teꞌuri, “No ko unue oto huniꞌomu uri a Kale e saꞌa roroꞌa ni da ike nga mei ola tohune taꞌe mwaanie nga mei ola oto ko leesie Aamana ko euꞌesuie haꞌalaa ingeie ko esuie. Aana taꞌena nga ola a Mamaꞌa ko esuie, nge a Kale ko esuie noꞌone mola.

Tataroha Diana I Sulie A Jisas Kraes Nge A Jon E Uusue 9:33

Mala uri mwane nge e tahanie maaku ie ke suꞌuri uure mai mwaanie a God, haꞌalaa e saꞌa roroꞌa ni esuie ike nga mei ola urine.”

Palonga 4:12

Aana a Jisas mola e sai haꞌa-uurikie mwaanie mo oorahaꞌaa ikie, aena aana a God e kaꞌa niie ike loꞌu satana nga iini aaopa huni haꞌa-uurikie.”

Uusu-uusu A Pol Hurula'aa Hunie Mo Rom 12:5

Oto e urine noꞌone aana soihaadaꞌinge, aana maꞌalana uri ikie mwala hunge, taꞌe kie neꞌie taꞌa-taꞌa mei sape mola aana a Kraes ni ngeena, na ahutaka kie mani lado mola peꞌie ngaeta mwala aana taꞌa-taꞌa mei sape ngeena.

Uusu-uusu A Pol Hurula'aa Hunie Mo Rom 6:22

Taꞌe ienini, a God e haꞌa-uuriꞌomu oto mwaanie nanamanga aana oorahaꞌaa, na e da oto omu ke neꞌi iinoni euꞌesu nana. Na hue-huana leune oto maurihaꞌamiu ko neꞌi ola maaꞌi oto, na omu ko helesie oto maurihe huu.

Uusu-uusu A Pol Hurula'aa Hunie Mo Rom 7:4

Oto maeni eesiku maaꞌi, iꞌomu na e urine noꞌone. Aana mauringe lalahuꞌe iꞌomu e mae tararuru oto noꞌone peꞌie a Kraes, nge omu iiꞌo luhetaꞌi oto mwaanie mo Haꞌatolanga a Mosis eena, na kire kaꞌa toꞌo aana loꞌu nanamanga haahiꞌomu. Oto a Kraes nge e taꞌelaꞌi loꞌu mwaanie maenga, ingeie ni e toꞌo aamiu ienini uri hunie omu ke aahu aana mo hue-huei ola diana a God.

1 Korinit 10:16

Kao-kao nge kie ko inu-inu waen aana i laona ngau-maaꞌinge na kie ko paa-paalahea God haahie, maholo kie ko inu aana kao-kao ngeena, kie ko meni ado oto aana apune a Kraes. Na mei ngeulaa nge kie ko nisie, aana maholo kie ko ngeue, kie ko meni ado oto aana sapena Kraes ni ngeena.

1 Korinit 12:12

Na loꞌu, toꞌomaaie kaꞌu sapena iinoni. E neꞌie taꞌa-taꞌa mei sape mola, taꞌe mo aapai ola hunge aana. Oto e urine noꞌone aana a Kraes. Aana e toꞌo aana taꞌa-taꞌa mei sape mola, taꞌe mo aapai ola hunge aana. Na maꞌalana e toꞌo aana mo aapai ola hunge aana urine, taꞌe e taꞌa-taꞌa mei sape mola ni ngeena.

1 Korinit 12:27

Oto e urine noꞌone aana ahutemiu loko-loko oto sapena Kraes, na taꞌena nga iini hikemiu e neꞌi sasarai ola oto aana.

2 Korinit 13:8

Aana melu saꞌa da ike nga mei ola huni waelie mo ola toꞌohuu, taꞌe melu ko esu oto mola tarau hunie walaimolinge ke mauri taraꞌasi.

2 Korinit 9:10

A God oto iini e sai da mo litei ola kie ko hesiꞌi ke aahu diana hunie maholo ni soꞌokoninge kie ke toꞌo ngaulaa huni ngeuꞌi, na kie ke toꞌo aana mo litei ola loꞌu huni hesiꞌi. Oto urine, maholo omu ko nii peꞌi saediananga, nge a God ke si haꞌahungeꞌaa nga taa omu toꞌo aana, hunie uri omu sai nii oto loꞌu liutaa hunie kira maitale.

Kalesia 5:22

Taꞌe hue-huei ola aana Liꞌoa Maaꞌi nge manata-diananga, na ilenimwaꞌenga, na hanuelamanga, na saemamae, na aamasinge, na diananga. A Liꞌoa Maaꞌi ko da kie ke neꞌi iinoni nou-norue,

Epesas 5:9

aena aana tolahana raa-raa nge e sai da taꞌena nga ola ke lae diana, na ke oodo, na ke toꞌohuu.

Pilipae 1:11

Oto omu ke si honu aana hue-huana oodotaꞌinge nge a Jisas Kraes maraana haꞌalaa ko niie, aani esuilana mo ola diana hunie mwala ke haꞌamanikuluꞌaa God peꞌi paalahelana haahiꞌi.

Pilipae 4:13

Ko lae urine aena aana nanamanga nge a Kraes e niie hunieu, nge ko haꞌa-aꞌailaꞌaau huni lio oodoie taꞌena nga ola kei reu eeku.

Pilipae 4:17

Nou kaꞌa unue ike leune mola uri hunie omu ke nii huni peꞌieu tarau, taꞌe saeku mola uri waaite nge a God kei niie huniꞌomu ke paine.

Kolosi 1:10

Melu ko eiꞌeitanai urine hunie omu ke iiꞌo oto aana tolahai ola e malisine mo iinoni maaꞌi a Aalaha, na hunie asunge iꞌomu ke toꞌohie saena a God. Urine nge omu ke si haꞌahungeꞌaa loꞌu taꞌena nga asunge diana, na omu ke sai diana aana a God.

Kolosi 1:6

Tataroha Diana e hule aamiu ngeena ko tatangasie oto walumalau, na taꞌena nga leu ko hule aana, nge ko haꞌa-uurie mo iinoni mwaanie maenga huu na ko haꞌa-aꞌailaꞌaa maurihaꞌada, mala e asuie noꞌone aamiu uure oto i naꞌo aana hai dinge omu holaꞌi manataꞌinie uri a God ko tohungei manata diana liutaa hunie mo iinoni.

Jemes 1:17

Ahutana mo ola diana na mo ola oodotaꞌi kire uure mai mwaanie i Lengi, mwaanie iini nge e haꞌaholaa sato, na waro-waro, na mo heeꞌu. Na raa-raangana e kaꞌa urihana ike mo ola ngeena aana kire ko hei-hei-oolisi mola, taꞌe tolahai ola diana ingeie e saꞌa kele hai-oolisi ike oto ooꞌoo.

1 Pita 2:4

Oto omu ke lae mai saana a Aalaha ikie aana ingeie oto aahuꞌine ahutana maurihe. Ingeie e urihana hau diana hunie poo-pootana nume. Mwala tou-tohu nume kire sereꞌinie hau ngeena, taꞌe a God oto e lio hilisie hunie ke neꞌie poo-pootana nume ingeie, na e tohungei lio diana oto i maana. Oto iꞌomu nge omu ko lae mai i saana Aalaha ikie hunie omu ke toꞌo aana oto tohungei meurihe mala ingeie, nge omu ke toliꞌaasiꞌomu oto taꞌingelu hunie a God.

2 Pita 3:18

Taꞌe omu ke pai-peine taraꞌasi mola i lalo aana manata-diananga na sai-olanga hunie Aalaha ikie na a Haꞌa-uuritaka, a Jisas Kraes. Nge manikuluꞌanga ingeie e saꞌa mango oto ooꞌoo. Ke urine oto.