Tataroha Diana I Sulie A Jisas Kraes Nge A Jon E Uusue 15:16 - Tataroha Diana

¹⁶ Iꞌomu, omu kaꞌa lio hilisieu ike, taꞌe ineu ni nou lio hilisiꞌomu. Na nou niie mei esunge ie namiu, hunie omu ke hungu eeni hue-huei ola diana nge e sai iiꞌo huu. Oto aena leune, taꞌena nga mei ola omu ko sukaa mwaanie a Mamaꞌa aena aana omu norutoꞌo aaku, a Mamaꞌa ke si niie huniꞌomu.

Tataroha Diana I Sulie A Jisas Kraes Nge A Jon E Uusue 15:16 ပူးပေါင်းရင်းမြစ်များ

Matiu 21:22

Aana mala omu ko hiiwalaimoli toꞌohuu aana a God, taꞌe-taꞌena nga mei ola mala omu ko sukaa aani aarengaꞌinge, a God e sai niie mola huniꞌomu.”

Matiu 7:7

Oto a Jisas e heꞌi teꞌuri loꞌu, “Omu ke susuke aana a God, na ingeie kei niie huniꞌomu. Omu ke hai-heitalea i saana God, na omu kei lio oodoie. Na omu ke iiki-iiki i kolune maa ingeie, na kei tahanie maa talamiu.

Tataroha Diana I Sulie A Jisas Kraes Nge A Luk E Uusue 6:13

Oto e dangi hoꞌowa e soie mo iini ko lulu i sulie mai i saana, ko si lio hilisie aawalai mwane mwana rue mwaanire, na ko haaraꞌinire aana mo hurulaꞌaa.

Tataroha Diana I Sulie A Jisas Kraes Nge A Jon E Uusue 13:18

Oto a Jisas e heꞌi unue loꞌu uuri, “Taꞌe nou kaꞌa ere ike i sulie ahutemiu eena, aana nou saie mola mo iini nou lio hilisire. Taꞌe Uusu-uusu Maaꞌi nge e unue uuri, Iini ko ngeu tararuru peꞌieu nge kei pweloau oto, Sam 41:9 ko karaꞌi oa oto ienini.

Tataroha Diana I Sulie A Jisas Kraes Nge A Jon E Uusue 15:19

Mala uri omu ke neꞌie mo iinoni aana walumalau, haꞌalaa walumalau e sai manata diana oto huniꞌomu, mala e manata diana hunie ahutana mo iini ingeie nge kire kaꞌa lae ike i sulie a God. Taꞌe aena aana omu kaꞌa uure ike aana walumalau, taꞌe nou lio hilisiꞌomu mwaanie walumalau, oto aena mei olana nge walumalau ko si ngiduupu huniꞌomu.

Tataroha Diana I Sulie A Jisas Kraes Nge A Jon E Uusue 15:5

“Ineu oto ai grep toꞌohuu na iꞌomu oto mo sasarana. Iini ko iiꞌo susu oto aaku na ineu noꞌone aana, nge ke si hungu oto loꞌu liutaa. Aena aana aahoꞌa aaku, omu saꞌa roroꞌa ni da ike nga mei ola diana.

Tataroha Diana I Sulie A Jisas Kraes Nge A Jon E Uusue 6:70

Oto a Jisas ko si teꞌuri hunire, “Iꞌomu oto aawalai mwane mwana rue nge nou lio hilisiꞌomu hunie omu ke lulu i sulieu, taꞌe ngaeta iini eemiu nga liꞌoa aaela nge mola aana.”

Palonga 1:24

Oto purihaꞌana, kire ko si aarengaꞌi uuri, “Aalaha, iꞌoe o saie mola neꞌisaenga mo iinoni. O ke haataꞌinie mai aameelu iini uri taa aana e ro mwane ienini ni o lio hilisie

Palonga 1:8

Taꞌe maholo Liꞌoa Maaꞌi kei siho oto mai haahiꞌomu, omu ke si honu aana nanamanga huni unu tahangaꞌinieu taꞌau i Jerusalem, na ahutana mo leu i Jiudia, na oto aana poꞌo ni henue i Samaria, na ahusie oto ahutana walumalau.”

Palonga 10:41

E kaꞌa haataꞌi ike aana ahutana mwala, taꞌe mola hunie iꞌemeelu mo iini nge a God e holaꞌi lio hilisiꞌemeelu oto hunie melu ke leesie. Na maholo e mauri eelihoꞌi oto, melu ngeu-ngeu na melu inu-inu noꞌone peꞌie.

Palonga 22:14

Oto ko teꞌuri loꞌu, ‘God mo weuwaka e lio hilisiꞌo hunie o ke saie nga taa e oalaꞌinie hunie o kei esuie, na hunie o ke leesie Koni-konihe Oodotaꞌi ingeie, na hunie o ke rongoa oto walana maraana.

Palonga 9:15

Taꞌe a Aalaha e teꞌuri mola hunie, “!O ke lae mola! A mwane ngeena nou lio hilisie oto hunie ke asu nekue. Kei tarohaꞌinie sataku hunie mo Aapoloa Aaopa na mo inemauri ikire, na mo Israel noꞌone.

Uusu-uusu A Pol Hurula'aa Hunie Mo Rom 1:13

Maeni eesiku maaꞌi, omu ke saie mola uri mo maholo hunge oto no ko loꞌongaꞌi huni maatoliꞌomu, taꞌe mo ola oto hunge ko talei liu-liu honosieu mola tarau. Nou lae hule aana mo henue oto hunge huni peꞌie mwala hunie kire ke hiiwalaimoli aana Jisas, na saeku hunie uri ne ke teꞌurine noꞌone wau aana hanue iꞌomu.

Uusu-uusu A Pol Hurula'aa Hunie Mo Rom 1:5

A Jisas e tohungei haataꞌinie hahuꞌana manata-diananga ingeie hunieu aana e lio hilisieu hunie ne ke neꞌi hurulaꞌaa ingeie, uri hunie ne ke naꞌona mwala aana taꞌena nga komu hunie kire ke haꞌapainaꞌaa satana, na hunie kire ke hiiwalaimoli aana, na hunie kire ke tola i sulie walana.

Uusu-uusu A Pol Hurula'aa Hunie Mo Rom 15:4

Ahutana walu ola nge uusuleni e lae i laona mo Uusu-uusu Maaꞌi oto wau i naꞌo, kire uusuꞌi huni haꞌananaukie ni ngeena, uri hunie hiiwalaimolinge ikie ke aꞌailaꞌa na hunie kie ke uure maꞌutaꞌa taraꞌasi aani maaꞌoohinge susutoꞌo loosie mo ola nge a God e haiholotaꞌiniꞌi hunikie.

Uusu-uusu A Pol Hurula'aa Hunie Mo Rom 9:21

Iinoni nge ko eedu-eedu e sai esuie mola taꞌena nga mei ola i sulie saena, hule aana e sai eedumie mola e ro nime hai aaopaꞌi aana taꞌa-taꞌa rotoi ei. E sai esuie mola ngaeta nime hunie ke lio kohi malisine mo ngeuhe paine, na ngaeta iini loꞌu hunie ngaunge mola i suli dinge.

1 Korinit 10:11

Walu ola ienini e rau aada huni haꞌapasulikie mo iini kie ko meu-meuri ue siꞌiri aana mo dinge ooreta. Na uusuleni e lae oto huni haꞌananaukie.

Kalesia 1:15

!Taꞌe lae-lae, a God e oolisie manataku! Aana manata-diananga a God e paine hunieu, na aana ko ilenimwaꞌe ni esuie urine, nge uure oto aana maholo na nou kaꞌa hute ue, taꞌe a God e oopaau oto huni esu nana.

Epesas 2:10

Aana ikie mo iinoni aana soihaadaꞌinge, ikie oto mo naꞌohai haꞌaholanga a God. E uusungeꞌinie mai a Jisas Kraes huni haꞌahaalukie, hunie kie ke asuie walu ola diana nge e oalaꞌiniꞌi oto waite, hunie kie ke asuiꞌi.

Kolosi 1:23

Taꞌe kei toꞌohuu urine aamiu mola mala uri omu ko tohungei uure aꞌailaꞌa taraꞌasi aani hiiwalaimolinge peꞌi norutoꞌonga, na omu ke maaꞌoohi susutoꞌo mola hunie haiholotaꞌinge a God huniꞌomu nge omu rongoa oto aana Tataroha Diana. Na nou hiiwalaimoli kei toꞌohuu oto urine aamiu. Na tarohaꞌinilana taꞌa-taꞌa Tataroha Diana ngeena ko lae aana taꞌena nga leu i laona walumalau, na ineu a Pol, nou neꞌie koni-konihe aana Tataroha Diana ngeena huni lae peꞌie laeliwalanga aana.

Kolosi 1:6

Tataroha Diana e hule aamiu ngeena ko tatangasie oto walumalau, na taꞌena nga leu ko hule aana, nge ko haꞌa-uurie mo iinoni mwaanie maenga huu na ko haꞌa-aꞌailaꞌaa maurihaꞌada, mala e asuie noꞌone aamiu uure oto i naꞌo aana hai dinge omu holaꞌi manataꞌinie uri a God ko tohungei manata diana liutaa hunie mo iinoni.

1 Timoti 2:7

Aena urine nge lio hilisileku e lae huni houleꞌinie Tataroha Diana na huni neꞌi hurulaꞌaa. No ko ere toꞌohuu na nou kaꞌa eeroꞌo ike uri lio hilisileku e lae huni haꞌa-uusulie mo Aapoloa Aaopa nge ikire nga mo Jiu haꞌike hunie uri kire ke saie walaimolinge na kire ke hiiwalaimoli aana.

2 Timoti 1:11

A God e lio hilisieu uri hunie ne ke tarohaꞌinie Tataroha Diana ngeena, na ne ke neꞌi hurulaꞌaa, na hunie ne ke haꞌa-uusulie mwala.

2 Timoti 2:2

O rorongoa oto mo haꞌa-uusulinge ineu hunie mwala. Oto saeku uri taꞌa-taꞌa taungei olana loꞌu mola nge iꞌoe noꞌone o ke haꞌa-uusulie mwala aani. Na oto liutaa, o ke haꞌa-uusuli aana mo ola ngeena hunie mo mwane ni nou-norue nge o saie uri ikire noꞌone kire sai haꞌa-uusulie ngaeta mwala loꞌu eeni.

Taetas 1:5

Iau, kaleku, nou haꞌa-ooreꞌo kaꞌu mola wau i Krit hunie o ke haꞌamangoa mo esunge nge kure kaꞌa haꞌamangoꞌi ue, na hunie o ke lio hilisie nga mo mwane hunie kire ke neꞌi naꞌohai mwane huni lio i sulie mo soihaadaꞌinge i laona mo huilume wau i leune. O ke asuie walu ola ngeena mala nou unuꞌi oto huniꞌo.

Hibru 11:4

Aani hiiwalaimolinge mone, nge a Ebol e toolea mai nga uunu-olanga diana loꞌu liutaa aana uuraaꞌinge aasine, a Kein. Na aana a Ebol e hiiwalaimoli, nge a God e unue uri ingeie nga iinoni oodotaꞌi, na a God e si ilenimwaꞌe haahie uunu-olanga ingeie. Oto maꞌalana uri a Ebol e mae taane oto waite, taꞌe siꞌiri laladonga i sulie ko haꞌananaukie ue i sulie hiiwalaimolinge ingeie.

Jemes 3:18

Na saenanaunge urine ko esuie hanuelamanga aani hesilana mo litei ola diana nge kire sai hungu aana oodotaꞌinge.

1 Pita 3:15

Taꞌe omu ke neꞌisae haꞌamaꞌu mola aana Kraes mala Aalaha iꞌomu. Na omu ke iiꞌo aakau mola taraureꞌi huni aalamie mwala nge kire ko dodolosi eemiu i sulie hiiwalaimolinge iꞌomu aana a Kraes, na mei diananga uri taa omu ko maaꞌoohi susutoꞌo huni toolea mwaanie.

1 Pita 3:2

aana kei leesie tolahai iinoni diana iꞌoe na uri o ko tohungei haꞌamaꞌu aana a God.

1 Jon 4:10

Tohungana manata-diananga ni otona. Manata-diananga ikie hunie a God e kaꞌa tohungei diana ike urine, taꞌe ingeie ni e tohungei manata diana hunikie toꞌohuu aana e uusungeꞌinie mai a Kalena uri hunie ke neꞌi uunu-olanga huni tapa oolisie mo oorahaꞌaanga ikie.

1 Jon 4:19

Oto ikie, kie ko mana-manata diana aena aana a God oto e holaꞌi manata diana hunikie.