Tataroha Diana I Sulie A Jisas Kraes Nge A Jon E Uusue 15:15 - Tataroha Diana

¹⁵ Nou kaꞌa saiꞌomu ike loꞌu aana mo koni-konihe, aena aana koni-konihe e kaꞌa saie ike nga taa aalaha ingeie ko loꞌo-loꞌongaꞌinie. Taꞌe no ko saiꞌomu uri maeni malahuku, na ahutana walu ola nou rongoꞌi mwaanie Aamaku, nou haꞌarongoꞌomu oto aani.

Tataroha Diana I Sulie A Jisas Kraes Nge A Jon E Uusue 15:15 ပူးပေါင်းရင်းမြစ်များ

Matiu 13:11

A Jisas e aalamire ko teꞌuri, “No ko teꞌurine aena aana a God e lio hilisiꞌomu hunie omu ke saenanau aana walaimolinge mumuni aana Aalahanga ingeie, taꞌe ke iiꞌo mumuni ue mwaanire.

Tataroha Diana I Sulie A Jisas Kraes Nge A Luk E Uusue 10:23

Oto a Jisas e aaliꞌu takoie mo pwaarongoisuli, ko si unue hunire maraada uuri, “Deidehiꞌomu aana omu ko leesie walu ola ienini.

Tataroha Diana I Sulie A Jisas Kraes Nge A Jon E Uusue 12:26

Taꞌena nga iini ko sare asu nekue, nge ke lulu i sulieu oto, uri hunie iini euꞌesu ineu ke iiꞌo oto peꞌieu aana leu no ko iiꞌo aana. Na nga iini ko esu nekue, nge a Aamaku ke si haꞌapainaꞌaa i maana mwala.

Tataroha Diana I Sulie A Jisas Kraes Nge A Jon E Uusue 13:16

No ko unue toꞌohuu oto huniꞌomu uri nga koni-konihe e kaꞌa paine ike loꞌu liutaa aana Aalaha ingeie, wa hurulaꞌaa ke liutaa aana iini e uusungeꞌinie.

Tataroha Diana I Sulie A Jisas Kraes Nge A Jon E Uusue 15:20

Omu ke aamasitoꞌo aana mei wala nou unue kaꞌu huniꞌomu uri nga koni-konihe e kaꞌa paine ike loꞌu liutaa aana aalaha ingeie. Oto mala uri mwala aana walumalau ngeena ko teungeꞌinieu, nge kire kei teungeꞌiniꞌomu noꞌone. Mala uri kire ke tola i sulie mo haꞌatolanga ineu, haꞌalaa kire kei tola i sulie noꞌone mo haꞌatolanga iꞌomu.

Tataroha Diana I Sulie A Jisas Kraes Nge A Jon E Uusue 16:12

“Mo ola hunge taane ue aaku ni unuꞌi huniꞌomu, taꞌe omu saꞌa loꞌongaꞌi susuliꞌi ike oto molana.

Tataroha Diana I Sulie A Jisas Kraes Nge A Jon E Uusue 17:26

Nou haataꞌiniꞌo taane oto aada, na ne kei heꞌi haꞌasaire loꞌu aana walu ola i suliꞌo, hunie uri mei manata-diananga nge o manata diana hunieu aana, ke iiꞌo i lalo aada na hunie uri ineu noꞌone ne ke iiꞌo i lalo aada.”

Tataroha Diana I Sulie A Jisas Kraes Nge A Jon E Uusue 20:17

Oto a Jisas ko si teꞌuri hunie a Meri, “Mwaanie o hele-hele aaku urine aana nou kaꞌa tahelaꞌi ue i saana Aamaku. Taꞌe saeku o ke lae i haꞌarongoa mo pwaarongoisuli ineu uri no ko tahelaꞌi i saana Aamaku na Aamamiu, na God ineu na God iꞌomu.”

Tataroha Diana I Sulie A Jisas Kraes Nge A Jon E Uusue 4:19

Oto a keine ko si teꞌuri hunie a Jisas, “Poro paine, no ko si lio saie uri iꞌoe nga propet ni ngeena.

Tataroha Diana I Sulie A Jisas Kraes Nge A Jon E Uusue 8:26

Mo ola hunge taane ue aaku huni unuꞌi huniꞌomu na huni leiꞌomu eeni, taꞌe nou kaꞌa unuꞌi ike mola tohuku, aana no ko unue mola hunie walumalau walana iini e uusungeꞌinieu mei, na ingeie oto iini walaimolinge nge aana.”

Palonga 20:27

Aana maholo nou iiꞌo peꞌiꞌomu nou kaꞌa maꞌu ike huni unu tahangaꞌinie walu ola a God a saetoꞌo aana omu ke saiꞌi.

Uusu-uusu A Pol Hurula'aa Hunie Mo Rom 7:15

Oto no ko teipuꞌo-puꞌo mola i sulie nga taa ko reu i lalo aana mauringe ineu ngeena. Aana nou kaꞌa sai esuie ike nga taa no ko sare asuie, taꞌe oto tarau no ko esuie mola nga taa nou kaꞌa sare asuie.

1 Korinit 2:16

Na e toꞌohuu oto aana Uusu-uusu Maaꞌi e unue uuri, ?A tei ni e manataꞌinie mo neꞌisaenga i manatana Aalaha hunie ke haꞌa-uusulie loꞌu? Aesaea 40:13 Taꞌe ikie, kie saie a God aana kie toꞌo aana mo neꞌisaenga a Kraes.

Kalesia 4:6

Oto huni haataꞌinie uri kie neꞌie oto mo kalena a God toꞌohuu, a God e uusungeꞌinie mai Liꞌoa Maaꞌi aana a Kalena hunie ke iiꞌo i laona maurihaꞌaka. Na Liꞌoa ngeena ko si haataꞌinie uri kie sai soie a God Aamaka aana “Mamaꞌa.”

Epesas 1:9

nge e haataꞌinie oalaꞌinge ingeie oto hunikie. Wau i naꞌo, oalaꞌinge ngeena e oꞌoꞌo mumuni mola, aana a God e loꞌongaꞌi aakau oto aana mai naꞌo hunie uri a Kraes ke si haꞌa-oaie.

Epesas 3:5

Uure oto mai naꞌo, a God e kaꞌa unu-unue ike mei oalaꞌinge nge e iiꞌo mumuni ngeena oodoie mwala. Taꞌe maholo ienini, Liꞌoa Maaꞌi a God e haataꞌinie oto mei olana aana mo hurulaꞌaa maaꞌi na mo propet maaꞌi ingeie.

Kolosi 1:26

Mei tataroha ngeena, mei saehaahinge a God otona, na waite e mumunie ue mwaanie ahutana iinoni uure oto mai aehotalana walumalau. Taꞌe maholo ienini a God ko si unu haadaꞌi aana hunikie mo iinoni maaꞌi ingeie.

Pilimon 1:16

E oopa mwaaniꞌo kaꞌu mala koni-konihe iꞌoe, taꞌe oto ie ingeie e diana oto liutaa aana nga koni-konihe mola, aana ingeie nga aasike oto i lalo aana Kraes. Nou tohungei sae haahie taane, taꞌe nou saie o kei sae haahie loꞌu liutaa aaku, sulie ingeie nga koni-konihe diana iꞌoe na nga aasimu noꞌone i lalo aana Kraes.

Jemes 1:1

Saediananga mwaanieu a Jemes, koni-konihe a God na a Jisas Kraes Aalaha ikie, huniꞌomu ahutemiu mwala a God nge omu oopa hailiu i laona walumalau.

Jemes 2:23

Na e haꞌa-oaie mo wala aana Uusu-uusu Maaꞌi nge unue uuri, A Ebraham e hiiwalaimoli aana God, na aena urinena nge e neꞌi iinoni oodotaꞌi i maana a God. Jenesis 15:6 Oto mwala e si haaraꞌinie uri ingeie malahune a God.

1 Pita 1:11

Liꞌoa a Kraes e iiꞌo i lalo aada, na e lae peꞌi unu tahangaꞌinie oto oodoire uri a Kraes kei holaꞌi sapesalu keꞌu hiitoꞌo, na oto loꞌu i puri, ke si hele aana manikuluꞌanga ingeie. Taꞌe mo propet kire kaꞌa tohungei saie ike walu ola ngeena kei reu uri taa, na kire dau-deu aahonga ni heitale i sulie uri maholo uri taa ni mei olana kei reu, na hunie a tei.

2 Pita 1:1

Saediananga mwaanieu a Saemon Pita, koni-konihe na hurulaꞌaa a Jisas Kraes, huniꞌomu mo iini nge omu hiiwalaimoli noꞌone aana a Jisas Kraes mala iꞌemeelu. Ingeie oto a God na a Haꞌa-uuritaka, na aena aana e tohungei oodotaꞌi na ko sare dau diana mola hunie ahutaka, nge hiiwalaimolinge e niie mai huniꞌomu ngeena e sada mola peꞌie hiiwalaimolinge iꞌemeelu mo hurulaꞌaa.

Jiud 1:1

Saediananga mwaanieu a Jiud, koni-konihe a Jisas Kraes, na aasine a Jemes. No ko uusu-uusu ie huniꞌomu mo iini nge a God e soiꞌomu mei i saana. A God Mamaꞌa e tohungei manata diana huniꞌomu na omu iiꞌo oto i lalo aana hai kinetaꞌinge a Jisas Kraes.

Haataꞌinge 1:1

Uusu-uusu ienini e ere i sulie mo ola nge a Jisas Kraes e haataꞌiniꞌi hunieu aana nga taa ko karaꞌi lae oto mai. A God e uusungeꞌinie a Jisas hunie ke haataꞌiniꞌi hunie ahutana mo koni-konihe ingeie, oto a Kraes e uusungeꞌinie ensel ingeie i saaku a Jon huni haataꞌinie mo ola ie hunieu.