Tataroha Diana I Sulie A Jisas Kraes Nge A Jon E Uusue 14:3 - Tataroha Diana3 Na i purine no ko lae i deu aakau aana nga leu talamiu, ne kei heꞌi ooli loꞌu mei, hunie uri omu ke iiꞌo peꞌieu aana leu ne kei iiꞌo aana. အခန်းကိုကြည့်ပါ။ |
Na aena aana ikie oto maeni kalena, kie kei helesie oto ahutana toꞌo-toꞌolana a God nge e loohaꞌiniꞌi nana a Kalena, a Kraes, na e loohaꞌiniꞌi noꞌone naka mo eesine a Kraes, aana ikie noꞌone mo kalena God. Kie kei helesie oto noꞌone manikuluꞌanga taꞌau i Lengi nge a Kraes e hele aana oto, aena aana ikie, kie ko sapesalu noꞌone mala a Kraes e sapesalu keꞌu.
Na urine noꞌone, a Kraes e toliꞌaasie maurihaꞌana mola hautaꞌai hunie ke mae mala nga uunu-olanga aana ko helesie haꞌaletehinge haahie mo oorahaꞌaa mo iinoni hunge. Na a Kraes kei heꞌi ruana lae loꞌu mei, taꞌe aana maholo nge ko lae mai ngeena, e saꞌa lae ike mai huni mae honotana mo oorahaꞌaa ikie loꞌu. !Haꞌike! Taꞌe kei lae mai huni toolea mai maurihe huu nana mwala kire ko maaꞌoohie.