Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Tataroha Diana I Sulie A Jisas Kraes Nge A Jon E Uusue 14:13 - Tataroha Diana

13 Na mala uri omu ko sukaa nga mei ola i tehulaꞌana hiiwalaimolinge iꞌomu eeku, ne kei da mola huniꞌomu, hunie mwala ke si soi haꞌamanikuluꞌaa a God i tehulaꞌaku a Kale.

အခန်းကိုကြည့်ပါ။ ကော်ပီ




Tataroha Diana I Sulie A Jisas Kraes Nge A Jon E Uusue 14:13
36 ပူးပေါင်းရင်းမြစ်များ  

Aana mala omu ko hiiwalaimoli toꞌohuu aana a God, taꞌe-taꞌena nga mei ola mala omu ko sukaa aani aarengaꞌinge, a God e sai niie mola huniꞌomu.”


Oto a Jisas e heꞌi teꞌuri loꞌu, “Omu ke susuke aana a God, na ingeie kei niie huniꞌomu. Omu ke hai-heitalea i saana God, na omu kei lio oodoie. Na omu ke iiki-iiki i kolune maa ingeie, na kei tahanie maa talamiu.


Oto aena ngeena no ko unue huniꞌomu uri aana maholo omu ko aarengaꞌi na omu ko sukaa nga mei ola aana a God, omu ke norutoꞌo oto uri omu hele aana oto, na niilana nga taa omu sukaa kei lae oto huniꞌomu.


“Oto no ko unue huniꞌomu uri omu ke susuke aana a God, na ingeie ke si niie huniꞌomu. Omu ke hai-heitalea i saana God, na omu ke si lio oodoie. Na omu ke iiki-iiki i kolune maa ingeie, na ingeie ke si tahanie maa talamiu.


Oto a Jisas e si ere paine uuri, “A tei nge ko hiiwalaimoli eeku, e kaꞌa hiiwalaimoli ike mola aaku, taꞌe noꞌone aana iini e uusungeꞌinieu mei.


Oto i purine a Jiudas e iisitaa, a Jisas ko si teꞌuri, “Oto molana a God kei haataꞌinie manikuluhaꞌaku a Kale Ni Iinoni, na lio sailana manikuluhaꞌana a God kei lae oto noꞌone aana nga taa ineu a Kale Ni Iinoni ne kei esuie.


Iau, mala omu kei sukaa nga mei ola aaku i tehulaꞌana omu norutoꞌo oto aaku, ne kei da oto urine huniꞌomu.”


A Jisas e aalamie oto ko teꞌuri, “Ineu oto tala, na walaimolinge, na maurihe. Nga tala aaopa hunie nga iini ke lae loꞌu i sulie takoie a Mamaꞌa haꞌike, taꞌe ko liu i seeku haꞌalaa.


Iꞌomu, omu kaꞌa lio hilisieu ike, taꞌe ineu ni nou lio hilisiꞌomu. Na nou niie mei esunge ie namiu, hunie omu ke hungu eeni hue-huei ola diana nge e sai iiꞌo huu. Oto aena leune, taꞌena nga mei ola omu ko sukaa mwaanie a Mamaꞌa aena aana omu norutoꞌo aaku, a Mamaꞌa ke si niie huniꞌomu.


Mala uri omu ke iiꞌo susu oto aaku na walaku ke iiꞌo susu oto aamiu, nge omu sai sukaa taꞌena nga mei ola saemiu hunie, na niilana kei lae oto huniꞌomu.


Na aana maholona omu saꞌa dolosie ike nga mei ola aaku. No ko unue oto toꞌohuu huniꞌomu uri taꞌena nga mei ola omu ko sukaa aana a Mamaꞌa aena aana omu norutoꞌo aaku, nge kei niie oto huniꞌomu.


Oto aana maholona iꞌomu maraamiu omu ke si sukaa nga mo ola aana a Mamaꞌa aena aana omu norutoꞌo aaku. Nou kaꞌa unue ike uri ineu mola nge nou sai sukaa nga mei ola namiu aana a Mamaꞌa, taꞌe iꞌomu maraamiu omu sai suke oodo-oodo mola aana a Mamaꞌa.


Taꞌe no ko unue oto huniꞌomu, e lae otoi diana huniꞌomu uri ne ke lae oto. Aana mala uri nou kaꞌa lae oto, nge iini huni peꞌiꞌomu e saꞌa lae ike mai i seemiu. Taꞌe mala no ko lae oto ie, nge ne ke si uusungeꞌinie mai i seemiu.


A Jisas e aalamie ko si teꞌuri hunie, “Iꞌoe o kaꞌa saie ike mei niinge a God ko sare niie huniꞌo, na o kaꞌa saie noꞌone uri a tei nge ko suke wai eemu ienini. Haꞌalaa, o sukaa oto mei wei meuri emue mwaanieu, na nou niie oto huniꞌo.”


Taꞌe iini nge ko inu aana mei wei nge ne kei niie ana, e saꞌa maarou loꞌu. Mei wei nou niie ana ngeena kei neꞌi huulaa mauri i lalo aana, na kei niie maurihe huu hunie.”


Oto a Jisas e aalamire ko teꞌuri, “No ko unue oto huniꞌomu uri a Kale e saꞌa roroꞌa ni da ike nga mei ola tohune taꞌe mwaanie nga mei ola oto ko leesie Aamana ko euꞌesuie haꞌalaa ingeie ko esuie. Aana taꞌena nga ola a Mamaꞌa ko esuie, nge a Kale ko esuie noꞌone mola.


Oto aana dinge ooreta, nge e neꞌi dinge paine oto liutaa aana houlaa ngeena, a Jisas e uure, oto ko ere paine uuri, “Mala uri nga iini ko maarou, nge ke lae mai seeku hunie ke inu.


Aena urinena, iini ko toꞌo aana niinge ni Liꞌoa Maaꞌi huni ere aani erenga hai aaopaꞌi ke aitanaie a God hunie ke niie noꞌone nanamanga huni ere luhesie nga taa ko unuena.


Na aena aana nga taa a Kraes e asuie, iꞌemi mo Jiu oto peꞌiꞌomu mo Aapoloa Aaopa, kie sai meni lae oto mai i saana Aamaka mola aana nanamanga aana e taꞌa-taꞌa Liꞌoa.


Aena aana kie hiiwalaimoli oto aana, na kie lado oto peꞌie, saeka e susu oto na kie saꞌa maꞌuteꞌinie ike loꞌu laenga mai saana God.


Maholo no ko aamasitoꞌo aana saenanaunge a God e paine oto urine, no ko pouruuru i naꞌona aani haꞌamaꞌunge na no ko eitanaie a God Aamaka,


Ko lae urine aena aana nanamanga nge a Kraes e niie hunieu, nge ko haꞌa-aꞌailaꞌaau huni lio oodoie taꞌena nga ola kei reu eeku.


Oto taꞌe-taꞌena nga ola omu ko euꞌesuie, wa omu ko unu-unue, omu ke asuie mala iinoni a Aalaha ikie a Jisas. Na omu ke paalahea a God Aamaka tarau i tehulaꞌana a Kalena.


Oto aana peꞌinge a Jisas hunikie, kie ke paalahea oto a God tarau peꞌi soi haꞌamanikuluꞌalana satana. Aana urine oto e urihana kie ko esuie mo uunu-olanga i saana God.


Na Hahuꞌana Naꞌohai Pris ikie ngeena e manataꞌinie oto mo mamaelaꞌanga ikie, aena aana ahutana mo malaahonganga nge kire ko hite-hite aaka ngeena, kire mani hite aana mango. Taꞌe maꞌalana malaahongalana e lae urine, a Jisas e kaꞌa dau huꞌisie ike nga taꞌa-taꞌa mei oorahaꞌaa aana nga kele maholo.


Aena urinena, nge e toꞌo aana tohungei nanamanga huni haꞌa-uuri taꞌingelu hunie ahutaka mo iini nge kie ko lae mai saana a God, aena aana kie hiiwalaimoli aana. Na aena aana a Jisas mone e iiꞌo huu, oto e kaꞌa mou-mou ike aani aarengaꞌinge talaka.


Taꞌe mala nga iini hikemiu ko saetoꞌo aana saenanaunge, nge ke suke aana a God. Sulie a God e mwaꞌe-mwaꞌe huni nii, na e sai niie saenanaunge huniꞌomu, na e saꞌa asuie ike omu ke hii aaela aani sukanga.


Aena urinena, nge omu ke haꞌahoue mo oorahaꞌaa iꞌomu oodoiꞌomu heiliu, na omu ke aarengaꞌi talamiu heiliu hunie omu ke awaa. Sulie aarengaꞌinge mwane oodotaꞌi e tohungei nanama, na e sai esuie mo ola paine.


Urine iꞌomu noꞌone omu ke urihana mo heu hunie nume a God. Na neꞌisaenga aana nume a God oto ahutana mo iinoni nge kire ko lulu i sulie aana nanamanga a Liꞌoa Maaꞌi, nge soihaadaꞌinge a God otona. Iꞌomu aana soihaadaꞌinge a God, omu meni neꞌie oto mwala maaꞌi nge kire sai lae oodo taꞌau i naꞌona a God huni uunu-uunu ola i saana. Iau, omu meni neꞌi pris oto, na aana peꞌinge a Jisas Kraes mone, mo ola diana omu ko esuiꞌi nana kire neꞌie mo uuraaꞌinge nge a God ko ilenimwaꞌe haahiꞌi ngeena.


Na a God kei niie mola nga taa kie ko sukaa aana, aena aana kie ko tola i sulie mo haꞌatolanga ingeie, na kie ko esuie mo ola e saetoꞌo aani.


Na hiiwalaimolinge ikie aana God otona, uri kie ko sukaa taꞌena nga mei ola i sulie saena, na ko rongo oto hunikie.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ