Tataroha Diana I Sulie A Jisas Kraes Nge A Jon E Uusue 14:12 - Tataroha Diana

¹² No ko unue oto toꞌohuu huniꞌomu uri iini ko hiiwalaimoli eeku, e sai esuie noꞌone mola taungei esunge no ko esuie ie. Na hule aana e sai esuie mo esunge paine loꞌu liutaa aana mo iinine, aena aana no ko lae oto i saana a Mamaꞌa.

Tataroha Diana I Sulie A Jisas Kraes Nge A Jon E Uusue 14:12 ပူးပေါင်းရင်းမြစ်များ

Matiu 21:21

Oto a Jisas ko aalamire uuri, “No ko unue oto huniꞌomu uri mala omu ko hiiwalaimoli toꞌohuu na omu kaꞌa neꞌisae rue-ruaꞌa, omu sai da mola nga taa mala nou esuie hunie ai ienini. Na kaꞌa taꞌe ike leu ie, taꞌe hule aana omu sai unue noꞌone mola hunie uuwo ie uuri, ‘O ke pola mola i eesi,’ na kei reu oto urine.

Tataroha Diana I Sulie A Jisas Kraes Nge A Mak E Uusue 11:13

Oto e leesie ai fik uure mai haꞌatau, na apana e ure diana. Oto ko lae oto i saana huni leesie ohe nga hue-huei ei aana. Taꞌe maholo e lae mai hule aana, na ko leesie mola taꞌe apa-apana haliꞌite, i sulie e kaꞌa hule ue aana maholo hunie mo fik kei hungu.

Tataroha Diana I Sulie A Jisas Kraes Nge A Mak E Uusue 16:17

Na mo iini ko hiiwalaimoli eeku, nge a God kei niie nanamanga hunire, huni esuie mo huꞌi-huꞌite. Kire kei sikeraꞌinie mo liꞌoa aaela mwaanie mo iinoni aana sataku, na kire kei ere aana mo erenga hai aaopaꞌi.

Tataroha Diana I Sulie A Jisas Kraes Nge A Jon E Uusue 14:28

“Omu rongoa oto aana nou unue huniꞌomu uri no ko lae oto, na ne kei heꞌi ooli loꞌu mei seemiu. Mala uri omu ko manata diana hunieu toꞌohuu, nge omu ke ile-ilenimwaꞌe mola uri no ko lae i saana Aamaku, aana ingeie e paine loꞌu liutaa aaku.

Tataroha Diana I Sulie A Jisas Kraes Nge A Jon E Uusue 16:7

Taꞌe no ko unue oto huniꞌomu, e lae otoi diana huniꞌomu uri ne ke lae oto. Aana mala uri nou kaꞌa lae oto, nge iini huni peꞌiꞌomu e saꞌa lae ike mai i seemiu. Taꞌe mala no ko lae oto ie, nge ne ke si uusungeꞌinie mai i seemiu.

Tataroha Diana I Sulie A Jisas Kraes Nge A Jon E Uusue 4:37

mei wala e toꞌohuu taane nge kie ko unu-unue uri, ‘Nga iini ko hesie mo litei ola, na ngaeta iini loꞌu ke soꞌokoni.’

Tataroha Diana I Sulie A Jisas Kraes Nge A Jon E Uusue 5:20

A Mamaꞌa e haataꞌinie walu ola ko euꞌesuiꞌi oto aana a Kale, aena aana e tohungei manata diana hunie. Na kei haataꞌinie mo ola paine loꞌu hunieu hunie ne ke asuiꞌi, hule aana omu kei pangataꞌiniꞌi.

Tataroha Diana I Sulie A Jisas Kraes Nge A Jon E Uusue 7:33

Oto a Jisas ko teꞌuri hunire, “No ko kele iiꞌo oꞌoruꞌe mola peꞌiꞌomu, na no ko lae oto loꞌu i saana iini e uusungeꞌinieu mei.

Tataroha Diana I Sulie A Jisas Kraes Nge A Jon E Uusue 7:39

Maholo a Jisas e ere urine, e ere rarangana Liꞌoa Maaꞌi a God nge kei iiꞌo i lalo aana mo iini kire ko hiiwalaimoli aana. Aana maholona niilana Liꞌoa Maaꞌi e kaꞌa lae ike ue, aena aana haꞌamanikuluꞌalana a Jisas e kaꞌa lae ike noꞌone ue.

Palonga 10:46

Na kire saie uri e toꞌohuu oto, aana kire rongoa mwala ko tohungei lahea a God aana taꞌena nga erenga hai aaopaꞌi. Oto a Pita ko teꞌuri hunie mo iini peꞌie,

Palonga 16:18

Mo dinge hunge a keine ko teꞌurine oto mola, lae-lae hule aana a Pol e kaꞌa sare rongoa oto. Oto a Pol e saro wau takoie, na ko teꞌuri hunie liꞌoa aaela ngeena, “Aana satana Jisas Kraes no ko unue oto huniꞌo o ke lae mwaanie a keni ngeena.” Na oto mola aana maholoi satona liꞌoa aaela ngeena e tolana tahi oto mwaanie a keine.

Palonga 19:12

Maꞌalana taꞌena nga mei sala e toꞌorie mola sapena Pol, na kire kei toolea hunie mo iini ko mataꞌi wa mo iini nge mo liꞌoa aaela e iiꞌo aada, kire sai awaa oto, na mo liꞌoa aaela ngeena ko tehi oto mwaanire.

Palonga 2:33

A God e tola aalihoꞌi aana hunie ke iiꞌo aana naꞌohai iiꞌo-iiꞌoha, i pwalo-pwalona, na a God Aamana e niie Liꞌoa Maaꞌi hunie oto mala e haiholotaꞌinie. Oto nga taa nge omu ko leesie na omu ko rongoa ngeena, mei ola a God e lingisie mai haahiꞌemeelu oto ni ngeena.

Palonga 2:41

Oto mo iini kire hiiwalaimoli aana walana Pita, kire si loto maaꞌi. Na aana hai dingena ola mala oolu sinolai iinoni nge kire sili loꞌu mei peꞌire i laona soihaadaꞌinge.

Palonga 4:16

Oto kire ko teꞌuri, “!Mwae! ?Nga taa ni kolu kei esuie aana e ro mwane ngeena? Aana ahutana mwala i Jerusalem kire saie oto uri e ro mwane ngeena kire asuie mei huꞌi-huꞌite oto paine, na e tohungei aasa hunie kolu kei unue uri e kaꞌa rau ike.

Palonga 4:33

Na mo hurulaꞌaa ko si houleꞌinie Aalaha ikie peꞌie nanamanga uri e mauri eelihoꞌi toꞌohuu mwaanie maenga. Na a God e si haꞌadianaꞌaa ahutana soihaadaꞌinge.

Palonga 4:4

Taꞌe mo iini hunge nge kire rongoa walana e ro mwane, kire hiiwalaimoli oto aana. Na iidumilana mola mo mwane nge kire hiiwalaimoli aana a Jisas e lae hunie ola mala lime sinolai mwane.

Palonga 5:15

Oto aena aana mo huꞌi-huꞌite hunge nge mo hurulaꞌaa ko esuiꞌi, nge mwala kire lae peꞌi toolea mai mo mwei-mweriaꞌa oto i sinaha, na kire ko lai haꞌa-enosire i lengine mo tahe na mo niꞌe i sulie tala. Aana neꞌisaenga ikire uri maholo a Pita kei liu aana leune, maꞌalana nunune ko liu mola haahie mo iini ko mweri ngeena na kire sai awaa loꞌu.

Palonga 6:7

Oto walana God mone ko lae ahusie oto mo henue hunge, na mo pwaarongoisuli i Jerusalem kire ko hunge loꞌu liutaa, na hungelana mo pris ko lulu i sulie oto a Jisas noꞌone.

Palonga 8:7

Na mo iini nge mo liꞌoa aaela e iiꞌo i lalo aada, mo liꞌoa ngeena kire ko soi peine na kire ko iisitaa oto mwaanire. Na mo iini aeꞌaeda e rarasi na mo iini e toꞌu, haꞌa-uurilada e lae noꞌone.

Palonga 9:34

Oto a Pita ko teꞌuri hunie, “Aenias, a Jisas Kraes ko haꞌa-uuriꞌo. O ke taꞌelaꞌi, na o ke lulungie hulite iꞌoe.” Na oto mola aana maholoi satona a Aenias ko uure hala-hala oto.

Palonga 9:40

Oto a Pita e si unue ahutana mwala ke lae kaꞌu i sinaha, oto e pouruuru ko si aarengaꞌi. E saro wau takoie huꞌe nge e mae ngeena, ko soie satana na ko teꞌuri, “!Tabita, o ke taꞌelaꞌi!” Oto a huꞌena e lakataꞌinie maana na maholo e leesie a Pita, e si taꞌelaꞌi.

Uusu-uusu A Pol Hurula'aa Hunie Mo Rom 15:19

Oto mwala kire hiiwalaimoli aana i sulie nou esuie mo huꞌi-huꞌite peꞌie nanamanga aana Liꞌoa Maaꞌi mala mo tolimaa aana nanamanga a God. Oto ahutana mo henue uure i Jerusalem lai hule oto aana taitelihe aana poꞌo ni henue i Ilirikam, nou lae peꞌi tarohaꞌinie oto Tataroha Diana i sulie a Jisas Kraes oto aani.