Tataroha Diana I Sulie A Jisas Kraes Nge A Jon E Uusue 13:34 - Tataroha Diana

³⁴ “Oto ie no ko niie haꞌatolanga haalu huniꞌomu. Omu ke manata diana huniꞌomu heiliu. Mala oto ineu, nou manata diana kaꞌu huniꞌomu, nge iꞌomu noꞌone omu ke manata diana huniꞌomu urine.

Tataroha Diana I Sulie A Jisas Kraes Nge A Jon E Uusue 13:34 ပူးပေါင်းရင်းမြစ်များ

Matiu 5:44

Taꞌe ineu no ko unue huniꞌomu uri omu ke manata diana noꞌone hunie mo maelonga iꞌomu, na omu ke aarea God talana mo iini ko taungeꞌiniꞌomu.

Tataroha Diana I Sulie A Jisas Kraes Nge A Jon E Uusue 15:17

Oto no ko unue loꞌu huniꞌomu uri omu ke manata diana huniꞌomu heiliu.”

Tataroha Diana I Sulie A Jisas Kraes Nge A Jon E Uusue 17:21

Oto no ko eitanaiꞌo Mamaꞌa, uri hunie kire ke mani neꞌie taꞌa-taꞌa iinoni, mala oto iꞌoe i lalo aaku na ineu i lalo aamu. No ko eitanaiꞌo uri hunie kire ke iiꞌo noꞌone i lalo aakarue, hunie walumalau ke hiiwalaimoli aana uri iꞌoe o uusungeꞌinieu mei.

Uusu-uusu A Pol Hurula'aa Hunie Mo Rom 12:10

Omu ke manata diana huniꞌomu heiliu oto mala mo mwaasine, na omu ke haꞌamaꞌu eemiu heiliu liutaa aana o haꞌamaꞌu eemu maraamu.

Uusu-uusu A Pol Hurula'aa Hunie Mo Rom 13:10

Iinoni e manata diana hunie mwala, e kaꞌa sai da ike nga mei ola huni waelire. Aena urine, nge manata-diananga oto tala huni haꞌa-oaie mo Haꞌatolanga a God.

Uusu-uusu A Pol Hurula'aa Hunie Mo Rom 13:8

Omu ke suꞌu mangoa ahutana mo kaoni nge mwala kire toliꞌaasiꞌi huniꞌomu. Taꞌe taꞌa-taꞌa mei ola mola ke iiꞌo tarau hunie omu ke suꞌue hunie taꞌena nga iini, nge manata-diananga ni otona. Aena aana taꞌena nga iini ko manata diana hunie mwala, ingeie ko haꞌa-oaie oto ahutana mo Haꞌatolanga a God.

Kalesia 5:22

Taꞌe hue-huei ola aana Liꞌoa Maaꞌi nge manata-diananga, na ilenimwaꞌenga, na hanuelamanga, na saemamae, na aamasinge, na diananga. A Liꞌoa Maaꞌi ko da kie ke neꞌi iinoni nou-norue,

Kalesia 5:6

Aana maholo iinoni e lado oto peꞌie a Jisas Kraes, nge maꞌalana e torihesiꞌo wa haꞌike, taꞌe e sada mola na e kaꞌa roroꞌa ike. Taꞌa-taꞌa leu mola e roroꞌa, na leune mola hiiwalaimolinge ikie aana a Jisas Kraes ke si haataꞌi aana manata-diananga hunie mo iinoni.

Kalesia 6:10

Aena urine, maholo kie ko leesie uri e malisine kie ke peꞌie nga iini, nge kie ke peꞌie oto. Na peꞌinge ikie ke lae oto liutaa hunie mo iini kie mani hiiwalaimoli aana Kraes.

Kalesia 6:2

Omu ke peꞌiꞌomu heiliu aana walu ola ko hite-hite aamiu, aana urine nge omu ko tola i sulie haꞌatolanga a Kraes toꞌohuu eena.

Epesas 5:2

Manata-diananga oto ke paine i laona mau-meuringe iꞌomu, mala a Kraes e manata diana hunikie na e toliꞌaasie maraana hunie ke mae honotaka. Maenga ingeie hunikie e urihana nga uunu-olanga huni taꞌaasie oorahaꞌaa ikie, na a God e ilenimwaꞌe oto liutaa haahie, mala iinoni ko ilenimwaꞌe haahie dango wau-wesu nge e tohungei wesu mangoni.

Kolosi 1:4

aana melu rongoa uri omu ko hiiwalaimoli aana a Jisas Kraes, na omu ko manata diana hunie ahutana mo iinoni maaꞌi a God.

1 Tesalonaeka 3:12

Saemeelu uri a Aalaha ke da manata-diananga iꞌomu ngeena ke aꞌailaꞌa huniꞌomu heiliu na hunie taꞌena nga iinoni loꞌu, mala manata-diananga iꞌemeelu huniꞌomu e paine loꞌu liutaa.

2 Tesalonaeka 1:3

Maeni eesiku maaꞌi, melu ko paalahea God mola tarau haahiꞌomu. Na e diana hunie melu ke asuie urine, aana hiiwalaimolinge iꞌomu ko peine aꞌailaꞌa mola i suli maholo, na manata-diananga nge omu toꞌo aana huniꞌomu heiliu ko lae peꞌi peine noꞌone loꞌu tarau.

Hibru 13:1

Omu ke mana-manata diana huniꞌomu heiliu oto mala iꞌomu mo mwaasine toꞌohuu i lalo aana a Kraes.

Jemes 2:8

Taꞌe mala omu ko hele i sulie haꞌatolanga a Inemauri ikie aana mo Uusu-uusu Maaꞌi, nge e unue uuri, O ke manata diana hunie mo iinoni mala o ko manata diana huniꞌo mola maraamu, Levitikas 19:18 nge urine haꞌalaa omu ko deu oodo.

1 Pita 1:22

Oto i tehulaꞌana omu tola i sulie mo wala toꞌohuu aana Tataroha Diana ngeena, omu da oto maurihaꞌamiu e rereꞌa mwaanie oorahaꞌaa eena, na omu sai manata diana oto hunie mo eesimiu maaꞌi. Aena urine, omu ke mana-manata diana oto huniꞌomu heiliu aana ahutana saemiu.

2 Pita 1:7

na omu ke sapeie loꞌu manata-diananga hunie mo eesimiu aana hiiwalaimolinge, na omu ke heꞌi sapeie loꞌu noꞌone manata-diananga hunie ahutana mo iinoni.

1 Jon 3:11

Uure oto mai aana maholo omu aehota hiiwalaimoli, omu rongoa oto tarau uri kie ke manata diana hunikie hailiu.

1 Jon 3:23

Na mei haꞌatolanga ingeie ni otona, uri hunie kie ke hiiwalaimoli aana Kalena, a Jisas Kraes, na hunie kie ke manata diana hunikie hailiu, mala e unue oto hunikie.

1 Jon 4:21

Na a Kraes e niie haꞌatolanga hunikie uuri, “A tei ko manata diana hunie a God, ke manata diana noꞌone hunie aasine.”

2 Jon 1:5

Mei wala no ko unue huniꞌomu ienini, keni diana ineu, nga mei ola haalu haꞌike, taꞌe mei haꞌatolanga kie rongoa oto i naꞌo uure aana maholo kie holaꞌi hiiwalaimoli aana Jisas, uri kie ke manata diana hunikie hailiu.