Tataroha Diana I Sulie A Jisas Kraes Nge A Jon E Uusue 12:23 - Tataroha Diana

²³ Oto a Jisas e aalamirerue ko teꞌuri, “Maholoi sato e hule oto, uri hunie haꞌamanikuluꞌalana a Kale Ni Iinoni kei lae.

Tataroha Diana I Sulie A Jisas Kraes Nge A Jon E Uusue 12:23 ပူးပေါင်းရင်းမြစ်များ

Matiu 25:31

Oto a Jisas ko heꞌi unue loꞌu uuri, “Ineu, a Kale Ni Iinoni, ne kei ooli loꞌu mei peꞌie manikuluhaꞌaku na ahutana mo ensel ineu noꞌone peꞌieu, na ne kei iiꞌo i lengine naunekume ineu e manikuluꞌe.

Matiu 26:45

Oto e ooli i saana mo pwaarongoisuli na ko unue, “?Uri omu ko maꞌa-maꞌahu, na omu ko mamamalo ue? E hule oto aana maholo kire kei pweloau a Kale Ni Iinoni i nimana mo iinoni oorahaꞌaala.

Tataroha Diana I Sulie A Jisas Kraes Nge A Mak E Uusue 14:35

Oto a Jisas ko kele lae loꞌu taꞌau mwaanire, na ko lae pouruuru i aano haahie maana, na ko aehota aarengaꞌi uri mala ko mwadaꞌu sapesalunge ngeena ke suꞌuri hite aana.

Tataroha Diana I Sulie A Jisas Kraes Nge A Mak E Uusue 14:41

Oto i purine oolune nga maai aarengaꞌinge, e aalihoꞌi loꞌu mei saada, oto ko teꞌuri hunire, “?Uri omu ko maꞌa-maꞌahu, na omu ko mamamalo ue? !E ado oto! E hule oto aana maholo kire kei pweloau a Kale Ni Iinoni i nimana mo iinoni oorahaꞌaala.

Tataroha Diana I Sulie A Jisas Kraes Nge A Jon E Uusue 12:16

Holaꞌinaꞌo, mo pwaarongoisuli a Jisas kire kaꞌa sai diana aana ike neꞌisaenga aana walu ola ngeena. Taꞌe maholo haꞌamanikuluꞌalana a Jisas e lae aana a God e taꞌelaꞌinie mwaanie maenga, nge kire ko si aamasitoꞌo aana uri uusulana mo olana e lae taane i sulie, na uri kire asuiꞌi taane oto hunie.

Tataroha Diana I Sulie A Jisas Kraes Nge A Jon E Uusue 12:27

“Saeku ko lae otoi hiꞌe ni ienini, hule aana nou kaꞌa saie oto nga taa ne kei unue. ?Uri ne ke unue hunie a Mamaꞌa ke suꞌuri toliꞌaasie mei ola e hiꞌe ie ke rau eeku? !Haꞌike! Aena aana mei ola nou lae mone oto mai hunie ni ngeena, uri hunie ne ke liu i laona sapesalunge ie.

Tataroha Diana I Sulie A Jisas Kraes Nge A Jon E Uusue 13:1

Oto mola i naꞌona Houlaa Ni Liumwaanie, a Jisas e manataꞌinie uri e hule oto aana maholo hunie ke hoꞌalaꞌi mwaanie walumalau ie, na ke ooli i saana Aamana. A Jisas e manata diana oto tarau hunie mo iini ingeie nge kire ko lulu i sulie mai welumalau, na e hahuꞌei manata diana hunire lai hule oto aana ooretalana.

Tataroha Diana I Sulie A Jisas Kraes Nge A Jon E Uusue 7:39

Maholo a Jisas e ere urine, e ere rarangana Liꞌoa Maaꞌi a God nge kei iiꞌo i lalo aana mo iini kire ko hiiwalaimoli aana. Aana maholona niilana Liꞌoa Maaꞌi e kaꞌa lae ike ue, aena aana haꞌamanikuluꞌalana a Jisas e kaꞌa lae ike noꞌone ue.