Tataroha Diana I Sulie A Jisas Kraes Nge A Jon E Uusue 12:20 - Tataroha Diana

²⁰ Ngaeta mo iinoni ni Krik noꞌone kire lae taꞌau i Jerusalem peꞌie mo Jiu huni paloa God aana maholo hunie houlaa ngeena.

Tataroha Diana I Sulie A Jisas Kraes Nge A Jon E Uusue 12:20 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Mak E Uusue 7:26

A huꞌena, ingeie nga huꞌe ni Jiu haꞌike, taꞌe e hute aana poꞌo ni henue i Ponisia i laona aalahanga i Siria. Na e lae mai ngarasie a Jisas hunie ke taꞌaasie liꞌoa aaela mwaanie kele pule ingeie.

Tataroha Diana I Sulie A Jisas Kraes Nge A Jon E Uusue 12:1

E oono hai dinge ue i naꞌona Houlaa Ni Liumwaanie, a Jisas e lae oto hunie i Betani, huilume a Lasaros mwane nge a Jisas e taꞌea kaꞌu mwaanie maenga.

Tataroha Diana I Sulie A Jisas Kraes Nge A Jon E Uusue 12:19

Oto mo Parise ko si ere hunire maraada uuri, “!Lio kaꞌu! Walu ola kolu ko euꞌesuiꞌi honosie a mwane ngeena e kaꞌa oa oto hunikolu. !Ahutana walumalau ko lulu i sulie oto!”

Tataroha Diana I Sulie A Jisas Kraes Nge A Jon E Uusue 7:35

Oto mo naꞌohai mwane mo Jiu kire ko lae peꞌi ere-ere maraada uuri, “?A mwane ie kei lae i tei ni uri kolu saꞌa lio oodoie loꞌu? ?Mwaanie ohe kei lae i saana mwala ikolu aana mo poꞌo ni henue mo Krik, wa ohe kei lae huni haꞌa-uusulie mo Aapoloa Aaopa?

Palonga 14:1

Oto mala tolahana a Pol na Banabas kirerue mani lai sili weu noꞌone i laona nume ni palo-palo mo Jiu wau aana huilume i Aekoniam, na i leune laeliwalanga ikirerue e saka lae-lae hule aana mo iini hunge aana mo Jiu na mo Aapoloa Aaopa kire ko hiiwalaimoli oto.

Palonga 16:1

Kira Pol kire lai hule wau aana huilume i Debe, oto purihaꞌana kire si lae loꞌu hunie huilume i Listra nge kire oodoie ngaeta pwaarongoisuli a Jisas, satana a Timoti. Aamana mwane aana mo Aapoloa Aaopa, taꞌe nikana keni ni Jiu nge ko lulu i sulie a Jisas.

Palonga 17:4

Oto ngaeta mo Jiu kire hiiwalaimoli oto aana mei wala ngeena, na kire ko lulu i sulie oto a Pol na Saelas. Na mo iini hunge aana mo Aapoloa Aaopa nge kire ko palo-paloa God, na ngaeta mo iini hunge aana mo naꞌohai keni peine kire ko lulu i sulie oto noꞌone a Pol na Saelas.

Palonga 20:21

Na nou tohungei ere hiitoꞌo hunie ahutana mwala, maꞌalana mo Jiu wa mo Aapoloa Aaopa, uri kire ke oonisae mwaanie mo oorahaꞌaanga ikire na kire ke aaliꞌu mei takoie a God na kire ke hiiwalaimoli aana Jisas, Aalaha ikie.

Palonga 21:28

Na kire ko soi oto paine kire ko teꞌuri, “!Mo mwane ni Israel, omu ke lae mai peꞌiꞌemeelu! A mwane ienini ko haꞌa-uusulie mwala aana ahutana mo henue hunie kire ke lae huꞌisie tolahana mwala ikolu na huni lae huꞌisie mo Haꞌatolanga a Mosis na tolahana Nume Maaꞌi Peine ie. Na e toolea noꞌone mai ngaeta mo Aapoloa Aaopa molana i laona Nume Maaꞌi, na ko haꞌamadaꞌaa oto Hahuꞌana Leu Maaꞌi ngeena.”

Palonga 8:27

Maholoi satona a Pilip e lae i sulie tala ngeena na ko leesie ngaeta koni-konihe diana Toro ni Itiopia. Mo Toro ni Itiopia kire haaraꞌinire mo Kandis, na koni-konihe diana ngeena ingeie mwane paine ko lio i sulie ahutana mo toꞌoha Toro ni Itiopia ngeena. Oto aana kele maholoi satona, e si uure mola mwaanie i Jerusalem

Uusu-uusu A Pol Hurula'aa Hunie Mo Rom 1:16

Nou tohungei norutoꞌo aana Tataroha Diana a Jisas na nou saꞌa roroꞌa masa ike huni tarohaꞌinie, aana e toꞌo aana nanamanga paine a God huni haꞌa-uurie ahutana mo iini e hiiwalaimoli aana, maꞌalana ikire mo Jiu wa ikire mo Aapoloa Aaopa nge ikire nga mo Jiu haꞌike.

Uusu-uusu A Pol Hurula'aa Hunie Mo Rom 10:12

Leune e toꞌohuu hunie taꞌena nga iinoni, maꞌalana ikire mo Jiu wa ikire nga mo Jiu haꞌike. A Kraes ingeie oto taꞌa-taꞌa Aalaha haahie ahutana mo iinoni, na ko niie mo haꞌadianaꞌanga hunge hunie ahutana mo iini kire norutoꞌo aana.

Kalesia 2:3

Taꞌe mo naꞌohai mwane aana soihaadaꞌinge ngeena kire tohungei rongo hunieu, na kire neꞌisae mola mala ineu, hule aana kire kaꞌa sare dau rarahie loꞌu a Taetas hunie ke helesie torihesiꞌonga i sulie Haꞌatolanga a Mosis e unue, maꞌalana ingeie nga Jiu haꞌike.

Kalesia 3:28

Oto nga mei ola hunie ke aaopa i matolamiu mo Jiu na mo Aapoloa Aaopa haꞌike loꞌu, wa i matolana mo koni-konihe na mo aalaha, wa i matolana mo mwane na mo keni. Omu meni neꞌie oto e taꞌa-taꞌa iinoni i lalo aana a Kraes Jisas.

Kolosi 3:11

Ahutaka mo iinoni kie mani sada mola i laona mauringe haalu ngeena. Maꞌalana uri kie hute aana mo Jiu wa haꞌike, maꞌalana uri kie hele aana torihesiꞌonga wa haꞌike, maꞌalana uri kie hute aana mwala ni puꞌo wa mwala e puꞌo tataꞌala oto liutaa mala mo Sitia, maꞌalana uri kie neꞌi koni-konihe wa kie iiꞌo luhetaꞌi loꞌu, taꞌe a Kraes oto e neꞌi naꞌohai ola roroꞌa i laona maurihaꞌaka, mo iini kie hiiwalaimoli aana.