Tataroha Diana I Sulie A Jisas Kraes Nge A Jon E Uusue 10:16 - Tataroha Diana

¹⁶ Nou toꞌo aana taane ngaeta mo sipu na ikire haꞌike ue i laona para ni sipu ineu. Taꞌe ne kei haro tooleꞌi taane ue mai hunie kire ke iiꞌo peꞌie mo iini kire iiꞌo oto i laona para. Kire kei haro neꞌie taꞌa-taꞌa hakaa ni sipu mola, na ineu oto taꞌa-taꞌa kakalihe nge kire sai rongo hunie.

Tataroha Diana I Sulie A Jisas Kraes Nge A Jon E Uusue 10:16 ပူးပေါင်းရင်းမြစ်များ

Matiu 17:5

Maholo a Pita ko ere-ere ue urine, na mei uuru rereꞌa ko lae oto mai haahire, na mei wala e uure mwaanie mei uuru ngeena ko unue oto uuri, “Tohungei kaleku oto ienini, iini nou tohungei ilenimwaꞌe haahie. Omu ke rongo hunie.”

Tataroha Diana I Sulie A Jisas Kraes Nge A Luk E Uusue 15:8

Na a Jisas ko heꞌi unue loꞌu uuri, “?Oto mala nga keni e toꞌo aana nga aawalai kawei haꞌatahanga, na e haꞌatekehie tangahuluꞌana nga kawei iini, a keine kei ue? A keine kei haꞌakaunie oto laite hunie ke sine hunie, na kei talaa oto nume ingeie, na kei heitale diana oto hunie, lai hule aana kei saronai lio oodoie.

Tataroha Diana I Sulie A Jisas Kraes Nge A Jon E Uusue 10:11

“Ineu oto a kakalihe diana, iini e mwaꞌe-mwaꞌe ni mae honotana mo sipu.

Tataroha Diana I Sulie A Jisas Kraes Nge A Jon E Uusue 10:2

Taꞌe tohungei kakalihe hunie mo sipu, ingeie oto ko sili mola i sulie maa aana para.

Tataroha Diana I Sulie A Jisas Kraes Nge A Jon E Uusue 10:27

Mo sipu ineu kire rongo saie walaku, na kire ko lulu i sulieu. Nou sai diana aada,

Tataroha Diana I Sulie A Jisas Kraes Nge A Jon E Uusue 10:3

Na mwane nge ko kakalie maai para ko tahanie maa talana tohungei kakalihe. Oto tohungei kakalihe ko soie mo sipu ingeie aana satada, na kire rongo saie walana na kire ko lae oto mai saana. Oto a kakalihe ko si haꞌatalaire i sinaha takoie leu nge hahalisi kohi huni ngeue e iiꞌo aana.

Tataroha Diana I Sulie A Jisas Kraes Nge A Jon E Uusue 10:4

Maholo ko haꞌa-iisitaangaꞌinie ahutana mo sipu ingeie, nge ko si naꞌoda. Na mo sipu ingeie ko lulu i sulie, aena aana kire rongo saie walana.

Tataroha Diana I Sulie A Jisas Kraes Nge A Jon E Uusue 10:5

Mala uri nga iinoni aaopa kei lae mai saana mo sipu kire saꞌa roroꞌa ni lulu i sulie ike, taꞌe kire kei tehi mola mwaanie aena aana kire kaꞌa rongo saie ike walana.”

Tataroha Diana I Sulie A Jisas Kraes Nge A Jon E Uusue 11:52

Na e kaꞌa ike mola honotana mo Jiu hahaiteli, taꞌe huni lokoa ahutana mo iinoni a God nge kire iiꞌo tatanga i laona walumalau hunie kire ke neꞌie taꞌa-taꞌa iinoni.

Tataroha Diana I Sulie A Jisas Kraes Nge A Jon E Uusue 17:20

Oto a Jisas e si heꞌi aarengaꞌi loꞌu uuri, “Mamaꞌa, nou kaꞌa aitanaiꞌo ike mola talana mo iini ie hahaiteli, taꞌe noꞌone talana mo iini e hiiwalaimoli eeku i tehulaꞌana mo haꞌa-uusulinge ikire.

Tataroha Diana I Sulie A Jisas Kraes Nge A Jon E Uusue 6:37

Taꞌena nga iini nge Aamaku e niie nakue kei lae oto mai seeku. Na taꞌena nga iini ko lae mai seeku, nou saꞌa roroꞌa toliꞌaasie ike loꞌu hunie ke lae mwaanieu.

Palonga 15:14

A Saemon Pita e si lado diana aana tala nge a God e holaꞌi haataꞌinie kinetaꞌinge ingeie hunie mo Aapoloa Aaopa hunie ikire noꞌone kire ke neꞌie mo iinoni ingeie.

Palonga 18:10

sulie ineu taane peꞌiꞌo. Nga iini aana mwala aana huilume ngeena e saꞌa waeliꞌo ike sulie mwala ineu kire hunge i leune.”

Palonga 22:14

Oto ko teꞌuri loꞌu, ‘God mo weuwaka e lio hilisiꞌo hunie o ke saie nga taa e oalaꞌinie hunie o kei esuie, na hunie o ke leesie Koni-konihe Oodotaꞌi ingeie, na hunie o ke rongoa oto walana maraana.

Uusu-uusu A Pol Hurula'aa Hunie Mo Rom 11:25

Maeni eesiku maaꞌi, saeku uri omu ke sai diana aana oalaꞌinge a God nge mwala kire kaꞌa saie ike oto i naꞌo. No ko ladoa namiu oto ienini mwaanie omu toohaꞌiniꞌomu maraamiu na omu loꞌo-loꞌongaꞌinie uri omu diana loꞌu liutaa aana mo Jiu. Tolahai ola nge e da saena mo Jiu e hau ngeena e kaꞌa maꞌutaꞌa ike, taꞌe kei iiꞌo haꞌawali mola. A God ko maaꞌoohie mola iidu-iidunge ke ahu aana mo iinoni e lio hilisire mwaanie mo Aapoloa Aaopa,

2 Tesalonaeka 2:13

Maeni eesiku maaꞌi, e malisine melu ke paalahea God mola tarau haahiꞌomu, aana iꞌomu mo iini a Aalaha e manata diana huniꞌomu. A God e lio hilisiꞌomu uure oto wau i naꞌo huni haꞌa-uuriꞌomu, na e haꞌa-uuriꞌomu aana omu hiiwalaimoli aana mo wala toꞌohuu, na a Liꞌoa Maaꞌi e da omu neꞌi iinoni maaꞌi.

Hibru 13:20

Oto no ko aarea God nge ingeie oto aahuꞌine hanuelamanga na e taꞌea loꞌu a Jisas aalihoꞌi mwaanie maenga, uri ke niie huniꞌomu taꞌena nga ola diana hunie omu ke si toꞌo aana nga taa kei peꞌiꞌomu huni esu i sulie saena. No ko eitanaie uri ke asu i lalo aamiu aana nanamanga a Jisas Kraes hunie omu ke haꞌasaedianaꞌaa saena. A Jisas oto Aalaha ikie, na ingeie oto naꞌohai Kakalihe honotana mo sipu. Aana maenga honotaka mala nga uunu-olanga, nge e si haꞌawalaimoliꞌaa mei heiholotaꞌinge nge e sai iiꞌo huu ngeena. Oto aena leune kie ke si soi haꞌamanikuluꞌaa a Kraes oto di. !Iau! !Ke urine oto!

1 Pita 2:10

Oto wau i naꞌo, iꞌomu nga mwala a God haꞌike na omu kaꞌa manataꞌinie ike aamasinge a God. Taꞌe aana maholo ienini, omu neꞌie tohungei iinoni a God oto toꞌohuu, na a God ko tohungei aama-aamasiꞌomu na ko sae-sae diana oto liutaa haahiꞌomu.

1 Pita 2:25

Holaꞌinaꞌo omu urihana mo sipu e takalo kaꞌu, taꞌe maholo ie omu eelihoꞌi loꞌu mei huni lulu i sulie a Kakalihe nge e sai lio i sulie maurihaꞌamiu.

1 Pita 5:4

Na maholo nge Naꞌohai Kakalihe haahie mo sipu kei ooli mei, nge ingeie ke si niie waaite e tohungei menikuluꞌe huniꞌomu, na mei waaite ngeena e saꞌa mango ike loꞌu aana nga maholo.

Haataꞌinge 3:20

!Omu ke rongo kaꞌu! Ineu oto nou uure i aena maa, no ko iiki-iiki ienini. Mala nga iini ko rongoa walaku na ko tahanie maa talaku, nge ne kei sili mei nume ingeie, na ne kei ngeu oto tararuru peꞌie.