Jemes 5:8 - Tataroha Diana

⁸ Na iꞌomu noꞌone omu ke maaꞌoohi susutoꞌo urine. Na omu ke suꞌuri aakohe aani maaꞌoohinge susutoꞌo, sulie e karaꞌinie oto Aalaha ikie kei ooli mei.

Jemes 5:8 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 21:19

Na a God ke si haꞌa-uurie ahutemiu nge omu kei uure aꞌailaꞌa taraꞌasi aani hiiwalaimolinge lai hule aana haꞌamangolana.”

Tataroha Diana I Sulie A Jisas Kraes Nge A Jon E Uusue 21:22

A Jisas e aalamie, oto ko teꞌuri, “?Mala uri no ko saetoꞌo aana uri ke oꞌoꞌo mola hule aana ne kei ooli loꞌu mei, e ue o ko tolahiꞌe aana? Iꞌoe, o ke lulu i sulieu.”

Uusu-uusu A Pol Hurula'aa Hunie Mo Rom 8:25

Taꞌe aena aana kie hiiwalaimoli uri kie kei haro toꞌo aana taane mo ola nge kie kaꞌa leesiꞌi ue, nge mone kie ko haro maa-maaꞌoohi susutoꞌo mola ue.

Kalesia 5:22

Taꞌe hue-huei ola aana Liꞌoa Maaꞌi nge manata-diananga, na ilenimwaꞌenga, na hanuelamanga, na saemamae, na aamasinge, na diananga. A Liꞌoa Maaꞌi ko da kie ke neꞌi iinoni nou-norue,

Pilipae 4:5

Omu ke haataꞌinie manekonga iꞌomu aana ahutana iinoni, aana karaꞌinie oto a Aalaha kei ooli loꞌu mei.

1 Tesalonaeka 1:10

Na kire ko laladoa noꞌone uri omu ko maaꞌoohie oto a Kalena kei lae mai uure taꞌau i Lengi. Ingeie oto a Jisas nge e taꞌelaꞌi mwaanie maenga, na ko haꞌa-uurikie mwaanie saewasunge a God nge ko lae mai aana dinge ni leinge.

1 Tesalonaeka 2:19

Iau, melu tohungei sare hule i seemiu loꞌu, aena aana melu tohungei norutoꞌo aamiu uri aana maholo a Jisas Aalaha ikie kei ooli mei, taꞌe omu sai uure maꞌutaꞌa mola, na melu sai ilenimwaꞌe haahiꞌomu hule aana melu uure aana totomwameelu.

1 Tesalonaeka 3:13

Melu ko eitanai uri saemiu ke susu aani loꞌongaꞌinge diana, na omu ke iiꞌo maaꞌi, na mwaanie nga iini e pwelu wala i lengimiu, hunie maholo Aalaha ikie a Jisas kei ooli mei peꞌie mo iinoni maaꞌi ingeie, na omu ke suꞌuri masa ni uure i naꞌona God Aamaka.

2 Tesalonaeka 3:5

Oto melu ko eitanaie Aalaha ikie uri ingeie ke haꞌasusue mo loꞌongaꞌinge iꞌomu hunie omu ke saenanau diana aana manata-diananga a God huniꞌomu, na aana tolahana a Kraes hunie omu ke uure aꞌailaꞌa taraꞌasi.

Jemes 5:3

Mo kol na mo siliva iꞌomu kire rastaa aaela oto. Na rastaa aani ngeena kei ngeue hasiꞌomiu mala dunge ko weru, aena aana ikire oto kire kei unu tahangaꞌinie aana dinge ooreta uri omu takalo. Omu ko durue ue mo toꞌo-toꞌonga iꞌomu, taꞌe mo dinge ooreta oto ie.

Jemes 5:9

Omu ke suꞌuri upwesiꞌomu heiliu, maeni eesiku, mwaanie a God e leiꞌomu. Na leinge e karaꞌinie oto kei lae mai.

1 Pita 4:7

Maholo ie ko karaꞌinie oto haꞌamangolana ahutana walu ola. Oto omu ke loꞌo-loꞌongaꞌi diana na omu ke kinetaꞌinie tolahamiu mwaanie nga mei ola e waelie aarengaꞌinge iꞌomu.

Haataꞌinge 22:20

A Jisas, iini nge e unue uri mo ola ie kire toꞌohuu e unue noꞌone uuri, “Iau, e saꞌa tewa na ne kei ooli loꞌu mei.” Ke urine oto. O ke lae oto mai, Jisas.