Jemes 5:16 - Tataroha Diana

¹⁶ Aena urinena, nge omu ke haꞌahoue mo oorahaꞌaa iꞌomu oodoiꞌomu heiliu, na omu ke aarengaꞌi talamiu heiliu hunie omu ke awaa. Sulie aarengaꞌinge mwane oodotaꞌi e tohungei nanama, na e sai esuie mo ola paine.

Jemes 5:16 ပူးပေါင်းရင်းမြစ်များ

Matiu 21:22

Aana mala omu ko hiiwalaimoli toꞌohuu aana a God, taꞌe-taꞌena nga mei ola mala omu ko sukaa aani aarengaꞌinge, a God e sai niie mola huniꞌomu.”

Matiu 3:6

Mwala ngeena kire ko haꞌahoue oto mo oorahaꞌaa ikire, oto a Jon ko si loto maaꞌi aada i laona wai peine i Jodan.

Tataroha Diana I Sulie A Jisas Kraes Nge A Mak E Uusue 1:5

Na mwala hunge kire lae mai saana uure mwaanie i Jerusalem na taꞌena nga leu loꞌu aana poꞌo ni henue i Jiudia. Kire ko haꞌahoue oto mo oorahaꞌaa ikire, oto a Jon ko si loto maaꞌi aada i laona wai peine i Jodan.

Tataroha Diana I Sulie A Jisas Kraes Nge A Luk E Uusue 9:6

Oto mo hurulaꞌaa e tauleꞌi, kire ko si lae i sulie ahutana mo henue huni tarohaꞌinie Tataroha Diana, na kire ko haꞌa-uurie mwala aana taꞌena nga leu.

Tataroha Diana I Sulie A Jisas Kraes Nge A Jon E Uusue 9:31

Kie mani saie uri a God e kaꞌa sai rongo ike hunie kira oorahaꞌaala, taꞌe e sai rongo mola hunie mo iini kire manataꞌinie a God na ko deu i sulie saena.

Palonga 10:38

Na omu saie oto uri a God e lio hilisie a Jisas ni Nasaret na e da e toꞌo aana Liꞌoa Maaꞌi na nanamanga. Oto aena aana a God e iiꞌo susu peꞌie, a Jisas e lae-lae hailiu aana taꞌena nga leu, na e asuie mo ola diana, na e haꞌa-uurie mo iini nge kire iiꞌo i hahana nanamanga a Satan.

Palonga 19:18

Na mo iini hunge aana mo iini kire hiiwalaimoli kire lae mai naꞌona ahutana mwala, kire ko si haꞌahoue mo oorahaꞌaa kire dauꞌi keꞌu.

Palonga 8:24

Oto a Saemon ko teꞌuri hunie a Pita na a Jon, “More ke aarea God mwaanie nga mei ola aana mo ola more unuꞌi ngeena e hite aaku.”

Uusu-uusu A Pol Hurula'aa Hunie Mo Rom 3:10

Mala oto unulana e lae i laona mo Uusu-uusu Maaꞌi, Nga iini e kaꞌa oodotaꞌi ike, maꞌalana nga taꞌa-taꞌa iini na haꞌike loꞌu.

Uusu-uusu A Pol Hurula'aa Hunie Mo Rom 5:19

Iau, i tehulaꞌana taꞌa-taꞌa iinoni e haitohea God, nge ahutana mwala e neꞌi iinoni oorahaꞌaa oto. Na e urine noꞌone loꞌu, aana taꞌa-taꞌa iinoni e tola i sulie a God, oto ahutana mwala kire sai neꞌi iinoni oodotaꞌi oto i maana God.

Kolosi 1:9

Aena urinena, uure aana hai dinge melu rongoa tataroha i suliꞌomu, melu ko lae peꞌi aarengaꞌi talamiu. Na melu ko eitanaie a God uri omu ke sai diana aana nga taa a God e saetoꞌo aana omu ke asuie, na uri omu ke honu mola aana saenanaunge na lio sai-olanga a Liꞌoa Maaꞌi e sai niie hunikolu.

1 Tesalonaeka 5:17

na omu ke aarea God mola tarau.

1 Tesalonaeka 5:23

No ko aarea God nge ko nii-niie hanuelamanga hunikie uri ke da hunie omu ke iiꞌo maaꞌi taꞌingelu. Na no ko aarea hunie uri ke kinetaꞌiniꞌomu oto taꞌingelu, hunie loꞌongaꞌinge iꞌomu, na maurihaꞌamiu, na sapemiu ke mani iiꞌo sapemawa mwaanie taꞌena nga ola tataꞌala maholo Aalaha ikie a Jisas Kraes kei ooli loꞌu mei.

1 Tesalonaeka 5:25

Maeni eesiku maaꞌi, omu ke aarengaꞌi noꞌone talameelu.

Hibru 11:4

Aani hiiwalaimolinge mone, nge a Ebol e toolea mai nga uunu-olanga diana loꞌu liutaa aana uuraaꞌinge aasine, a Kein. Na aana a Ebol e hiiwalaimoli, nge a God e unue uri ingeie nga iinoni oodotaꞌi, na a God e si ilenimwaꞌe haahie uunu-olanga ingeie. Oto maꞌalana uri a Ebol e mae taane oto waite, taꞌe siꞌiri laladonga i sulie ko haꞌananaukie ue i sulie hiiwalaimolinge ingeie.

Hibru 11:7

Aani hiiwalaimolinge mone, nge a Noa e tola i sulie a God maholo a God e haꞌapasulie aana mo ola nge nga iini e kaꞌa leesiꞌi ue. Oto e asuie painehaꞌana haka huni haꞌa-uurie mo uluhei iinoni ingeie. Na aana e hiiwalaimoli aana God urine, nge e neꞌi iinoni oodotaꞌi i maana God, na e si haataꞌinie uri mwala aana pongine kire tohungei aaela liutaa, na e malisine oto a God ke haꞌamotaahire.

Hibru 12:13

Na omu ke huru i sulie tala e oodo, hunie mo iini nge ko lae mai purimiu ngeena nge hiiwalaimolinge ikire e kaꞌa susu ike ue, kire ke sai kohie tala na mwaanie kire lae takalo.

Hibru 13:18

Omu ke aarea God talameelu, aena aana melu saetoꞌo aana mola uri melu ke auꞌesuie mola taꞌena nga mei ola e oodo. Melu sai diana aana uri melu kaꞌa dau huꞌisie ike nga mei ola aaela, na melu saetoꞌo aana uri manatameelu ke taha mola urine taraꞌasi.

1 Pita 2:24

Oto maholo a Kraes e lae huni mae i lengine poꞌu-poꞌu e toolea noꞌone oto mo oorahaꞌaanga ikie i sapena. Haꞌaloilana e lae haahie mo oorahaꞌaanga ikie urine hunie kie ke mae mwaanie oorahaꞌaa, taꞌe kie ke mauri loꞌu huni iiꞌo oodotaꞌi taraꞌasi. Na i tehulaꞌana mo malaka i sapena ngeena, nge haꞌa-uurilaka e si lae.

1 Jon 3:22

Na a God kei niie mola nga taa kie ko sukaa aana, aena aana kie ko tola i sulie mo haꞌatolanga ingeie, na kie ko esuie mo ola e saetoꞌo aani.