Hibru 9:7 - Tataroha Diana

⁷ Taꞌe aana ruana nga duru, Naꞌohana Mo Naꞌohai Pris mola maraana haliꞌite e sai lae i laona, na e sai lae mola i laona hautaꞌai aana halisi. Na suli maholo ko sili i laona Hahuꞌana Leu Maaꞌi ngeena, nge ko too-toolea apune mo ola mauri peꞌie, aana e saꞌa sili ike i laona duru ngeena na e kaꞌa toolea nga mei epu. Oto ko uuraaꞌinie talana mo oorahaꞌaanga ingeie maraana, na talana mo oorahaꞌaanga nge mwala e dauꞌi na kire kaꞌa saiꞌi.

Hibru 9:7 ပူးပေါင်းရင်းမြစ်များ

Epesas 4:18

Saeda e rodohono oto toꞌohuu, na kire kaꞌa saie ike nga taꞌa-taꞌa mei ola. Kire iiꞌo haꞌataulie mau-meuringe toꞌohuu nge a God e niie, aena aana kire tohungei puꞌo, na kire iiꞌo ni saehaunge oto mola.

Hibru 10:3

Taꞌe e kaꞌa urine ike, na i suli helisi mo uunu-olanga kire ko euꞌesuiꞌi ngeena ko si lae peꞌi haꞌa-aamasitoꞌoa mola mwala aana mo oorahaꞌaa ikire.

Hibru 6:19

Aana haiholotaꞌinge a God ngeena domana oto uri nga hunata maꞌutaꞌa hunie maurihaꞌaka ni ngeena. Na hunata ngeena e kaꞌa sai ada loꞌu, aana a Jisas ni ngeena, na ingeie oto taꞌau aana tohungana leu maaꞌi i saana God.

Hibru 7:27

Na ingeie e kaꞌa urihana ike ngaeta mo naꞌohai pris nge kire ko uunu ola mola i suli hei dinge. Kire ko holaꞌi uunu ola kaꞌu honotana mo oorahaꞌaanga ikire maraada, nge kire ko si heꞌi uunu ola loꞌu honotana mo oorahaꞌaanga ahutana mwala. Taꞌe a Jisas e niie maraana aani uunu-olanga mola hautaꞌai huni tapa mousie oorahaꞌaanga ahutana mwala aana taꞌena nga maholo.

Hibru 9:3

Oto ruana nga duru ko iiꞌo hai purine sala hono-hono paine i leune na kire haaraꞌinie aana “Hahuꞌana Leu Maaꞌi.”