Hibru 9:26 - Tataroha Diana

²⁶ Mala uri a Kraes ke lae peꞌi deu urine suli maholo, haꞌalaa a Kraes ko talei sasapesalu mola hunge-hungaꞌa uure oto aana maholo a God e haꞌaholaa walumalau, lae mai hule siꞌiri. !Taꞌe haꞌike! E lae mai hule aaka mo iinoni hautaꞌai mola aana mo dinge ooreta ienini huni haꞌamangoa oorahaꞌaa aana e niie maurihaꞌana mala nga uunu-olanga i saana God.

Hibru 9:26 ပူးပေါင်းရင်းမြစ်များ

Matiu 13:39

na maelonga nge e tataaꞌinie mo rea ingeie oto a Satan. Na soꞌokoninge oto haꞌamangolana walumalau, na mo iini ko soꞌokoni oto mo ensel.

Matiu 13:40

Mala soꞌokonilana mo rea na uunu-aasileni e lae kaꞌu laloi dunge, nga taa kei reu aana haꞌamangolana walumalau eena.

Matiu 25:34

“Oto ineu, a Inemauri, ne ke si unue hunie mo iini oodotaꞌi nge ikire i pwalo-pwaloku uuri, ‘Omu ke lae mai mo iini nge a Mamaꞌa e niie haꞌadianaꞌanga ingeie oto huniꞌomu. Omu ke hele huu oto namiu aana aalahanga nge a Mamaꞌa e dau aakau aana loosiꞌomu, uure oto aana haꞌaholalana walumalau.

Tataroha Diana I Sulie A Jisas Kraes Nge A Jon E Uusue 1:29

Oto hai dinge loꞌu mola i purine, a Jon e leesie a Jisas ko lae mai saana, oto ko si teꞌuri, “!Lio kaꞌu! A mwane ngeena, ingeie oto Kalei Sipu a God, aena aana ingeie ni ko taꞌaasie oorahaꞌaa aana walumalau.

Tataroha Diana I Sulie A Jisas Kraes Nge A Jon E Uusue 17:24

“Mamaꞌa, nou saetoꞌo aana mo iini nge o maire oto nakue, kire ke iiꞌo oto peꞌieu aana leu no ko iiꞌo aana. Saeku hunie uri kire ke leesie manikuluhaꞌaku, mei menikuluꞌanga nge o niie nakue aana o manata diana hunieu oto wai naꞌona haꞌaholalana walumalau.

1 Korinit 10:11

Walu ola ienini e rau aada huni haꞌapasulikie mo iini kie ko meu-meuri ue siꞌiri aana mo dinge ooreta. Na uusuleni e lae oto huni haꞌananaukie.

Kalesia 4:1

Ne ke heꞌi ere luhesie loꞌu mola uuri. Maholo mwela e mwai-mwei ue, e saꞌa hele aana ike ue toꞌo-toꞌolana aamana. Na maꞌalana uri aamana e mae oto na e toꞌo aana taane oto walu ola ngeena, taꞌe mwala aaopa kire kei haro lio i sulie mwela ngeena mala ngaeta koni-konihe mola.

Epesas 1:10

Na haꞌa-oalaꞌinge a God ngeena ke si oa aana tohungei maholo hunie, huni tarakonie mai i saana Kraes taꞌe-taꞌena nga ola i laona haꞌaholanga, maꞌalana mo ola taꞌau i Lengi na mo ola mai aano i leu. Na a Kraes oto kei peine haahiꞌi.

Epesas 5:2

Manata-diananga oto ke paine i laona mau-meuringe iꞌomu, mala a Kraes e manata diana hunikie na e toliꞌaasie maraana hunie ke mae honotaka. Maenga ingeie hunikie e urihana nga uunu-olanga huni taꞌaasie oorahaꞌaa ikie, na a God e ilenimwaꞌe oto liutaa haahie, mala iinoni ko ilenimwaꞌe haahie dango wau-wesu nge e tohungei wesu mangoni.

Taetas 2:14

aana e toliꞌaasie maraana hunie ke mae honotaka, na hunie ke tola aalihoꞌi aaka mwaanie mo oorahaꞌaanga ikie. E haꞌarereꞌakie oto hunie kie ke neꞌi iinoni oto ingeie, hunie kie ke tohungei iiꞌo oodotaꞌi aani esuilana mo ola diana oto tarau.

Hibru 1:2

Taꞌe aana mo dinge ooreta ienini, a God e uusungeꞌinie mai a Kalena hunie ke houleꞌinie walana hunikie. A Kalena oto e haꞌaholaa walumalau ienini na ingeie oto kei toꞌo aana walumalau peꞌie taꞌena nga ola i lalo aana, i sulie oalaꞌinge a God ni otona.

Hibru 10:10

Oto a Jisas Kraes e asuie nga taa a God e saetoꞌo aana hunie ke asuie, nge e toliꞌaasie sapena maraana hunie ke mae mala nga uunu-olanga mola hautaꞌai. Na aena urinena nge e si da kie neꞌi iinoni oodotaꞌi i maana God.

Hibru 10:12

Taꞌe a Kraes e asuie mola taꞌa-taꞌa uunu-olanga, na uunu-olanga ingeie ngeena e toꞌo aana nanamanga huni taꞌaasie mo oorahaꞌaa oto taraꞌasi. Oto e asu mangoa uunu-olanga ngeena, e si lai iiꞌo aana naꞌohai iiꞌo-iiꞌoha i pwalo-pwalona God. Sam 110:1

Hibru 10:26

Kie manataꞌinie kaꞌu oto walaimolinge aana Kraes, taꞌe mala uri kie kei lae peꞌi esuie loꞌu mola walu ola aaela i purine kie saie leune urine, nge nga uunu-olanga huni taꞌaasie mo oorahaꞌaa urine haꞌike loꞌu.

Hibru 10:4

Aena aana e tohungei aasa hunie uri apune puluke wa nanikot kei taꞌaasie mo oorahaꞌaanga ngeena.

Hibru 4:3

Aana ikie mo iini kie hiiwalaimoli haꞌalaa kie sai sili aana leu ni mamalo nge a God e haiholotaꞌinie ngeena. Taꞌe mo iini kire kaꞌa hiiwalaimoli ngeena, a God e ere i sulire uuri, “Nou tohungei saewasulire oto hule aana nou tohe uuri, ‘Kire saꞌa roroꞌa hule ike aana leu ni mamalo nge nou deu aakau aana loosire.’ ” A God e unue leune maꞌalana uri e haꞌamangoa taane oto leu ni mamalo ngeena uure oto i naꞌo aana maholo e haꞌaholaa walumalau.

Hibru 7:27

Na ingeie e kaꞌa urihana ike ngaeta mo naꞌohai pris nge kire ko uunu ola mola i suli hei dinge. Kire ko holaꞌi uunu ola kaꞌu honotana mo oorahaꞌaanga ikire maraada, nge kire ko si heꞌi uunu ola loꞌu honotana mo oorahaꞌaanga ahutana mwala. Taꞌe a Jisas e niie maraana aani uunu-olanga mola hautaꞌai huni tapa mousie oorahaꞌaanga ahutana mwala aana taꞌena nga maholo.

Hibru 9:12

A Kraes e lai sili mola hautaꞌai i laona tohungana leu maaꞌi, na e kaꞌa toolea ike apune nga nanikot wa nga puluke mala uunu-olanga ingeie hunie a God. Taꞌe e toolea apune oto maraana, nge e sai haꞌa-uurie taꞌena nga iinoni aana taꞌena nga maholo mwaanie mo oorahaꞌaa ingeie.

Hibru 9:14

!Taꞌe apune a Kraes e nanama loꞌu liutaa! Aana nanamanga a Liꞌoa Maaꞌi nge e iiꞌo huu oto tarau, a Kraes e niie maurihaꞌana maraana hunie a God mala nga uunu-olanga e oodotaꞌi. Na apune ko hoda rereꞌa aana manataka, hunie kie ke toliꞌaasie mo tolahai ola aaela nge kie sai maesiꞌi, na hunie kie ke asu nana God Mau-meuriꞌe.

1 Pita 1:20

Maholo na a God e kaꞌa haꞌaholaa ue walumalau, e pwani lio hilisie oto a Kraes hunie ke haꞌa-uuriꞌomu urine. Na aana maholo ienini nge e kaꞌa tewa oto hunie walumalau kei mango, a Kraes e pwani lae oto mai huni esuie leune huniꞌomu.

1 Pita 2:24

Oto maholo a Kraes e lae huni mae i lengine poꞌu-poꞌu e toolea noꞌone oto mo oorahaꞌaanga ikie i sapena. Haꞌaloilana e lae haahie mo oorahaꞌaanga ikie urine hunie kie ke mae mwaanie oorahaꞌaa, taꞌe kie ke mauri loꞌu huni iiꞌo oodotaꞌi taraꞌasi. Na i tehulaꞌana mo malaka i sapena ngeena, nge haꞌa-uurilaka e si lae.

1 Pita 3:18

Aamasitoꞌo kaꞌu aana uri a Kraes e sapesalu na hule aana e mae. Ingeie, e kaꞌa mae ike i tehulaꞌana nga mei ola aaela e asuie, aana ingeie iini oodotaꞌi a God, taꞌe e mae mola honotaka mo iinoni kie kaꞌa oodotaꞌi. E mae hautaꞌai hunie ke toolekie aalihoꞌi loꞌu mei i saana God, taꞌe Liꞌoa Maaꞌi a God e taꞌe aalihoꞌi loꞌu aana hunie maurihe huu, na e saꞌa roroꞌa ni mae loꞌu.

1 Pita 4:7

Maholo ie ko karaꞌinie oto haꞌamangolana ahutana walu ola. Oto omu ke loꞌo-loꞌongaꞌi diana na omu ke kinetaꞌinie tolahamiu mwaanie nga mei ola e waelie aarengaꞌinge iꞌomu.

1 Jon 3:5

Omu manataꞌinie oto uri a Kraes e lae mai huni taꞌaasie oorahaꞌaa, na uri ingeie maraana nga mei oorahaꞌaanga haꞌike aana.

1 Jon 3:8

Taꞌe iini nge ko oora-oorahaꞌaa oto mola, iini a Pwelu Eero-eero eena, aena aana a Pwelu Eero-eero ingeie e uure ni oorahaꞌaala oto mai aehotalana. Na Kalena God e lae oto mai huni oho aasie mola mo esunge a Pwelu Eero-eero ngeena.

Haataꞌinge 13:8

Ahutana mwala ni welumalau kire kei paloa ola loo-looꞌa ngeena, taꞌe mo iinoni a God haꞌike, aana Kalei Sipu nge horoꞌilana e lae e uusue satada oto i laona uusu-uusu ni meurihe ingeie oto wau i naꞌona haꞌaholalana walumalau.

Haataꞌinge 17:8

“Oto o ke saie uri ola loo-looꞌa ngeena, ingeie iini e mauri keꞌu waite, taꞌe ie e aiꞌaa oto. Kei maau taane poi mwaanie kalinge ni haꞌamotaahinge ngeena, taꞌe kei lae mola i sulie tala takoie haꞌamangolana. Mwala aana walumalau kei tohungei pangataꞌinie aana maholo kire kei leesie uri e mauri loꞌu, aena aana e mauri keꞌu waite, na e aiꞌaa oto ie, na kei heꞌi meuri loꞌu. Mwala nge kei pangataꞌinie mo iini mola nge uusulana satada e kaꞌa lae ike i laona uusu-uusu ni meurihe uure oto wau aana aehotalana walumalau.”