Hibru 9:24 - Tataroha Diana

^24-25 Aana a Kraes e hahuꞌei lai sili oto taꞌau i Lengi peꞌie apune maraana mala tohungei uunu-olanga e diana liutaa ngeena, na e iiꞌo oto i saana God huni peꞌikie aana maholo ienini. A Kraes e kaꞌa lae ike i sili i laona leu maaꞌi nge ninimei iinoni mola e asuie, aana leune nunune mola tohungana leu maaꞌi taꞌau i Lengi. Na e kaꞌa sili ike taꞌau i Lengi aana mo maholo hunge huni ooni aana niilana maurihaꞌana mala nga uunu-olanga i saana a God. !Haꞌike! Taꞌe a Kraes e asuie tohungei uunu-olanga ngeena mola hautaꞌai, na e kaꞌa asuie ike mala Naꞌohana Mo Naꞌohai Pris ko euꞌesuie i suli helisi, aana e sai lae sili i laona Hahuꞌana Leu Maaꞌi huni uuraa-uuraaꞌinie apune mo ola mauri nge uunu-olanga e lae aani ngeena.

Hibru 9:24 ပူးပေါင်းရင်းမြစ်များ

Matiu 18:10

Oto a Jisas ko heꞌi teꞌuri loꞌu, “Omu ke lio talamiu mwaanie omu lio tolingeꞌinie nga kele iini aana mo iini e hiiwalaimoli eeku. Aana no ko unue oto huniꞌomu uri ikire kire toꞌo aana mo ensel huni kakalire, na mo ensel ngeena kire sai ere mola peꞌie Aamaku i Lengi aana taꞌena nga maholo.

Tataroha Diana I Sulie A Jisas Kraes Nge A Mak E Uusue 14:58

“Melu rongoa e unue uuri, ‘Ne kei ohoie Nume Maaꞌi Peine nge mwala kire asuie ie, na i laona oolu aata hai dinge ne kei esuie loꞌu nga iini haalu nge nga iinoni saꞌa asuie ike.’ ”

Tataroha Diana I Sulie A Jisas Kraes Nge A Mak E Uusue 16:19

Oto i purine Aalaha ikie a Jisas e ere mango urine peꞌire, a God e tahelaꞌinie oto taꞌau i Lengi na e lai iiꞌo oto aana iiꞌo-iiꞌoha paine i pwalo-pwalona God.

Tataroha Diana I Sulie A Jisas Kraes Nge A Luk E Uusue 24:51

Maholo ko ere-ere ni haꞌadianaꞌara ue, na ko oopa oto mwaanire aana a God e tahelaꞌinie oto taꞌau i Lengi,

Tataroha Diana I Sulie A Jisas Kraes Nge A Jon E Uusue 16:28

Nou uure kaꞌu mei mwaanie a Mamaꞌa, nge nou si lae mai laona walumalau. Oto ie no ko hoꞌalaꞌi oto loꞌu mwaanie walumalau, na no ko lae oto i saana a Mamaꞌa.”

Tataroha Diana I Sulie A Jisas Kraes Nge A Jon E Uusue 6:62

?Taꞌe nga taa nge omu kei loꞌongaꞌinie aana maholo omu kei leesieu a Kale Ni Iinoni kei tahelaꞌi taꞌau i Lengi takoie leu nge nou uure aana?

Palonga 3:21

Ingeie kei iiꞌo kaꞌu taꞌau i Lengi hule aana maholo a God kei haꞌahaalue ahutana walu ola, mala e unue kaꞌu oto waite aana mo propet maaꞌi ingeie.

Uusu-uusu A Pol Hurula'aa Hunie Mo Rom 8:33

?A tei ni kei roroꞌa uusuikie haahie mei oorahaꞌaa? ?Uri a God? !Haꞌike oto ooꞌoo! Ikie mo iini nge a God e lio hilisikie oto, na a God maraana oto e unue uri kie oodotaꞌi mola.

2 Korinit 5:1

Kie ko oꞌoꞌo mola mai laona walumalau peꞌie mei sape mamaelaꞌa nge hule aana e kaꞌa sai iiꞌo tewa ike, na e urihana mola iiꞌonga aana mo aapa-aapa i meꞌesu. Na maholo oho-aasilana mo aapa-aapa ngeena kei lae, nge kie ke si lae hunie mo nume diana oto liutaa. Aana kie saie uri a God e dau aakau aana mei sape diana liutaa naka huni iiꞌo aana taꞌau i Lengi, ola ingeie maraana e asuie na iini kei iiꞌo oto huu.

Kolosi 3:2

Omu ke suꞌuri neꞌi-neꞌisae mola aana mo ola aana walumalau ie, taꞌe omu ke neꞌisae paine aana mo ola taꞌau i Lengi.

Hibru 1:3

Ingeie oto raa-raa nge ko haataꞌinie manikuluhaꞌana a God, na ingeie oto ko haataꞌinie walu ola i sulie a God, aana kirerue tohungei sada. Kalena God oto ko hele maꞌutaꞌa aana walumalau aana walana nge e nanama. Na maholo e asu mangoa oto tala hunie saeꞌaasilana mo oorahaꞌaa ikie, nge e si lai iiꞌo aana naꞌohai iiꞌo-iiꞌoha i pwalo-pwalona God, Sam 110:1 iini nge ko iiꞌo taꞌau i Lengi na e manikuluꞌe oto liutaa.

Hibru 12:2

Kie ke lae peꞌi lio hahuroto aana a Jisas uri ingeie ni e aehotaa mei hiiwalaimolinge ikie, na ingeie oto ko lio i sulie hiiwalaimolinge ikie lai hule aana haꞌamangolana. Maꞌalana maenga i lengine poꞌu-poꞌu mei ola ni masanga oto paine, taꞌe ingeie e neꞌisae mwai-mweisie mola masanga ngeena na e lae peꞌi aꞌailaꞌa mola maꞌalana kire horoꞌie i lengine poꞌu-poꞌu urine. Ingeie oto e mwaꞌe-mwaꞌe ni mae urine aena aana e neꞌisae paine oto haahie ilenimwaꞌenga nge kei hele aana mai puri, na aana maholo ienini, e iiꞌo oto i pwalo-pwalona God huni aalaha peꞌie.

Hibru 4:14

Kie toꞌo aana oto nga Hahuꞌana Naꞌohai Pris nge e nanama liutaa, na e lae oto i laona Hahuꞌana Leu Maaꞌi taꞌau i Lengi, na ingeie oto a Jisas, Kalena God. Oto kie ke hele maꞌutaꞌa aana hiiwalaimolinge aana.

Hibru 6:20

Na e holaꞌi lae oto taꞌau i naꞌoka hunie uri ikie kie ke lae noꞌone taꞌau. Aana a Jisas oto Hahuꞌana Naꞌohai Pris oto mala a Melkisedek, na kei iiꞌo huu oto urine hunie ke aiꞌeitanaie a God talaka.

Hibru 8:2

Ingeie ko esu mala Hahuꞌana Naꞌohai Pris i laona tohungei leu maaꞌi ngeena, i laona tohungei nume maaꞌi taꞌau i Lengi nge nga iinoni e kaꞌa asuie ike, taꞌe a God nge e asuie.

Hibru 8:5

Asunge ikire mala mo pris ngeena ola domana mola nunune nga taa e toꞌohuu oto taꞌau i Lengi ni ngeena. Na kie saie oto leune, aena aana maholo a God e unue uri a Mosis ke asuie nume maaꞌi susulu, nge e haꞌapasulie oto uuri, O ke ariꞌapasie oto uri o ke asuie walu ola ke tohungei sada oto mala nga taa nou haataꞌinie aamu taꞌau i lengine toloi henue. Eksodas 25:40

Hibru 9:1

Maholo a God e niie eetana nga haiholotaꞌinge ngeena hunie a Mosis, e unu tahangaꞌinie oto ngaeta mo haꞌatolanga huni lulu i suliꞌi aana maholo ni palonga. Na e unue uri kire ke asuie noꞌone nga nume ni palo-palo kire sai sulu heiliu aana, ola asuilana ke lae mola aana mo ola ni welumalau na aani ninimei iinoni.

Hibru 9:23

Oto aena leune mone, e malisine oto haꞌamaaꞌilana walu ola ngeena ke lae aana apune mo ola mauri nge uunu-olanga e lae aani. Taꞌe walu ola nge erenga e si lae i suliꞌi ngeena, ola domana mola nunune mo tohungei ola taꞌau i Lengi. Oto mo tohungei ola taꞌau i Lengi, haꞌamaaꞌilana e lae aana uunu-olanga nge e tohungei diana loꞌu liutaa. Na apune a Kraes ni otona.

Hibru 9:9

Walu ola ngeena domana mola nga nunui ola huni haataꞌinie loꞌongaꞌinge aana nga taa ko reu-reu aana maholo ienini. Aana mo uuraaꞌinge na mo uunu-olanga nge mo pris kire lae peꞌi euꞌesuiꞌi hunie a God, kire saꞌa roroꞌa ni esuie ike manatana iinoni ko palo-palo ngeena hunie ke rereꞌa na ke oodotaꞌi.

1 Pita 3:22

A Jisas e tahelaꞌi oto i Lengi, na e iiꞌo oto i pwalo-pwalona God aana leu e nanama oto liutaa. Na aana a Jisas e toꞌo aana iiꞌo-iiꞌoha oto paine ngeena, nge ko aalaha oto haahie mo ensel na mo aakalo na mo inemauri na mo aalaha, na haahie taꞌena nga ola e nanama loꞌu.

Haataꞌinge 8:3

Oto ngaeta ensel e lae loꞌu mei, e lae mai uure i saana ora ni uunu-uunu ola nge e iiꞌo i naꞌona naunekume. Na e hele aana kao-kao kol aani dango wau-wesu, na kire niie loꞌu hunie nga mo dango wau-wesu huni uunuꞌi peꞌie mo aarengaꞌinge mwala maaꞌi a God. Oto ensel ngeena e uunuꞌi oto i lengine ora aani kol ngeena,