Hibru 9:14 - Tataroha Diana

¹⁴ !Taꞌe apune a Kraes e nanama loꞌu liutaa! Aana nanamanga a Liꞌoa Maaꞌi nge e iiꞌo huu oto tarau, a Kraes e niie maurihaꞌana maraana hunie a God mala nga uunu-olanga e oodotaꞌi. Na apune ko hoda rereꞌa aana manataka, hunie kie ke toliꞌaasie mo tolahai ola aaela nge kie sai maesiꞌi, na hunie kie ke asu nana God Mau-meuriꞌe.

Hibru 9:14 ပူးပေါင်းရင်းမြစ်များ

Matiu 12:28

Taꞌe ineu, no ko oohe aasie mo liꞌoa aaela aana nanamanga a God. Na leune e haataꞌi diana aana oto uri Aalahanga a God e hule oto i seemiu.”

Matiu 16:16

Oto a Saemon Pita ko aalamie uuri, “Iꞌoe oto a Kraes, Kalena God Mau-meuriꞌe.”

Matiu 20:28

Mala oto ineu a Kale Ni Iinoni nou kaꞌa lae ike mai hunie uri mwala ke asu nekue, taꞌe nou lae mai huni neꞌi koni-konihe nana mwala, na huni niie maurihaꞌaku i tehulaꞌana mwala hunge, na huni holi eelihoꞌi aana mwala hunge.”

Matiu 7:11

Iꞌomu mo iinoni oorahaꞌaa, taꞌe hule aana omu sai niie mo ola diana hunie mo mwela iꞌomu. ?Ilisie Aamamiu i Lengi iini e diana liutaa aana taꞌena nga iinoni, uri e saꞌa nii liutaa aana mo ola diana hunie nga mo iini ko suke aana?

Tataroha Diana I Sulie A Jisas Kraes Nge A Luk E Uusue 1:74

Aana e haiholotaꞌi uri kei haꞌa-uurikie mwaanie mo maelonga ikie, mwaanie kie maꞌuteꞌinire. Taꞌe kie ke asu mamanutoꞌo mola nana,

Tataroha Diana I Sulie A Jisas Kraes Nge A Luk E Uusue 12:24

Omu ke leesie kaꞌu mo menu ko loo-loho hailiu ngeena. Kire kaꞌa auꞌesu hohola, wa uri kire ke soꞌo-soꞌokoni huni duruꞌi. Taꞌe a God ko haꞌa-haꞌangaure taane. !Ilisie iꞌomu mo iinoni! Omu roroꞌa liutaa aana mo menu i maana a God.

Tataroha Diana I Sulie A Jisas Kraes Nge A Luk E Uusue 12:28

Mo ei tataka ngeena, mo ola kaꞌa oꞌoꞌo tewa ike noꞌone. Kire ko eehurara mola i matana hoꞌowa, na i seulehi kire ko nunulu oto loꞌu, na mwala ko aasiꞌi mola i laona dunge. ?Oto mala a God ko haꞌatoꞌonie mo takai ei ngeena, ohe omu unue uri a God e saꞌa nii toꞌoni ike haahiꞌomu? !Hiiwalaimolinge iꞌomu e lae otoi mwei-mwei hiitoꞌo!

Tataroha Diana I Sulie A Jisas Kraes Nge A Luk E Uusue 4:18

Liꞌoa Maaꞌi a God oto peꞌieu, aena aana e lio hilisieu huni tarohaꞌinie Tataroha Diana hunie mo iinoni meitale. E uusungeꞌinieu huni tarohaꞌinie uri mo iini kire hoꞌosire i nume ni hoꞌo uri kire ke iiꞌo luhetaꞌi oto, na huni haꞌarongoa mo ulu uri kire ke lio loꞌu, Aesaea 61:1 na huni unue hunie mo iini kire iiꞌo i mamalutana mwala e sai haꞌamweꞌu-mweꞌu uri kire ke iiꞌo luhetaꞌi loꞌu, Aesaea 58:6

Tataroha Diana I Sulie A Jisas Kraes Nge A Jon E Uusue 3:34

Aana iini nge a God e uusungeꞌinie mai uure taꞌau i Lengi ngeena ko unu-unue walana God oto tarau, aena aana a God e nii taꞌingelu aana Liꞌoa Maaꞌi ingeie oto hunie.

Palonga 1:2

lai hule oto aana hai dinge a God e tola aalihoꞌi aana loꞌu taꞌau i Lengi. Oto i naꞌona e tahelaꞌi eelihoꞌi taꞌau i Lengi, e ere aana nanamanga aana Liꞌoa Maaꞌi na ko haꞌananaue mo iini e lio hilisire mala mo hurulaꞌaa.

Palonga 10:38

Na omu saie oto uri a God e lio hilisie a Jisas ni Nasaret na e da e toꞌo aana Liꞌoa Maaꞌi na nanamanga. Oto aena aana a God e iiꞌo susu peꞌie, a Jisas e lae-lae hailiu aana taꞌena nga leu, na e asuie mo ola diana, na e haꞌa-uurie mo iini nge kire iiꞌo i hahana nanamanga a Satan.

Palonga 14:15

“!Mwae! ?E ue ni omu ko teꞌurine? Iꞌemereꞌi mere sada mola mala iꞌomu. Taꞌe mere lae mola mai huni tarohaꞌinie Tataroha Diana hunie omu ke toliꞌaasie mola mo nunui ola mwaakule urine, na hunie omu ke aaliꞌu takoie God Mau-meuriꞌe. Aana ingeie mone e haꞌaholaa salo, na aano huu, na aasi, na walu ola nge ko oꞌoꞌo i lalo aani.

Palonga 15:9

E kaꞌa asuie ike nga mei ola ke aaopa i matolakaelu. E taꞌaasie mo oorahaꞌaanga mo Aapoloa Aaopa aena kire hiiwalaimoli mala e asuie kaꞌu aakaelu mo Jiu.

Uusu-uusu A Pol Hurula'aa Hunie Mo Rom 1:20

E toꞌohuu taane uri iinoni e kaꞌa sai leesie ike a God, taꞌe uure oto i naꞌo aana haꞌaholalana walumalau, na mwala ko lee-leesie walutana nga ola e asuiꞌi. Oto i leune kire si lio saie mola nanamanga huu ingeie na tolahana e maaꞌi, aana leesileni ko tohungei lae matapwa oto hiitoꞌo aana walu ola nge a God e haꞌaholaꞌi ngeena. Oto mwala urine ngeena, nga mei ola hunie kire ke unue na haꞌike loꞌu.

Uusu-uusu A Pol Hurula'aa Hunie Mo Rom 11:12

A God e niie oto dianahaꞌana mo ola nana mo Aapoloa Aaopa maholo mo Jiu kire dau tekelaꞌinie oalaꞌinge a God aana kire sereꞌinie Tataroha Diana a Kraes. ?Taꞌe nga taa kei reu maholo mo Jiu kire kei hiiwalaimoli aana, na kire kei haꞌa-oaie neꞌisaenga a God? !Nou saie a God kei tohungei haꞌadianaꞌaa ahutana mwala aana walumalau loꞌu liutaa!

Uusu-uusu A Pol Hurula'aa Hunie Mo Rom 11:24

A God e lae peꞌi ladoꞌomu mola peꞌie tohungei ei diana ngeena, maꞌalana uri e aasa aana omu uure mola mwaanie ai ni meꞌesu. Aena urinena, kei mwadaꞌu mola hunie a God kei lado aalihoꞌi aana mo Jiu, nge kire urihana mo sasarai ola toꞌohuu aana tohungei ei diana ngeena.

Uusu-uusu A Pol Hurula'aa Hunie Mo Rom 6:13

Na mwaanie omu toitoliꞌaasie nga leu aana sapemiu e asuie loꞌu nga mei ola aaela wa ke neꞌie loꞌu mei sape huni euꞌesuie oorahaꞌaa. Taꞌe omu ke toliꞌaasiꞌomu oto taꞌingelu mola hunie a God mala mwala e mae kaꞌu mwaanie tolahai ola aaela na kire heꞌi meuri loꞌu huni esu nana. Oto omu ke niie ahutana mo aapa aana sapemiu hunie a God ke asuie walu ola diana aani.

Uusu-uusu A Pol Hurula'aa Hunie Mo Rom 6:22

Taꞌe ienini, a God e haꞌa-uuriꞌomu oto mwaanie nanamanga aana oorahaꞌaa, na e da oto omu ke neꞌi iinoni euꞌesu nana. Na hue-huana leune oto maurihaꞌamiu ko neꞌi ola maaꞌi oto, na omu ko helesie oto maurihe huu.

1 Korinit 15:45

Loꞌongaꞌi keꞌu i sulie Uusu-uusu Maaꞌi nge e unue uuri, A God e haꞌaholaa a Adam hunie ke neꞌie eetana nga iinoni, mango e si niie mauringe hunie. Jenesis 2:7 Oto a Jisas e urihana a Adam noꞌone aana e neꞌie eetana nga iinoni aana haꞌaholanga haalu, taꞌe e aaopa mwaanie a Adam aana ingeie oto liꞌoa e sai niie mauringe hunie iinoni.

2 Korinit 5:21

A Kraes ingeie e kaꞌa toꞌo aana ike nga mei oorahaꞌaanga, taꞌe a God e da mola hunie ke toꞌo aana mo oorahaꞌaanga ikie mo iini kie lado toꞌohuu peꞌie a Kraes, hunie ikie noꞌone kie ke si toꞌo aana oodotaꞌinge ingeie.

2 Korinit 6:16

?Wa mo liꞌoa aaela kei iiꞌo i laona nume maaꞌi a God uri taa? Oto kie ke suꞌuri hata-hata peꞌie mo iini kire kaꞌa hiiwalaimoli, aana ikie oto nume maaꞌi a God Meu-meuriꞌe. Iau, kie neꞌie oto nume maaꞌi a God, aana a God maraana e unue uuri, Ne kei iiꞌo oto peꞌie mwala ineu, na ne kei aawe-aawe oto i matolada. Ne kei neꞌie oto God ikire, na ikire kire kei neꞌie oto mwala ineu. Levitikas 26:12

Kalesia 2:19

“Taꞌe nou saꞌa teꞌurine loꞌu, aena aana maholo nou eriꞌapasie lulu i sulilana mo Haꞌatolanga, nge nou si lio saie uri e aasa hunie ne ke dau oodoie oodo-oodonga i maana God urine. Oto e urihana nou mae oto hatarie mo Haꞌatolanga aana nou toliꞌaasiꞌi oto, na ienini no ko meuri oto mola nana God. Nou mae oto peꞌie a Kraes i lengine poꞌu-poꞌu ingeie.

Epesas 2:5

Na aena mei olana maholo kie mae kaꞌu i tehulaꞌana mo heitohenga ikie, ingeie e si da kie ke mauri tararuru peꞌie a Kraes. Oto niinge a God mone e haꞌa-uuriꞌomu,

Epesas 5:2

Manata-diananga oto ke paine i laona mau-meuringe iꞌomu, mala a Kraes e manata diana hunikie na e toliꞌaasie maraana hunie ke mae honotaka. Maenga ingeie hunikie e urihana nga uunu-olanga huni taꞌaasie oorahaꞌaa ikie, na a God e ilenimwaꞌe oto liutaa haahie, mala iinoni ko ilenimwaꞌe haahie dango wau-wesu nge e tohungei wesu mangoni.

1 Tesalonaeka 1:9

Ahutana mwala ngeena ko meni ere i sulie oto diananga iꞌomu huniꞌemeelu maholo melu maatoliꞌomu, na uri omu eeliꞌu oto mwaanie palolana mo god eero-eero takoie asunge nana tohungei God Meu-meuriꞌe.

1 Timoti 1:17

Oto kie ko tohungei paalahea Inemauri nge e iiꞌo huu, e saꞌa roroꞌa mae ike loꞌu, kie kaꞌa sai leesie ike aani maa. Taꞌe ingeie mola e neꞌi tohungei God, ahutaka mo iinoni kie ke haꞌamaꞌu aana kie ke soi haꞌamanikuluꞌaa oto di, oto di. !Iau, ke urine oto!

1 Timoti 3:15

mwaanie nga mei ola e uure honosieu. Oto uusu-uusu ie ke haataꞌinie huniꞌo tolahai iinoni diana aana uluhe iinoni a God. Na uluhe ngeena oto soihaadaꞌinge a God Mau-meuriꞌe, na ikie oto soihaadaꞌinge ngeena. Ikie oto kie ko kakalie walaimolinge i sulie a God, hunie walaimolinge ngeena ke uure maꞌutaꞌa mala poo-pootana nume.

Taetas 2:14

aana e toliꞌaasie maraana hunie ke mae honotaka, na hunie ke tola aalihoꞌi aaka mwaanie mo oorahaꞌaanga ikie. E haꞌarereꞌakie oto hunie kie ke neꞌi iinoni oto ingeie, hunie kie ke tohungei iiꞌo oodotaꞌi aani esuilana mo ola diana oto tarau.

Hibru 1:3

Ingeie oto raa-raa nge ko haataꞌinie manikuluhaꞌana a God, na ingeie oto ko haataꞌinie walu ola i sulie a God, aana kirerue tohungei sada. Kalena God oto ko hele maꞌutaꞌa aana walumalau aana walana nge e nanama. Na maholo e asu mangoa oto tala hunie saeꞌaasilana mo oorahaꞌaa ikie, nge e si lai iiꞌo aana naꞌohai iiꞌo-iiꞌoha i pwalo-pwalona God, Sam 110:1 iini nge ko iiꞌo taꞌau i Lengi na e manikuluꞌe oto liutaa.

Hibru 10:10

Oto a Jisas Kraes e asuie nga taa a God e saetoꞌo aana hunie ke asuie, nge e toliꞌaasie sapena maraana hunie ke mae mala nga uunu-olanga mola hautaꞌai. Na aena urinena nge e si da kie neꞌi iinoni oodotaꞌi i maana God.

Hibru 10:12

Taꞌe a Kraes e asuie mola taꞌa-taꞌa uunu-olanga, na uunu-olanga ingeie ngeena e toꞌo aana nanamanga huni taꞌaasie mo oorahaꞌaa oto taraꞌasi. Oto e asu mangoa uunu-olanga ngeena, e si lai iiꞌo aana naꞌohai iiꞌo-iiꞌoha i pwalo-pwalona God. Sam 110:1

Hibru 10:2

Mala uri taungei uunu-olanga ngeena ke toꞌo aana nga nanamanga toꞌohuu huni haꞌarereꞌaa mwala mwaanie oorahaꞌaa, haꞌalaa kire saꞌa roroꞌa ni esuie loꞌu nga mei uunu-olanga urine, aena aana kire kei iiꞌo rereꞌa taraꞌasi oto na manatada kei taha oto mwaanie nga mei oorahaꞌaa.

Hibru 11:21

Aani hiiwalaimolinge mone, maholo a Jekob karaꞌinie oto kei mae, e hele aana apaꞌa ingeie e si paloa God, na ko eitanaie a God talana e ro weuwana, e ro kalena Josep, uri ke haꞌadianaꞌararue.

Hibru 13:12

Na a Jisas e urine noꞌone, aana e mae poꞌoi sinaha aana huilume uri huni haꞌarereꞌaa mwala ingeie mwaanie oorahaꞌaa oto aana apune maraana.

Hibru 3:12

Maeni eesiku maaꞌi, omu ke mani kinetaꞌiniꞌomu mwaanie mo neꞌisaenga tataꞌala na mo neꞌisaenga rue-ruaꞌa, mwaanie nga iini eemiu e aatopuri aana a God Mau-meuriꞌe.

Hibru 6:1

Aena urinena, kie ke lae taraꞌasi keꞌu i sulie mo saenanaunge ni rato. Mwaanie kie ere-ere tarau mola aana mo haꞌa-uusulinge kie holaꞌi rongoꞌi i sulie a Kraes taꞌe kie ke haitalea loꞌu mo saenanaunge kokoro i sulie. Kie ke suꞌuri ere-ere tarau mola aana mo naꞌohai haꞌa-uusulinge kie aehota aani oto i naꞌo mala oonisaenga mwaanie tala takoie maenga, na haꞌa-uusulinge i sulie hiiwalaimolinge aana a God.

Hibru 7:16

Na e kaꞌa neꞌi pris ike i sulie mo Haꞌatolanga wai naꞌo nge ko ere mola i sulie komu uri taa e uure aana, taꞌe e lae mai neꞌi pris aana nanamanga aana maurihe nge e kaꞌa toꞌo haꞌamangolana oto ooꞌoo.

Hibru 7:27

Na ingeie e kaꞌa urihana ike ngaeta mo naꞌohai pris nge kire ko uunu ola mola i suli hei dinge. Kire ko holaꞌi uunu ola kaꞌu honotana mo oorahaꞌaanga ikire maraada, nge kire ko si heꞌi uunu ola loꞌu honotana mo oorahaꞌaanga ahutana mwala. Taꞌe a Jisas e niie maraana aani uunu-olanga mola hautaꞌai huni tapa mousie oorahaꞌaanga ahutana mwala aana taꞌena nga maholo.

Hibru 9:12

A Kraes e lai sili mola hautaꞌai i laona tohungana leu maaꞌi, na e kaꞌa toolea ike apune nga nanikot wa nga puluke mala uunu-olanga ingeie hunie a God. Taꞌe e toolea apune oto maraana, nge e sai haꞌa-uurie taꞌena nga iinoni aana taꞌena nga maholo mwaanie mo oorahaꞌaa ingeie.

Hibru 9:26

Mala uri a Kraes ke lae peꞌi deu urine suli maholo, haꞌalaa a Kraes ko talei sasapesalu mola hunge-hungaꞌa uure oto aana maholo a God e haꞌaholaa walumalau, lae mai hule siꞌiri. !Taꞌe haꞌike! E lae mai hule aaka mo iinoni hautaꞌai mola aana mo dinge ooreta ienini huni haꞌamangoa oorahaꞌaa aana e niie maurihaꞌana mala nga uunu-olanga i saana God.

Hibru 9:7

Taꞌe aana ruana nga duru, Naꞌohana Mo Naꞌohai Pris mola maraana haliꞌite e sai lae i laona, na e sai lae mola i laona hautaꞌai aana halisi. Na suli maholo ko sili i laona Hahuꞌana Leu Maaꞌi ngeena, nge ko too-toolea apune mo ola mauri peꞌie, aana e saꞌa sili ike i laona duru ngeena na e kaꞌa toolea nga mei epu. Oto ko uuraaꞌinie talana mo oorahaꞌaanga ingeie maraana, na talana mo oorahaꞌaanga nge mwala e dauꞌi na kire kaꞌa saiꞌi.

Hibru 9:9

Walu ola ngeena domana mola nga nunui ola huni haataꞌinie loꞌongaꞌinge aana nga taa ko reu-reu aana maholo ienini. Aana mo uuraaꞌinge na mo uunu-olanga nge mo pris kire lae peꞌi euꞌesuiꞌi hunie a God, kire saꞌa roroꞌa ni esuie ike manatana iinoni ko palo-palo ngeena hunie ke rereꞌa na ke oodotaꞌi.

1 Pita 1:19

!Haꞌike! E holi eelihoꞌi eemiu aana tohungana apune a Kraes, aana a Kraes e mae honotamiu urihana nga kele kalei sipu aana uunu-olanga. Na mala kire ko lio hilisie nga kele kalei sipu e kaꞌa toꞌo aana ike nga mei ola ke aaela aana hunie uunu-olanga, nge e urine noꞌone aana a God e lio hilisie a Kraes.

1 Pita 2:22

Nga taa mo Uusu-uusu Maaꞌi e unue i sulie a Kraes e toꞌohuu, aana e teꞌuri, E kaꞌa asuie ike nga mei ola aaela, na nga mei wala ni eeronga e kaꞌa maau ike mwaanie ngidune. Aesaea 53:9

1 Pita 2:24

Oto maholo a Kraes e lae huni mae i lengine poꞌu-poꞌu e toolea noꞌone oto mo oorahaꞌaanga ikie i sapena. Haꞌaloilana e lae haahie mo oorahaꞌaanga ikie urine hunie kie ke mae mwaanie oorahaꞌaa, taꞌe kie ke mauri loꞌu huni iiꞌo oodotaꞌi taraꞌasi. Na i tehulaꞌana mo malaka i sapena ngeena, nge haꞌa-uurilaka e si lae.

1 Pita 3:18

Aamasitoꞌo kaꞌu aana uri a Kraes e sapesalu na hule aana e mae. Ingeie, e kaꞌa mae ike i tehulaꞌana nga mei ola aaela e asuie, aana ingeie iini oodotaꞌi a God, taꞌe e mae mola honotaka mo iinoni kie kaꞌa oodotaꞌi. E mae hautaꞌai hunie ke toolekie aalihoꞌi loꞌu mei i saana God, taꞌe Liꞌoa Maaꞌi a God e taꞌe aalihoꞌi loꞌu aana hunie maurihe huu, na e saꞌa roroꞌa ni mae loꞌu.

1 Pita 4:2

Oto maholo omu iiꞌo ue mai i laona walumalau ie, omu ke suꞌuri lulu i sulie walu ola aaela mola mala saemiu. !Suꞌuri! Omu ke lulu i sulie mola nga taa a God e saetoꞌo aana.

1 Jon 1:7

Taꞌe mala uri kie ko iiꞌo i laona raa-raa mala a God noꞌone ko iiꞌo i laona raa-raa, nge kie ke iiꞌo ruru peꞌikie hailiu, na apune Kalena, a Jisas, ke si haꞌarereꞌakie mwaanie ahutana oorahaꞌaa.

1 Jon 3:5

Omu manataꞌinie oto uri a Kraes e lae mai huni taꞌaasie oorahaꞌaa, na uri ingeie maraana nga mei oorahaꞌaanga haꞌike aana.

Haataꞌinge 1:5

na kire uure noꞌone mwaanie a Jisas Kraes. A Jisas oto ko haꞌawalaimoliꞌaa walana God, na ingeie oto naꞌohai mwane e taꞌelaꞌi mwaanie maenga, na ingeie oto inemauri haahie ahutana mo aalaha mai welumalau. Ingeie oto iini nge e manata diana hunikie, na ingeie oto e luhesikie mwaanie mo oorahaꞌaa ikie aana apune.