Hibru 7:26 - Tataroha Diana

²⁶ Oto a Jisas ingeie oto Hahuꞌana Naꞌohai Pris e sai peꞌikie. Ingeie oto e maaꞌi, na e kaꞌa oorahaꞌaala ike, na oopalana e lae oto mwaanie mwala e oorahaꞌaa, na a God e tohungei haꞌapainaꞌaa oto liutaa aana e tahelaꞌinie oto taꞌau i Lengi.

Hibru 7:26 ပူးပေါင်းရင်းမြစ်များ

Matiu 27:18

A Paelat e dolosi aada urine aana e saie mone uri mwala paine aana mo Jiu kire toolea mai a Jisas i saana aena aana kire ko upwesie.

Tataroha Diana I Sulie A Jisas Kraes Nge A Mak E Uusue 16:19

Oto i purine Aalaha ikie a Jisas e ere mango urine peꞌire, a God e tahelaꞌinie oto taꞌau i Lengi na e lai iiꞌo oto aana iiꞌo-iiꞌoha paine i pwalo-pwalona God.

Tataroha Diana I Sulie A Jisas Kraes Nge A Luk E Uusue 1:35

Oto ensel ko aalamie uuri, “Liꞌoa Maaꞌi kei siho i lengimu, na nanamanga iini e Paine Liutaa kei melusiꞌo. Na aena ngeena kele wee-wee iꞌoe kei maaꞌi na sailana kei lae uri ingeie Kalena a God.

Tataroha Diana I Sulie A Jisas Kraes Nge A Luk E Uusue 23:22

Oto oolune nga maholo a Paelat ko heꞌi unue loꞌu hunire uuri, “?Aana e ue? ?Haꞌalaa nga mei taa ni e dau aaelasie? Nou kaꞌa lio oodoie ike nga mei ola huni horo maesie i tehulaꞌana. Aena urine, ne kei repusie mola na no ko toliꞌaasie oto ke iiꞌo luhetaꞌi.”

Tataroha Diana I Sulie A Jisas Kraes Nge A Luk E Uusue 23:41

Ikure aana e urine, na horoꞌilakarue ko lae oto haahie mo ola kure dau aaelasiꞌi. Taꞌe a mwane ienini, ingeie e kaꞌa dau aaelasie ike nga mei ola oto ooꞌoo.”

Tataroha Diana I Sulie A Jisas Kraes Nge A Luk E Uusue 23:47

Oto naꞌohana mo ramo ni Rom e uure-uure i leune, maholo e leesie mei olana e rau urine, ko si ere ni haꞌamaꞌunge hunie a God, na ko teꞌuri, “Toꞌohuu oto, a mwane ie nga mwane oodotaꞌi.”

Tataroha Diana I Sulie A Jisas Kraes Nge A Luk E Uusue 24:26

Aana kire unue uri a Kraes kei saro sapesalu na kei mae oto urine, nge ke si lai iiꞌo aana manikuluhaꞌana.”

Tataroha Diana I Sulie A Jisas Kraes Nge A Luk E Uusue 24:46

Na ko teꞌuri hunire, “Uusulana e lae oto uurini. A Kraes kei saronai sapesalu na kei saronai taꞌelaꞌi loꞌu mwaanie maenga aana oolune nga hai dinge.

Tataroha Diana I Sulie A Jisas Kraes Nge A Jon E Uusue 14:30

Nou saꞌa iiꞌo tewa ike loꞌu peꞌiꞌomu huni ere-ere peꞌiꞌomu, aana aalaha haahie walumalau ie, a Pwelu Eero-eero, ko lae oto mai. Ingeie e kaꞌa toꞌo aana ike nga nanamanga haahieu,

Tataroha Diana I Sulie A Jisas Kraes Nge A Jon E Uusue 8:29

Na iini e uusungeꞌinieu mei, ingeie taane peꞌieu, e kaꞌa toliꞌaasieu ike mola maraaku, aena aana no ko hele i sulie saena mola tarau.”

Palonga 3:14

A Jisas e tohungei maaꞌi na e oodotaꞌi i maana a God, taꞌe omu leledie mola. Na iꞌomu nge omu teangie a Paelat hunie ke luhesie a Barabas, mwane horo-horo.

Palonga 4:27

Na e toꞌohuu oto, aana a Herod Antipas peꞌie mo Israel, na a Pontias Paelat peꞌie mo Aapoloa Aaopa kire mani esu loko-loko huni horoꞌie a Jisas, koni-konihe maaꞌi iꞌoe nge o lio hilisie oto waite hunie ke neꞌie a Kraes.

2 Korinit 5:21

A Kraes ingeie e kaꞌa toꞌo aana ike nga mei oorahaꞌaanga, taꞌe a God e da mola hunie ke toꞌo aana mo oorahaꞌaanga ikie mo iini kie lado toꞌohuu peꞌie a Kraes, hunie ikie noꞌone kie ke si toꞌo aana oodotaꞌinge ingeie.

Hibru 1:3

Ingeie oto raa-raa nge ko haataꞌinie manikuluhaꞌana a God, na ingeie oto ko haataꞌinie walu ola i sulie a God, aana kirerue tohungei sada. Kalena God oto ko hele maꞌutaꞌa aana walumalau aana walana nge e nanama. Na maholo e asu mangoa oto tala hunie saeꞌaasilana mo oorahaꞌaa ikie, nge e si lai iiꞌo aana naꞌohai iiꞌo-iiꞌoha i pwalo-pwalona God, Sam 110:1 iini nge ko iiꞌo taꞌau i Lengi na e manikuluꞌe oto liutaa.

Hibru 12:2

Kie ke lae peꞌi lio hahuroto aana a Jisas uri ingeie ni e aehotaa mei hiiwalaimolinge ikie, na ingeie oto ko lio i sulie hiiwalaimolinge ikie lai hule aana haꞌamangolana. Maꞌalana maenga i lengine poꞌu-poꞌu mei ola ni masanga oto paine, taꞌe ingeie e neꞌisae mwai-mweisie mola masanga ngeena na e lae peꞌi aꞌailaꞌa mola maꞌalana kire horoꞌie i lengine poꞌu-poꞌu urine. Ingeie oto e mwaꞌe-mwaꞌe ni mae urine aena aana e neꞌisae paine oto haahie ilenimwaꞌenga nge kei hele aana mai puri, na aana maholo ienini, e iiꞌo oto i pwalo-pwalona God huni aalaha peꞌie.

Hibru 2:10

A God oto iini e haꞌaholaa taꞌena nga ola, na ingeie oto tohungei aalaha haahie ahutana mo olana. Na nga taa e asuie aana e toliꞌaasie Kalena ke sapesalu, e tohungei oodo na e malisi, aana saena God hunie Kalena ke haꞌa-uurie mo iinoni oto hunge. Oto aana a Kraes e sapesalu honotaka mo iinoni urine, nge e haꞌamangoa oto asunge ingeie mala a Haꞌa-uuritaka, na e haꞌa-uurie mo iini oto hunge hunie kire ke mani iiꞌo oto peꞌie aana manikuluhaꞌana taꞌau i Lengi.

Hibru 2:17

Aena urinena, e tohungei roroꞌa hunie maraana, hunie ke sada peꞌikie mo eesine aana taꞌena nga ola, hunie uri ke hai-hei aamasi toꞌohuu hunikie maholo ko esu nana a God mala Hahuꞌana Naꞌohai Pris ikie, aana asunge ingeie oto hunie ke haꞌa-oodohie mo oorahaꞌaanga mo iinoni hunie a God ke saeꞌaasiꞌi.

Hibru 3:1

Oto maeni eesiku maaꞌi, a God e mani soikie oto i saana taꞌau i Lengi, oto omu ke lolodosae i sulie a Jisas, iini nge kie ko meni houleꞌinie uri ingeie oto naꞌohai Hurulaꞌaa nge ko tarohaꞌinie walana God hunikie, na ingeie oto Hahuꞌana Naꞌohai Pris ikie.

Hibru 7:11

Maꞌalana mo Haꞌatolanga a Mosis e unue uri mo pris ke uure mola aana komu a Livae, taꞌe mo pris ngeena kire saꞌa roroꞌa ni da ike nga iini ke oodo taꞌingelu na nga mei ola e kaꞌa aaela ike aana. Oto kie tohungei saetoꞌo aana nga taungei pris aaopa mala a Melkisedek, kaꞌa ike mala mo iini kire uure aana eetana nga naꞌohai pris a Eron aana komu a Livae ngeena.

Hibru 8:1

Tohungei loꞌongaꞌinge aana nga taa melu ko unu-unue huniꞌomu e uuri. Kie toꞌo aana oto Hahuꞌana Naꞌohai Pris nge ko iiꞌo aana iiꞌo-iiꞌoha nanama i pwalo-pwalo aana naunekume ni menikuluꞌanga a God taꞌau i Lengi.

Hibru 9:14

!Taꞌe apune a Kraes e nanama loꞌu liutaa! Aana nanamanga a Liꞌoa Maaꞌi nge e iiꞌo huu oto tarau, a Kraes e niie maurihaꞌana maraana hunie a God mala nga uunu-olanga e oodotaꞌi. Na apune ko hoda rereꞌa aana manataka, hunie kie ke toliꞌaasie mo tolahai ola aaela nge kie sai maesiꞌi, na hunie kie ke asu nana God Mau-meuriꞌe.

1 Pita 1:19

!Haꞌike! E holi eelihoꞌi eemiu aana tohungana apune a Kraes, aana a Kraes e mae honotamiu urihana nga kele kalei sipu aana uunu-olanga. Na mala kire ko lio hilisie nga kele kalei sipu e kaꞌa toꞌo aana ike nga mei ola ke aaela aana hunie uunu-olanga, nge e urine noꞌone aana a God e lio hilisie a Kraes.

1 Pita 2:22

Nga taa mo Uusu-uusu Maaꞌi e unue i sulie a Kraes e toꞌohuu, aana e teꞌuri, E kaꞌa asuie ike nga mei ola aaela, na nga mei wala ni eeronga e kaꞌa maau ike mwaanie ngidune. Aesaea 53:9

1 Pita 3:22

A Jisas e tahelaꞌi oto i Lengi, na e iiꞌo oto i pwalo-pwalona God aana leu e nanama oto liutaa. Na aana a Jisas e toꞌo aana iiꞌo-iiꞌoha oto paine ngeena, nge ko aalaha oto haahie mo ensel na mo aakalo na mo inemauri na mo aalaha, na haahie taꞌena nga ola e nanama loꞌu.

1 Jon 2:2

Aana ingeie oto e neꞌi uunu-olanga i saana Mamaꞌa, nge e sai haꞌa-oodohie mo oorahaꞌaa ikie. Na e kaꞌa ike taꞌe mo oorahaꞌaa ikie hahaiteli, taꞌe ahutana mo oorahaꞌaa mo iinoni aana walumalau oto noꞌone.

1 Jon 3:5

Omu manataꞌinie oto uri a Kraes e lae mai huni taꞌaasie oorahaꞌaa, na uri ingeie maraana nga mei oorahaꞌaanga haꞌike aana.

Haataꞌinge 3:7

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wau i Piladelpia uuri. “Ineu iini e maaꞌi na e toꞌohuu, nge nou hele aana kii a Deved Inemauri. Mala no ko tahanie taꞌena nga maa hunie nga iini, na nga iini e saꞌa honoa ike loꞌu. Wa mala uri no ko honoa maa hunie nga mo iini, na nga iini e saꞌa tahanie ike loꞌu hunire. Ineu oto ie no ko unue huniꞌomu.