Hibru 6:19 - Tataroha Diana19 Aana haiholotaꞌinge a God ngeena domana oto uri nga hunata maꞌutaꞌa hunie maurihaꞌaka ni ngeena. Na hunata ngeena e kaꞌa sai ada loꞌu, aana a Jisas ni ngeena, na ingeie oto taꞌau aana tohungana leu maaꞌi i saana God. အခန်းကိုကြည့်ပါ။ |
Ngaeta mo mwane aana pulitaa ni lei-lei ngeena ikire mo iini aana aapa mo Sadiusi, na ngaeta mo iini aana aapa mo Parise. A Pol e saie urine mone, oto ko ere paine hunire na ko teꞌuri, “Maeni eesiku, ineu ngaeta Parise ni ie, na mo weuweku mo Parise noꞌone. Na hiiwalaimolinge ineu uri a God kei taꞌea mo iini e mae. Na aena mei olana kaꞌu omu ko leieu haahie ie.”
Aena mei olana nge haiholotaꞌinge ngeena mei ola mola i sulie hiiwalaimolinge. A God e asuie oto urine, uri hunie haiholotaꞌinge ngeena ke neꞌi niinge oto mola mwaakule, na e sai hule aana ahutana mo weuwana Ebraham mai puri. E kaꞌa ola ike mola ikire mwala ko lulu i sulie mo Haꞌatolanga a Mosis, taꞌe e neꞌie oto mei ola hunie ahutana mwala e hiiwalaimoli aana God mala a Ebraham e hiiwalaimoli aana. Aana ingeie oto weuwana ahutaka nge kie hiiwalaimoli aana a God,
A Ebraham e lae mola peꞌi hiiwalaimoli aana a God na peꞌie norutoꞌonga aana huni esuie nga taa e haiholotaꞌinie, maꞌalana mei olana ke lio aasa loꞌu hunie ke oa. Aena mei olana, nge a God e lio hilisie a Ebraham hunie ke neꞌie aamana mo komu ni iinoni hunge oto mala mo Uusu-uusu Maaꞌi e unue uuri, Mwala aana komu ni iinoni iꞌoe kire kei hunge mala heeꞌune salo. Jenesis 15:5
Maholo a Kraes e mauri eelihoꞌi mwaanie maenga, a God e haꞌa-uuriꞌomu noꞌone mwaanie maenga i tehulaꞌana oorahaꞌaa, hunie iꞌomu noꞌone omu ke toꞌo aana maurihe. Oto aena urinena, omu ke neꞌi-neꞌisae paine aana mauringe taꞌau i Lengi, leu nge a Kraes e iiꞌo i lengine naunekume ingeie aana taꞌau i pwalo-pwalona God.
Taꞌe maꞌalana ngaeta mo iini ko neꞌisae rue-ruaꞌa urine, soihaadaꞌinge e saꞌa rongo ike hunire aena aana soihaadaꞌinge e toꞌo aana taane poo-pootana nge e kaꞌa sai esuleꞌi ike. Na a God e uusue mo wala i sulie soihaadaꞌinge ingeie uuri, “A Aalaha e manataꞌinie taane mo iini ingeie,” na loꞌu uuri, “Ahutana mo iini ko unue uri kire hiiwalaimoli aana a Aalaha, kire ke mani toliꞌaasie oto mo tolahai ola aaela ikire.”
Taꞌe aana ruana nga duru, Naꞌohana Mo Naꞌohai Pris mola maraana haliꞌite e sai lae i laona, na e sai lae mola i laona hautaꞌai aana halisi. Na suli maholo ko sili i laona Hahuꞌana Leu Maaꞌi ngeena, nge ko too-toolea apune mo ola mauri peꞌie, aana e saꞌa sili ike i laona duru ngeena na e kaꞌa toolea nga mei epu. Oto ko uuraaꞌinie talana mo oorahaꞌaanga ingeie maraana, na talana mo oorahaꞌaanga nge mwala e dauꞌi na kire kaꞌa saiꞌi.