Hibru 6:17 - Tataroha Diana

¹⁷ Oto maholo a God e haiholotaꞌi ngeena, e sare haataꞌi diana aana hunie mo iini nge kire kei hele aana nga taa e haiholotaꞌinie ngeena uri e saꞌa roroꞌa ni oolisie ike loꞌu saena. Aena urine nge e sare tohe loꞌu aana haiholotaꞌinge ngeena.

Hibru 6:17 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 10:10

Iinoni peli-peli ko lae mola mai huni peli na huni horo na huni waelie mola nga mo ola. Ineu, nou lae mai uri hunie kire ke hele aana maurihe huu, maurihe nge nga mei ola diana e kaꞌa aiꞌaa ike mwaanie.

Uusu-uusu A Pol Hurula'aa Hunie Mo Rom 11:29

Aana maholo a God ko lio hilisie oto nga iini na ko niie haꞌadianaꞌanga oto hunie, e saꞌa heꞌi oolisie ike loꞌu saena.

Uusu-uusu A Pol Hurula'aa Hunie Mo Rom 8:17

Na aena aana ikie oto maeni kalena, kie kei helesie oto ahutana toꞌo-toꞌolana a God nge e loohaꞌiniꞌi nana a Kalena, a Kraes, na e loohaꞌiniꞌi noꞌone naka mo eesine a Kraes, aana ikie noꞌone mo kalena God. Kie kei helesie oto noꞌone manikuluꞌanga taꞌau i Lengi nge a Kraes e hele aana oto, aena aana ikie, kie ko sapesalu noꞌone mala a Kraes e sapesalu keꞌu.

Kalesia 3:29

Oto mala uri iꞌomu mo iinoni a Kraes, nge omu neꞌie oto mo kalena Ebraham eena, na omu kei haro hele aana maurihe nge a God e haiholotaꞌi huni niie nana Ebraham.

Epesas 1:11

Na loꞌu, i tehulaꞌana a Kraes e lio hilisikie, nge kie neꞌi iinoni oto ingeie. Na leune a God e asuie oto, mala oto ko esuie walu ola i sulie oalaꞌinge na loꞌongaꞌinge ingeie.

Hibru 11:7

Aani hiiwalaimolinge mone, nge a Noa e tola i sulie a God maholo a God e haꞌapasulie aana mo ola nge nga iini e kaꞌa leesiꞌi ue. Oto e asuie painehaꞌana haka huni haꞌa-uurie mo uluhei iinoni ingeie. Na aana e hiiwalaimoli aana God urine, nge e neꞌi iinoni oodotaꞌi i maana God, na e si haataꞌinie uri mwala aana pongine kire tohungei aaela liutaa, na e malisine oto a God ke haꞌamotaahire.

Hibru 11:9

E hiiwalaimoli aana God, kaꞌu e lai iiꞌo mala nga awataa aana leu nge a God e haiholotaꞌi huni niie hunie. Na aana ko iiꞌo mola mala nga awataa, nge e lai iiꞌo mola aana nume susulu, na kalena a Aesak peꞌie weuwana a Jekob, kirerue mani iiꞌo noꞌone mola aana nume susulu mala a Ebraham, maꞌalana a God e haiholotaꞌinie leune noꞌone hunirerue.

Hibru 6:12

Mwaanie omu lalawa ni esu, taꞌe saeku uri omu ke uusulie mo iini kire hiiwalaimoli aana a God oto wau i naꞌo, aana kire iiꞌo peꞌi maaꞌoohinge susutoꞌo oto mola, nge kire si helesie nga taa nge a God e haiholotaꞌi huni niie hunire.

Hibru 6:16

Maholo nga iini ko esuie nga haiholotaꞌinge, nge ko tohe takoie satana nga iini e paine loꞌu liutaa aana, na i leune maꞌalana nga haꞌa-erenga, taꞌe kei mango oto, aana iini e paine liutaa ngeena kei leie haahie, mala uri e kaꞌa dau i sulie walana.

Hibru 6:18

Oto kie toꞌo aana e ro mei wala nge kire saꞌa roroꞌa hai-oolisi ike loꞌu, aana a God e saꞌa eero ike aani heiholotaꞌinge, na e saꞌa eero ike noꞌone aani tohenga. Oto ikie mo iini nge kie tahi oto takoie a God hunie ke haꞌa-uurikie, a God ko ere haꞌasusue saeka, na urine kie sai hele maꞌutaꞌa aana maaꞌoohinge susutoꞌo hunie haiholotaꞌinge a God eena.

Jemes 1:17

Ahutana mo ola diana na mo ola oodotaꞌi kire uure mai mwaanie i Lengi, mwaanie iini nge e haꞌaholaa sato, na waro-waro, na mo heeꞌu. Na raa-raangana e kaꞌa urihana ike mo ola ngeena aana kire ko hei-hei-oolisi mola, taꞌe tolahai ola diana ingeie e saꞌa kele hai-oolisi ike oto ooꞌoo.

Jemes 2:5

Omu ke rongo kaꞌu, maeni eesiku maaꞌi. A God e lio hilisie mo iini e maitale aana walumalau ie hunie kire ke toꞌo-toꞌo aana hiiwalaimolinge, na huni toꞌo aana aalahanga nge e haiholotaꞌinie hunie mo iini nge kire manata diana hunie.

1 Pita 1:3

E hahuꞌei diana hunie kie ke paalahea God, Aamana Aalaha ikie a Jisas Kraes. Aena aana aamasinge ingeie hunikie mone e haꞌahutekie loꞌu hunie mauringe haalu. Oto i tehulaꞌana taꞌelaꞌinge a Jisas Kraes mwaanie maenga, nge kie toꞌo aana mei heiholotaꞌinge diana nge kie tohungei norutoꞌo oto aana.

1 Pita 3:7

Oto loꞌu, iꞌomu mo poro, omu ke iiꞌo peꞌie mo huꞌe iꞌomu peꞌi haꞌamaꞌunge aada, na omu ke aamasitoꞌo aana uri kire kaꞌa aꞌailaꞌa ike mala iꞌomu mo mwane. Omu ke haꞌamaꞌu aada i sulie a God e haiholotaꞌinie noꞌone hunire uri kire kei hele tararuru aana niinge ni meurihe ingeie peꞌiꞌomu. Oto e lae oto i diana liutaa uri hunie omu ke lio i suli diana aada, mwaanie nga mei ola e liu honosie mo aarengaꞌinge iꞌomu.