Hibru 6:10 - Tataroha Diana

¹⁰ Aana leinge a God e oodo oto taꞌingelu na e kaꞌa sai pulongosie ike asunge iꞌomu na manata-diananga nge omu haataꞌinie hunie mwala i tehulaꞌana a Kraes. E lio saie mola uri omu peꞌi-peꞌi diana aana mo iinoni ingeie, na uri omu ko lae-lae ue aana peꞌinge huniꞌomu heiliu.

Hibru 6:10 ပူးပေါင်းရင်းမြစ်များ

Matiu 10:42

Omu ke saie mola uri maꞌalana nga iini ko niie mola nga mei wei wawai ana nga taꞌa-taꞌa kele iini aana mo iini ko lulu i sulieu, aena aana uri ingeie pwaarongoisuli ineu, na kei hele waaite oto.”

Matiu 20:7

“Oto kire ko aalamie uuri, ‘Sulie nga iini huni esu nana haꞌike.’ “Oto ko unue hunire uuri, ‘Nge ko urine, omu ke lae noꞌone i hohola ineu huni esu nekue.’

Matiu 25:17

Iini e hele aana e ro mwaꞌii toꞌoha, na e urine loꞌu. E lai deu esunge noꞌone, oto ko terie loꞌu ngaeta ro mwaꞌi loꞌu haahie e ro iini e hele aani.

Tataroha Diana I Sulie A Jisas Kraes Nge A Mak E Uusue 9:41

No ko unue oto huniꞌomu uri, mala nga iini ko niie nga mei wei emiu aena aana omu ko lulu i sulieu, nge a God kei waaie taane iinoni ngeena.”

Tataroha Diana I Sulie A Jisas Kraes Nge A Jon E Uusue 13:20

No ko unue oto huniꞌomu uri a tei ko tekuhie nga iini no ko uusungeꞌinie wau, nge ko tekuhieu noꞌone oto. Na a tei ko tekuhieu, ko tekuhie noꞌone iini e uusungeꞌinieu mei.”

Palonga 10:31

Oto ko teꞌuri, ‘Konilias, a God e pwani rongoa oto aarengaꞌinge iꞌoe, na e lio saie oto nga taa o ko euꞌesuie huni peꞌie kira maitale.

Palonga 10:4

Oto a Konilias ko tohungei meꞌu, na ko lio hahuroto oto aana ensel ngeena, na ko teꞌuri, “?Nga taa eena, poro paine?” Oto ensel ko teꞌuri hunie, “A God e rongoa oto mo aarengaꞌinge iꞌoe, na ko leesie o ko peꞌie kira maitale, oto ko tohungei saemango haahiꞌo. Oto maholo ienini a God ko sare peꞌiꞌo noꞌone.

Palonga 11:29

Oto ahutana kira hiiwalaimoli kire si meni neꞌisae tararuru huni peꞌie soihaadaꞌinge aana poꞌo ni henue i Jiudia i sulie e nite nga iini aada e sai uusungeꞌinie.

Uusu-uusu A Pol Hurula'aa Hunie Mo Rom 12:13

Omu ke peꞌie mo iinoni a God aana maholo kire ko lae oodoie aasanga, na omu ke tola konie mo awataa i laona mo nume iꞌomu.

2 Korinit 9:1

Nou saie uri omu saenanau taane oto aana niinge nge kolu ko uusungeꞌinie taꞌau huni peꞌie mwala a God i Jerusalem, na nou kaꞌa sare ere hiitoꞌo ike loꞌu i sulie leune.

Kalesia 5:13

Iꞌomu, maeni eesiku maaꞌi, a God e soiꞌomu uri hunie omu ke iiꞌo luhetaꞌi mwaanie mo Haꞌatolanga a Mosis. Taꞌe mwaanie omu loꞌongaꞌinie uri omu iiꞌo luhetaꞌi huni oorahaꞌaa mola mala saemiu. !Haꞌike! Omu ke peꞌiꞌomu aani manata-diananga huniꞌomu heiliu.

Kalesia 5:6

Aana maholo iinoni e lado oto peꞌie a Jisas Kraes, nge maꞌalana e torihesiꞌo wa haꞌike, taꞌe e sada mola na e kaꞌa roroꞌa ike. Taꞌa-taꞌa leu mola e roroꞌa, na leune mola hiiwalaimolinge ikie aana a Jisas Kraes ke si haataꞌi aana manata-diananga hunie mo iinoni.

Kalesia 6:10

Aena urine, maholo kie ko leesie uri e malisine kie ke peꞌie nga iini, nge kie ke peꞌie oto. Na peꞌinge ikie ke lae oto liutaa hunie mo iini kie mani hiiwalaimoli aana Kraes.

Kolosi 3:17

Oto taꞌe-taꞌena nga ola omu ko euꞌesuie, wa omu ko unu-unue, omu ke asuie mala iinoni a Aalaha ikie a Jisas. Na omu ke paalahea a God Aamaka tarau i tehulaꞌana a Kalena.

1 Tesalonaeka 1:3

Oto tarau aana aarengaꞌinge iꞌemeelu hunie a God Aamaka, melu ko aamasitoꞌo aana mo tolahai iinoni diana nge omu ko lulu i suliꞌi i sulie hiiwalaimolinge iꞌomu aana a Jisas, na mo weonga iꞌomu i tehulaꞌana omu manata diana hunie a God. Na melu ko loꞌongaꞌinie noꞌone uuranga aꞌailaꞌa iꞌomu aani norutoꞌonga aana a Jisas Kraes Aalaha ikie.

1 Timoti 6:18

O ke unue hunire loꞌu uri kire ke asuie mola mo ola diana hunie kire ke toꞌo-toꞌo aana toꞌo-toꞌonga ni Lengi. Kire ke peꞌi-peꞌi, na kire ke iiꞌo aakau huni nii,

2 Timoti 4:8

Na waaite nge ne kei toolea i maana halinge ngeena e iiꞌo aakau loosieu oto, aana ineu nou iiꞌo oodotaꞌi oto i maana God. A Aalaha kei lei oodotaꞌi aana ahutana mwala, na aana Dinge Ooreta ke si waaieu taane. E saꞌa da ike leune hunieu haliꞌite, taꞌe hunie ahutana mo iini kire manata diana hunie na kire ko maaꞌoohie oolinge ingeie mai.

Hibru 10:32

Omu ke loꞌo-loꞌongaꞌinie mo ola e rau-reu eemiu i naꞌo aana maholo omu aehota hiiwalaimoli aana Tataroha Diana. Aana maholona, maꞌalana omu ke sapesalu hiitoꞌo aana nga mo ola hunge, taꞌe omu sai lae peꞌi uure maꞌutaꞌa mola.

Hibru 13:16

Na mwaanie omu pupulongosie peꞌilana ngaeta mwala aani esunge diana nada, aena aana mo uunu-olanga urine noꞌone nge saena God ko lae otoi mamango haahiꞌi.

1 Jon 1:9

Taꞌe mala kie ko haꞌahoue mo oorahaꞌaa ikie hunie a God, nge kie sai norutoꞌo aana huni saeꞌaasie mo oorahaꞌaa ikie, aana ingeie e oodotaꞌi na kei tohungei haꞌarereꞌakie mwaanie taꞌena nga takalonga ikie.