Hibru 5:8 - Tataroha Diana

⁸ Na maꞌalana e neꞌie kaꞌu Kalena God, taꞌe e haro sapesalu huni haataꞌinie uri e tola i sulie a God oto toꞌohuu.

Hibru 5:8 ပူးပေါင်းရင်းမြစ်များ

Matiu 3:15

Oto a Jisas ko aalamie a Jon uuri, “Toliꞌaasie ke rau oto urine, hunie kure ke dau i sulie nga taa a God e saetoꞌo aana.” Oto aena aana a Jisas e ere urine, a Jon e si loto maaꞌi aana a Jisas.

Tataroha Diana I Sulie A Jisas Kraes Nge A Jon E Uusue 10:18

Nga iini kaꞌa taꞌaasie ike maurihaꞌaku mwaanieu. Ineu, nou toliꞌaasie mola maraaku. Nou toꞌo aana nanamanga huni toliꞌaasie mola maraaku, na nou toꞌo aana nanamanga noꞌone huni tola aalihoꞌi loꞌu aana. Na nga taa Aamaku e unue mei ola ne kei esuie ni otona.”

Tataroha Diana I Sulie A Jisas Kraes Nge A Jon E Uusue 15:10

Mala omu ko tola i sulie mo haꞌatolanga ineu, haꞌalaa omu ko iiꞌo susu i laona manata-diananga ineu, mala oto ineu nou lulu i sulie mo haꞌatolanga Aamaku na nou iiꞌo i laona manata-diananga ingeie.

Tataroha Diana I Sulie A Jisas Kraes Nge A Jon E Uusue 4:34

Oto a Jisas ko teꞌuri hunire, “Mei ngeulaa ineu oto huni haꞌatoꞌoa saena iini e uusungeꞌinieu mei, na hunie ne ke haꞌamangoa oto mei esunge e niie hunie ne ke asuie.

Tataroha Diana I Sulie A Jisas Kraes Nge A Jon E Uusue 6:38

Aena aana nou siho mai uure i Lengi, kaꞌa ike hunie ne ke asuie mo ola i sulie saeku maraaku, taꞌe i sulie saena iini e uusungeꞌinieu mei.

Pilipae 2:8

E haꞌamwai-mweiꞌaa maraana, oto e tola i sulie neꞌisaenga a God lai hule oto aana maelana i lengine poꞌu-poꞌu.

Hibru 1:2

Taꞌe aana mo dinge ooreta ienini, a God e uusungeꞌinie mai a Kalena hunie ke houleꞌinie walana hunikie. A Kalena oto e haꞌaholaa walumalau ienini na ingeie oto kei toꞌo aana walumalau peꞌie taꞌena nga ola i lalo aana, i sulie oalaꞌinge a God ni otona.

Hibru 1:5

Kie saie uri leune e toꞌohuu oto, aana walu ola nge a God e unuꞌi hunie a Kalena e kaꞌa unuꞌi loꞌu hunie mo ensel, aana e ere i sulie a Kraes uuri, Iꞌoe oto a Kaleku, na siꞌiri no ko haataꞌinie uri ineu oto Aamamu. Sam 2:7 Na a God e teꞌuri loꞌu, Ineu nge ne kei neꞌie Aamana na ingeie nge kei neꞌie a Kaleku. 2 Samuel 7:14

Hibru 1:8

Taꞌe maholo a God e ere hunie a Kalena e teꞌuri, Iꞌoe oto a God, na aalahanga iꞌoe e saꞌa mango oto ooꞌoo. O lio i sulie mwala iꞌoe peꞌie oodo-oodonga.

Hibru 3:6

Taꞌe a Kraes mone Kalena God, na ingeie oto ko aalaha haahie uluhe aana nume a God, na ko tohungei lio i suli diana aana. Na ikie oto uluhe aana nume a God ngeena, mala uri kie kaꞌa mou-mou ike aani hiiwalaimolinge na kie ko maaꞌoohi susutoꞌo peꞌie norutoꞌonga aana Kraes oto taraureꞌi.